နောင်မင်းသူ၊နိရဉ္စရာ၊ ဩဂုတ် ၁၂/၂၀၂၄

ရခိုင်ပြည်၊မောင်တောမြို့ မြို့မကညင်တန်းရှိ Unicef ရုံး၌ ယူအန် ဒေသဆိုင်ရာ ဝန်ထမ်းနှင့်မိသားစုဝင် ၂၃ ဦးပိတ်မိနေကြဆဲဖြစ်ကြောင်း သတင်းရရှိသည်။

Unicef ရုံးတွင် ပိတ်မိနေသူများမှာ Unicef ရုံးဝန်ထမ်း ၂ ဦးနှင့် မိသားစု ၃ဦးအပြင် UN ဝန်ထမ်းမိသားစု ၆ ဦး၊ ACF ရုံးဝန်ထမ်း ၆ ဦး၊ မိသားစုဝင် ၅ ဦးနှင့်ဆေးဖက်ဆိုင်ရာဝန်ထမ်း ၁ ဦးတို့ဖြစ်ကြကြောင်း ပိတ်မိနေသူ UN ဝန်ထမ်းများက ပြောဆိုသည်။

ပိတ်မိနေသူUN ဝန်ထမ်းတစ်ဦးက "ပိတ်မိနေသူထဲမှာ ကလေး ၇ ဦးပါပါတယ်။လူကြီးက ၁၆ ဦးပါ။ စုစုပေါင်း ၂၃ ဦးပိတ်မိနေကြတာပါ"ဟု ပြောဆိုသည်။

ပိတ်မိနေသူများမှာတိုက်ပွဲများဖြစ်ပွားနေကြပြီး သေနတ်သံများကြောင့် ပြင်ပသို့ လုံး၀မထွက်ဝံ့ဘဲ ရှိနေကြကြောင်းသူက ဆက်ပြောသည်။

"သေနတ်သံတွေက မြို့အတွင်းကနေရာစုံကထွက်ပေါ်နေတယ်။ ဘယ်လို့မှ ထွက်သွားလို့ မရတာပါ။အသက်အန္တယ်ရာယ်ရှိနေကြပါတယ်။ လက်ကြီးကျည်တွေလည်း ရုံးအနီးမှာ ကျပြီးပေါက်ကွဲတာတွေရှိနေတယ်။လေကြောင်းက ဗုံးမချနိုင်အောင် ရုံးအခေါင်မှာ UNတံဆိပ် ရေးထားတာတော့ရှိတယ်"ဟု ပြောကြားသည်။

ထိုအတူမြို့တွင်း၌လည်း နေထိုင်မကောင်းသူနှင့် မသန်စွမ်းသူအချို့ပါ ပိတ်မိနေကြဆဲ ဖြစ်ကြောင်းစုံစမ်းသိရှိရသည်။

သူတို့သည်မြို့တွင်း၌ပိတ်မိနေကြသူများ လွတ်မြောက်နယ် မြေများသို့ ထွက်သွား ခဲ့ကြသော်လည်းအကြောင်းအမျိုးမျိုးကြောင့် မသွားနိုင်ဘဲ ပိတ်မိနေကြသူများလည်း ဖြစ်သည်။

မောင်တောမြို့၌ပိတ်မိနေကြသည့် အရပ်သားပြည်သူများအား အာရက္ခတပ်တော်(AA)က သြဂုတ်လ ရ ရက်မှစတင်ကယ်ထုတ်နေခဲ့ပြီး သြဂုတ်လ ၁၁ရက်နေ့ထိ အရပ်သားပြည်သူ ၁၃၀၀၀ ကျော်အထိကယ်ထုတ်နေရာချထားပေးပြီဖြစ်ကြောင်းAA ၏ထုတ်ပြန်ချက်များအရ သိ၇သည်။

ဓာတ်ပုံ- မောင်တော UNICEF ရုံးအား တွေ့၇စဥ်။