နောင်မင်းသူ၊နိရဉ္စရာ၊ဩဂုတ် ၁၂ /၂၀၂၄

ရခိုင်ပြည်အနောက်ဘက်နယ်စပ် မောင်တောမြို့တွင်ဖြစ်ပွားခဲ့သည့်တိုက်ပွဲကာလအတွင်း စစ်ကောင်စီတပ်က ဖမ်းဆီးထားသည့် အစိုး၇ဝန်ထမ်းများအပါအဝင် ဒေသခံလူပေါင်း ၂၀ ကျော်မှာသတင်းတစ်စုံတစ်ရာ မကြား၇ဘဲ ပျောက်ဆုံးနေသည်ဟု မိသားစုများက ပြောကြားသည်။

ဖမ်းဆီးခံရသူများအထဲတွင်မြေစာရင်းလက်ထောက်ဦး သိန်းကျော်မောင်(ဘ) ဦးကျော်သိန်းပါ၄ ဦး၊ မောင်တောဆေးရုံမှ ဝန်ထမ်း နှစ်ဦးဖြစ်ကြသည့် ဦးရဲမင်းနှင့်ဦးရဲမင်းဦးနှင့် နောက်ထပ် အရပ်သား ၂၀ ကျော်တို့ဖြစ်ကြသည်ဟုဆိုသည်။

“ ဖမ်းတာက မေလလယ်လောက်ကတည်းက ဖမ်းတာပါ။အခုထိ မိသားစုနဲ့ အဆက်အသွယ် မ၇ပါဘူး။ နခခ (၅) မှာချုပ်ထားတယ်လို့သာ ကြားပါတယ်။ ကြားသာကြားရတာ အဆက်အသွယ်မ၇ပါဘူး”ဟု ၎င်းမိသားစုနှင့် နီးစပ်သူက ပြော သည်။

မြေစာရင်းလက်ထောက်ဦးသိန်းကျော်မောင်(ဘ) ဦးကျော်သိန်း ပါ ၄ ဦးသည် မေလ ၁၆ ရက်နံနက် ၁၀နာရီခန့်တွင် မိသားစုအား လောင်းဒုံကျေးရွာတွင် နေရာချထားပေးပြီးပြားသားရွာက ဘုတ်ငှားပြီး မောင်တောမြို့ နေအိမ်သို့ ပြန်လာစဉ်ဟာဘီရွာကင်းစခန်းက ဖမ်းဆီးခဲ့သည်ဟု သိ၇သည်။

အလားတူမောင်တောဆေးရုံမှ ဝန်ထမ်းနှစ်ဦးဖြစ်ကြသည့် ဦးရဲမင်းနှင့် ဦးရဲမင်းဦးတို့ကိုလည်းမေလ ၁၅ ရက် ည ၅ နာရီအချိန်တွင် မောင်နီရွာသို့ သွားရောက်ကြစဉ်စစ်တပ်ကဖမ်းဆီးခြင်းကို ခံခဲ့ရပြီး ယနေ့အချိန်ထိ သတင်းတစ်စုံတစ်ရာမ၇ဘဲ ပျောက်ဆုံးနေသည်ဟုမိသားစုများကပြောဆိုသည်။

၎င်းပြင်မောင်တော ဗိုလ်မူးရွာတွင်နေထိုင်သူမျာဖြစ်သော ဦးမောင်မောင်ချေ၊  ဦးကျော်ခိုင်၊ထွန်နိုင်ဝင်း စုစုပေါင်း ၉ ဦးကို စစ်ကောင်စီနှင့် ပူးပေါင်းနေသည့်မွတ်ဆလင် လက်နက်ကိုင်များက ဖမ်းဆီးသွားခဲ့ပြီး ယနေ့အချိန်ထိလူငယ် ၂ ဦးသာ လွတ်မြောက်လာပြီး ကျန် ရ ဦးမှာ ပျောက်ဆုံး နေသည်ဟုသိ၇သည်။

ထို့အတူမေလ၃၀ ရက်နေ့တွင် ကသည်းလူမျိုးများမှ အပ်ထားခဲ့သည့်  လက်နက်၃ လက်ဖြင့် ဖမ်းဆီးခံထားရသည့်အောင်မြေဗောဓိကျေးရွာမှ ဒေသခံ ၆ ဦး ဖြစ်သည့်ဦးဒေါင်းပြောက်(ဘ) စိန်ရွှေမောင်၊ မောင်မောင်ချေ(ဘ)ဦးမောင်တင်၊ အရိုး(ဘ) မောင်ချေ၊ နေမျိုးထွန်း(မီးသတ်တပ်ဖွဲဝင်)၊ ဦးမြတ်နိုင်(ဘ)ထွန်းရီ နှင့်ဟိန္ဒူတစ်ဦးတို့ အနက် ဟိန္ဒူတစ်ဦးသာလွတ်မြောက်လာခဲ့ပြီးကျန် ၅ ဦးမှာ ယနေ့အချိန်ထိ လွတ်မြောက်လာခြင်းမရှိကြောင်းမိသားစုများထံမှသိ၇သည်။

မောင်တောမြို့မမြောက်ရပ်ကွက်ဝိမလမှဒေသခံလူငယ်၅ ဦးဖြစ်ကြတဲ့ အဝင်းချေ၊ ကျော်နိုင်ဦး(ခ) ကွမ်းသီး၊ နိုင်နိုင်ဇော်၊ လဘုချေ၊ ဇီးကွက်ချေတို့အားလည်း စစ်တပ်မှ ဖမ်းဆီးထားပြီး ယနေ့အထိ ပြန်လည်လွတ်မြောက်ခြင်းမရှိသေးကြောင်းမိသားစုဝင်များကပြောဆိုသည်။

"သူတို့ ၅ ဦးထဲမှာ တစ်ဦးကတောနေမကောင်းလို့ သေဆုံးသွားပြီလို့သတင်းကြားသိ၇တယ်။ ကျန်၄ ဦးကတော့ မလွတ်သေးဘူး။ တစ်ခြား အထက(၂)မှာ ဖမ်းထားတဲ့ အရပ်သား  ၄ဦးကိုတော့ နယ်ခြားစောင့်တွေ လွတ်ပေးခဲ့ကြတယ်"ဟု မိသားစုဝင်တစ်ဦးကပြောဆိုသည်။

ဇူလိုင်၂၂ ရက်နေ့၌ ဗိုလ်မှူးရွာသို့ အပြန်လမ်း၌ စစ်ကောင်စီက လက်နက်တပ်ဆင်ပေးထားသည့် မွတ်ဆလင် လက်နက်ကိုင်များ၏ ဖမ်းဆီး ခေါ်ဆောင်သွားခြင်း ခံခဲ့၇သည့်  ဦးကျော်စိန်အောင်(ဘ)ဦးမဲမောင်နှင့် ဇူလိုင် ၂၇ ရက်နေ့ ၌ အမှတ်(၁)ရပ်ကွက်ဈ ရှိတ္တာရွာနေအိမ်မှ ဦးမောင်အေး အပြင်ရွှေဇားမှဟိန္ဒူ လူမျိုး ၂ ဦးမှာလည်းပျောက်ဆုံးလျှက်ရှိနေကြောင်းသိ၇သည်။

မောင်တောမြို့မှ မွတ်ဆလင်တချို့လည်း စစ်ကောင်စီတပ်က ဖမ်းဆီးခံထားရသည်ဟုသိရှိရသော်လည်း စုံစမ်းမေးမြန်းရန် ခက်ခဲတွေ့နေ၍ အရေအတွက်နှင့် သူတို့၏ အမည်များကိုဖော်ပြနိုင်ခြင်း မရှိပါ။

သို့သော် မောင်တောမြို့နခခ(၅) တွင် ၇ခိုင်၊ မွတ်ဆလင်နှင့် ဟိန္ဒူလူမျိုး ၁၀၀ ခန့်ကိုစစ်ကောင်စီက ဖမ်းဆီးချုပ်နှောင်ထားပြီး လူသားဒိုင်ကာအဖြစ် အသုံးပြုထားသည်ဟု ဒေသခံများက ပြောဆိုသည်။