လူထက်နိုင်(ဒွါရာမြီ)၊နိရဥ္စရာ၊သြဂုတ်၁၈/ ၂၀၂၄

ရခိုင်ပြည်နယ်၊ဂွမြို့နယ်၊ ကျိန္တလီမြို့ကိုအာရက္ခတပ်တော်(AA) က ထိန်းချုပ်ထားပြီးဒေသခံများကိုသြဂုတ်၁ရရက်နေ့တွင်ဘေးလွတ်ရာသို့ကယ်ထုတ်နေကြောင်း ဒေသခံများထံမှသိ၇သည်။

ဒေသခံတစ်ဦးက“အခြေအနေကတော့ကောင်းပါတယ်။ AAကထိန်းချုပ်ထားနိုင်တဲ့အနေအထားပါ။ပြည်သူတွေထိခိုက်သေဆုံးမှုတွေတော့ရှိပါတယ်။အေအေကလော်စပီကာနဲ့အော်ပြီးလူစုပြီးကယ်ထုတ်နေတယ်ဗျ။ လက်နက်ကြီးကတော့ပစ်တယ်ဗျ။လေယဉ်လည်းလာတယ်။ စစ်ကောင်စီကကုလားပြင်တံတားနားမှာ ခံစစ်ပြင်ထားတယ်”ဟုပြောသည်။

ကျိန္တလီမြို့တွင်းပိတ်မိနေသောပြည်သူများအားအာရက္ခတပ်တော်မှလော်စပီကာများဖြင့်အသိပေးပြီးစက်ကောင်စီလက်နက်ကြီးနှင့်လေကြောင်းဗုံးကြဲသည့်ကြားမှဘေးလွတ်ရာနေရာများသို့ပို့ဆောင်ကယ်ထုတ်နေကြောင်းဒေသခံများကဆိုသည်။

တိုက်ပွဲများကြောင့် ကျိန္တလီမြို့တွင်ပြည်သူထောင်နှင့်ချီပြီး ပိတ်မိနေရာထိုအထဲက အာရက္ခတပ်တော်မှ၅၀၀ကျော်ကယ်ထုတ်ထားပြီးဖြစ်သည်ဟုအေအေနှင့်နီးစပ်သူကျိန္တလီမြို့ခံတစ်ဦးမှ နိရဥ္စရာကို သြဂုတ်၁ရရက်က အတည်ပြုသည်။

သြဂုတ်၁၆ရက်နှင့်သြဂုတ်၁ရရက်တွင်ကျိန္တလီမြို့အနီးရှိကျေးရွာများအား စစ်ကောင်စီဂွမြို့နယ်မှတပ်များဖြင့်အင်အားဖြည့်ထားပြီးကုလားပြင်ကျေးရွာတွင်အထိုင်ချထားကာလက်နက်ကြီးများပစ်ခတ်နေကြောင်း ဒေသခံနောက်တစ်ဦးမှပြောသည်။

ဒေသခံနောက်တစ်ဦးက“ကျိန္တလီကစစ်တပ်တွေကုလားပြင်ကိုတပ်ဆုတ်ပြီးဂွမြို့နယ်က အဖွဲ့တွေနဲ့ ကုလားပြင်မှာခံစစ်ပြင်ထားတယ်။လက်နက်ကြီးတွေအထိုင်ချပြီးကျိန္တလီကိုထုနေတယ်။ဟိုနေ့တွေကကျိန္တလီဘက်ကိုဂွကစစ်ကောင်စီတပ်တွေတက်လာတာရှိတယ်။မြို့ထဲမှာ တပ်တော်ရှိပါတယ်။သူတို့ဝင်လို့မ၇ဘူး”ဟုပြောသည်။

ကျိန္တလီမြို့အနီးကျေးရွာများတွင်စစ်ကောင်စီတပ်သားများသည်ပြည်သူများ၏ဆိုင်ကယ်များ၊သုံးဘီးများ၊ စက်လှေများအားမတရားယူဆောင်နေကြောင်းလည်းသိ၇သည်။

ကျိန္တလီမြို့တွင်လူဦးရေတစ်သောင်းကျော်နေထိုင်ကြပြီးစစ်ကောင်စီတပ်စွဲထားသည့်ကုလားပြင်နှင့်၅မိုင်ခန့်အကွာတွင်တည်ရှိသည်။

စစ်ကောင်စီသည်ကျိန္တလီနှင့်ဂွမြို့ကြားရှိကျောက်ပါးစပ်၊ကုလားပြင်၊ကိုင်းခုံ၊ဆပ်သွား၊ကြွေချိုင်၊တိုင်ကျိုး၊မော်ရွှေချိုင်၊ကမ်းသာယာစသည့်နေရာများတွင်တပ်ဖြန့်ထားကြောင်းသိ၇သည်။

၇ခိုင်ပြည်အတွင်းမောင်တောနှင့်သံတွဲမြို့နယ်တွင်တိုက်ပွဲဆက်လက်ပြင်းထန်နေပြီးဂွမြို့နယ်ထိတိုက်ပွဲနယ်မြေကျယ်ပြန့်လာနေခြင်းဖြစ်သည်။

တိုက်ပွဲများကြောင့်သံတွဲနှင့်ဂွမြို့နယ်ကဒေသခံပြည်သူအများအပြားမှာ ဧရာ၀တီတိုင်းနှင့်ပြည်မဘက် တို့တွင်စစ်ဘေးတိမ်းရှောင်နေကြ၇သည်။ (ဓာတ်ပုံ- ပုံဟောင်းသာ/  APN)