မောင်တောတွင် စစ်ကောင်စီဖမ်းဆီးထားသည့် မြိုလူမျိုး ၃ ဦးအပါအဝင် ဒေသခံအများအပြား သတ်ဖြတ်ခံရဟု သတင်းများထွက်ပေါ်လာ
နောင်မင်းသူ၊နိရဉ္စရာ၊ ဩဂုတ် ၂၁ /၂၀၂၄
ရခိုင်ပြည်၊မောင်တောတွင် စစ်ကောင်စီထံ ဖမ်းဆီးခံထား၇သည့် လူနည်းစု မြိုလူမျိုး ၃ ဦးအပါအဝင် ဒေသခံအများအပြားသတ်ဖြတ်ခံလိုက်ရပြီဟု သတင်းများ ထွက်ပေါ်လာသည်။
ထိုသတ်ဖြတ်ခံလိုက်၇သည့်မြိုလူမျိုး ၃ ဦးမှာ ကိုင်းကြီး(မြို)ကျေးရွာမှ သုံးဘီး ဆိုင်ကယ် မောင်းသူ ဦးနိုင်ဝိုင်း(၃၈)နှစ်၊ ခုံတိုင်ကျေးရွာမှ ဒေသခံတစ်ဦးနှင့် လောင်းဒုံကျေးရွာမှ ဒေသခံတစ်ဦးတို့ ပါဝင်ကြကြောင်းမြိုလူမျိုးများထံမှ သိရသည်။
ကိုင်းကြီး(မြို)ကျေးရွာမှရွာလူကြီး ဦးစံထွန်းက "သူတို့ကိုဖမ်းဆီးပြီး တစ်ပတ်လောက် အကြာမှာ ကျွန်တော်တို့မြိုလူမျိုးတွေ နခခ(၅)ကို သွားပြီးစုံစမ်းကြပါသေ
သို့အတွက် နယ်ခြားစောင့်တပ်ကို ဆက်လက်သွားမေးခဲ့ရာ၎င်းလူများကို စစ်တပ်က သတ်ဖြတ်လိုက်ပြီဟု ပြောကြားသည်ဟု ဦးစံထွန်းက နိရဉ္စရာသတင်းဌာနကိုပြောကြားသည်။
“ ကျွန်တော်တို့နယ်ခြားစောင့်တွေကို သွားမေးတော့ ဒီလူတွေကို စစ်တပ်ကဖမ်းဆီးပြီး သတ်လိုက်ပြီလို့ ပြောလိုက်တယ်"ဟုပြောကြားသည်။
ထိုမြိုလူမျိုး၃ ဦးမှာ ပြီးခဲ့သည့် ဧပြီလ ၃ ရက်က မောင်တောမြို့၌ ရွှေရောင်းချခဲ့သည့် ငွေကျပ်သိန်း(၁၈၀) ဖြင့် ၃ မိုင်သို့ပြန်လာစဉ်နခခ(၅)ရှေ့၌ ဖမ်းဆီးခံခဲ့၇ခြင်းဖြစ်ပြီး ငွေနှင့်အတူ လူများကို အစဖျောက်လိုက်ခြင်းဖြစ်သည်ဟု ပြောဆိုသည်။
ထို့အတူမေလ ၃၀ ရက်တွင် စစ်ကောင်စီထံ ဖမ်းဆီးခံခဲ့ကြရသည့် အောင်မြေဗောဓိကျေးရွာမှ ဒေသခံ ၆ဦးအနက် ၇ခိုင်လူမျိုး ၅ ဦးဖြစ်ကြသည့် ဦးဒေါင်းပြောက်၊ မောင်မောင်ချေ၊ အရိုး၊နေမျိုးထွန်း(မီးသတ်တပ်ဖွဲ့ဝင်)
သူတို့၅ ဦးနှင့်အတူဖမ်းဆီးခံခဲ့ရသည့် ဟိန္ဒူလူငယ်တစ်ဦးသာ ဇွန်လလယ်ပိုင်းတွင်လွတ်မြောက်လာခဲ့သည်ဟု မိသားစုဝင်အချို့က ပြောဆိုသည်။
မိသားစုဝင်တစ်ဦးက "လွတ်မြောက်လာတဲ့ ဟိန္ဒူလူငယ်ပြောပြချက်အရဆိုရင် သူတို့ ၅ ဦးလုံးစစ်ကြောရေးမှာအသတ်ခံလိုက်ရပြီ။ သူတို့ကို အခန်းခွဲပြီး စစ်ကြောရေးမှာ ရိုက်နှက်၊ သတ်ပုတ်သံတွေနေ့စဉ်ကြားခဲ့ကြ၇တယ်လို့ ပြောတယ်။ သူလွတ်လာတဲ့အချိန်မှာလည်း သူတို့ ၅ဦးလုံးရဲ့အရိပ် အယောင်တောင်မတွေ့ခဲ့ရဘူးလို့ ပြောတယ်"ဟု ဆိုသည်။
သူတို့သတ်ဖြတ်ခံရချိန်ကဆက်သွယ်ရေးလိုင်းများအခက်အခဲကြောင့် သတင်း အဆက်အသွယ် မရခဲ့ဘဲ ယခုမှအဆက်အသွယ်ရလာ၍ ဒေသခံများနှင့် မိသားစုဝင်များက ပြောဆိုကြခြင်းဖြစ်သည်။
မောင်တောမီးစက်ခွဆုံနာရီစင်အနီး
"နာရီစင်အနီးက မွတ်ဆလင်နေအိမ်တစ်ခုမှာ ၇ခိုင်နဲ့မွတ်ဆလင်အလောင်း ၈ လောင်း လောက် တွေ့ခဲ့ရတယ်လို့ သတင်းတွေကြားခဲ့ရတယ်။ ဘယ်သူဘယ်ဝါ
၎င်းပြင် မောင်တောက ဇူလှိုင်လ ၂ ရက်နေ့က ဖမ်းဆီးခံခဲ့ရသည့် ကျောင်းဆရာ မြင့်ဇော်ဦး (၃၆) နှစ်မှာလည်း ယနေ့ အချိန်ထိ မိသားစုများနှင့် အဆက်အသွယ်မ၇ ပျောက်ဆုံးနေသည်ဟု ညီမဖြစ်သူက ပြောကြားသည်။
“ သတင်း အစန ဘာမှ မကြားရသေးပါ။ ၇ လပိုင်း ၂ ရက်နေ့က ကညင်တန်းဈေးမှာ ဈေးဝယ်နေတဲ့ အချိန်မှာ RSO အကြမ်းဖက်တွေက ဖမ်းသွားတာပါ။ အခုအချိန်ထိ အဆက်အသွယ်မ၇ဖြစ်နေပါတယ်”ဟု ပြောကြားသည်။
အလားတူ ဖမ်းဆီးခံထားရသည့် မြေစာရင်းလက်ထောက်ဦးသိန်းကျော်မောင်(ဘ) ဦးကျော်သိန်းပါ ၄ ဦး၊ မောင်တောဆေးရုံမှ ဝန်ထမ်းနှစ်ဦးဖြစ်ကြသည့် ဦးရဲမင်းနှင့် ဦးရဲမင်းဦးနှင့် နောက်ထပ် အရပ်သား ၂၀ ကျော်တို့မှာလည်း အဆက်အသွယ်မရ ပျောက်ဆုံးနေကြောင်း သိ၇သည်။
မောင်တောမြို့မမြောက်ရပ်ကွက်ဝိမလမှဒေသခံလူငယ် ၅ ဦးဖြစ်ကြတဲ့အဝင်းချေ၊ ကျော်နိုင်ဦး(ခ) ကွမ်းသီး၊ နိုင်နိုင်ဇော်၊ လဘုချေ၊ဇီးကွက်ချေတို့အားလည်း စစ်တပ်မှ ဖမ်းဆီးထားပြီး ယနေ့အထိ ပြန်လည်လွတ်မြောက်ခြင်းမရှိသေးကြောင်းမိသားစုဝင်များကပြောဆိုသည်။
ဇူလိုင် ၂၂ ရက်နေ့၌ ဗိုလ်မှူးရွာသို့ အပြန်လမ်း၌ စစ်ကောင်စီက လက်နက်တပ်ဆင်ပေးထားသည့်မွတ်ဆလင် လက်နက်ကိုင်များ၏ ဖမ်းဆီး ခေါ်ဆောင်သွားခြင်း ခံခဲ့၇သည့် ဦးကျော်စိန်အောင် (ဘ)ဦးမဲမောင်နှင့် ဇူလိုင် ၂၇ ရက်နေ့ ၌အမှတ်(၁)ရပ်ကွက်ဈ ရှိတ္တာရွာနေအိမ်မှ ဦးမောင်အေး အပြင် ရွှေဇားမှဟိန္ဒူ လူမျိုး ၂ ဦးမှာလည်းပျောက်ဆုံးလျှက်ရှိနေကြောင်းသိ၇သည်။
မောင်တောမြို့ နခခ(၅)တွင် စစ်ကောင်စီလက်အောက်ခံဌာနဆိုင်ရာဝန်ထမ်းများ အပါအဝင်၇ခိုင်၊ မွတ်ဆလင်နှင့် ဟိန္ဒူလူမျိုး ၁၀၀ ခန့်အား ဖမ်းဆီးချုပ်နှောင်ထားပြီးလူသားဒိုင်ကာအဖြစ် အသုံးပြုထားသည်ဟု သတင်းထွက်ပေါ်နေသော်လည်း အတိအကျ မည်သူမျှပြောဆိုနိုင်ခြင်း မရှိပါ။ (ဓာတ်ပုံ- မောင်တောမှ နစက စခန်းတစ်ခု/ပုံဟောင်းသာ)
လှူရန်