လူထက်နိုင်(ဒွါရာမြီ)၊ ဆလိုင်းမိုးအောင်၊ နိရဉ္စရာ၊ သြဂုတ် ၂၂/ ၂၀၂၄

ရခိုင်ပြည်၊ သံတွဲမြို့နယ်ရှိ စစ်ကောင်စီ၏ နောက်ဆုံးလက်ကျန် မောင်ရွှေလေးရေတပ်စခန်းကို သိမ်းပိုက်ရရှိရန် အာရက္ခတပ်တော်(AA)က အပြင်းအထန် ထိုးစစ်ဆင်တိုက်ခိုက်နေကြောင်းAA ပြောရေးဆိုခွင့်ရှိသူ ဦးခိုင်သုခက နိရဥ္စရာကိုပြောသည်။

"သံတွဲဘက်မှာ နောက်ဆုံးလက်ကျန် မောင်ရွှေလေးရေတပ်စခန်း အနီးဝန်းကျင်တွေမှာ တိုက်ပွဲတွေဆက်လက်ပြီးတော့ ပြင်းထန်နေပါတယ်။ အဲဒီရေတပ်စခန်းတွေကို သိမ်းပိုက်နိုင်ရေး ကျွန်တော်တို့အာရက္ခတပ်တော်က ဆက်လက်ပြီးချေမှုန်းနေပါတယ်" ဟု ပြောသည်။

AA က အဆိုပါရေတပ်စခန်းကို ပြီးခဲ့သည့်ဇူလိုင်လ ၂၃ ရက်မှစတင်ကာ ထိုးစစ်ဆင် တိုက်ခိုက်နေခြင်း ဖြစ်ပြီးအပြီးသတ်သိမ်းပိုက်ရရှိနိုင်ရေးအတွက် ယမန်နေ့သြဂုတ်လ ၂၁ ရက်အထိ တိုက်ပွဲပြင်းထန်နေကြောင်း သိရသည်။

အဆိုပါရေတပ်စခန်းသည် သံတွဲမြို့နယ်အတွင်းရှိ ငပလီကမ်းခြေတောင်ဘက်၊သဗြုချိုင်ဖက်ကမ်းတွင်ရှိသည်။

ရခိုင်ပြည်သံတွဲမြို့ကစစ်ကောင်စီနောက်ဆုံးလက်ကျန် မောင်ရွှေလေးရေတပ်  မကျရေးအတွက် စစ်ကောင်စီက ကြည်း၊ရေ၊လေ တွေအင်အားဖြင့် အကြီးအကျယ် ခုခံနေသော်လည်း တပ်သားများမှာ စိတ်ဓာတ်ကျနေသည့်အပြင် အချင်းချင်းညီညွတ်မှုမရှိဘဲဖရိုဖရဲဖြစ်နေကြောင်းရေတပ်နှင့်နီးစပ်သူတစ်ဦးမှပြောသည်။

“ ကျော်ကျော်ဦးဆိုတဲ့တပ်မှူးကို မောင်ရွှေလေးရေတပ်ကိုပြန်တိုက်ဖို့ ရန်ကုန်ကနေပြီးလွတ်လိုက်တယ်။ သူရောက်လာပေမယ့်အုပ်ချုပ်ရေးကအစအဆင်မပြေဘူး။  သူရောက်ပြီတော့မှ မောင်ရွေလေးရေတပ်ကိုရှော့တိုက်ဒုံးနဲ့ချလို့၂ယောက်သေတယ်။ကြည်းတပ်ကလူတွေကအုပ်ချုပ်ရေးမှာ ကလန်ကဆန်လုပ်တယ်။ သူတို့ကိုရေတပ်ထဲအဝင်မခံဘူး။တပ်မှူးနဲ့ရေတပ်ဗိုလ်တွေကစစ်ရေယာဉ်တွေနဲ့ဘေးလွတ်ရာ တိမ်းရှောင်နေတာတွေရှိတော့ကြည်းတပ်ကမကျေနပ်ဘူး” ဟု ပြောသည်။

သြဂုတ်လ၁ရရက်နေ့တွင်မောင်ရွှေလေးရေတပ်အတွင်းသို့ရှော့တိုက်ဒုံးဖြင့်ပစ်ခတ်သောကြောင့်ရေတပ်အခြားအဆင့်တစ်ဦးနှင့်တပ်သာတစ်ဦးသေဆုံးခဲ့ရာရေတပ်အတွင်းသို့ဒုတိယအကြိမ်ရှော့တိုက်ဒုံးဖြင့်ပစ်ခတ်ခံရခြင်းဖြစ်ကြောင်းသိ၇သည်။

ဇူလိုင်လ၂၀ရက်နေ့ကလည်းမောင်ရွှေလေးရေတပ်အတွင်းရှော့တိုက်ဒုံးဖြင့်တိုက်ခိုက်ခံရပြီးရေတပ်သား၂ဦးသေဆုံးခဲ့ဖူးသည်။

အနောက် ရွှေတိဂုံဟု ခေါ်ဆိုသောသဒ္ဒါကျောက်ဘုရားသည်မောင်ရွှေလေးရေတပ်နှင့်မိုင်ဝက်သာကွာဝေးကာ သြဂုတ် ၁ရရက်နေ့တွင်တိုက်ပွဲဖြစ်ပွားခဲ့ပြီးလက်ရှိတွင်၂ဖက်စစ်ရေးတင်းမာ နေသောကြောင်း သိ၇သည်။

လက်ရှိတွင် AA က ဂျိတ္တောအပါအဝင် ငပလီမြို့နှင့် သံတွဲမြို့ကို သိမ်းပိုက်ထိန်းချုပ်ထားပြီး ယခုရေတပ်စခန်းကိုသိမ်းပိုက်နိုင်လျှင် သံတွဲမြို့နယ်တစ်ခုလုံးကို အလုံးစုံအပြီးသတ်သိမ်းပိုက်နိုင်ပြီ ဖြစ်သည်ဟုလည်း သိ၇သည်။

လက်ရှိတွင် သံတွဲဒေသခံများသည် မြို့သို့ဝင်ခွင့်မရသေးဘဲ ဂွမြို့နယ်ဘက်သို့ စစ်ဘေးတိမ်းရှောင်နေကြရဆဲဟု သိ၇သည်။

ဓာတ်ပုံ - ပုံဟောင်း