အေးမြတ်ခိုင်၊နိရဥ္စရာ၊ စက်တင်ဘာ၇/၂၀၂၄

ရခိုင်စစ်ဘေးရှောင်များအတွက်“သတ္တိနဲ့ ပွင့်လန်းချစ် သောပန်းများ" ရန်ပုံငွေရုပ်ရှင်ပြပွဲကို ထိုင်းနိုင်ငံ၊ချင်းမိုင်မြို့တွင် ကျင်းပခဲ့ရာ အလှူငွေ ဘတ် ၁၂,၀၀၀၀ (မြန်မာငွေ သိန်း ၂၀၀ )ရရှိခဲ့ကြောင်း သိရှိ၇သည်။

၎င်းရန်ပုံငွေ ရှာဖွေသည့် ရုပ်ရှင်ပွဲအား စက်တင်ဘာလ၆ ရက် (သောကြာ နေ့) ညနေ၅ နာရီခွဲမှ ၈ နာရီခွဲအထိ ချင်းမိုင်မြို့တွင် ကျင်းပပြုလုပ်ခဲ့ခြင်းဖြစ်သည်။

အဆိုပါပွဲအား  'PayapUniversity' တွင်Artist’s Shelter က ဦးဆောင်ကျင်းပခဲ့ခြင်းဖြစ်သည်။

ဦးဆောင်ကျင်းပသူတစ်ဦးက “အခုက ကျနော်တို့ရဲ့တတိယမြောက်ပွဲဖြစ်တယ်။ဒီပွဲကို Artists'Shelter နဲ့ ပေါင်းပြီး ရုပ်ရှင်ပြပွဲလုပ်ခဲ့တယ်။ကျနော်တို့ ဘယ်နေရာ၊ ဘယ်ဒေသရယ်လို့ရည်ရွယ် သတ်မှတ်ထားတာမရှိဘူး။ ဒီလိုမျိုးရခိုင်ပြည်နယ်အတွက် လှူဒါန်းမှုတွေ၊ များသောအားဖြင့် fund raising တွေ ပွဲတွေလုပ်ပြီးအလှူခံတာကို ကျနော်တို့ တခါမှ မသိခဲ့ရဘူး။ အဲ့ဒီအတွက်ကျနော်လည်း ရခိုင်တစ်ယောက်အနေနဲ့ ရခိုင်ဒေသမှာဒါတွေ လိုအပ်နေတယ်။မြေပြင်အချက်အလတ်တွေအ၇ ဘာတွေလိုအပ်တယ်ဆိုတာကို ကျနော်တို့ စစ်တမ်းကောက်တယ်။ပြီးတော့ သူငယ်ချင်းတွေတိုင်ပင်ကြတယ်။လှူဒါန်းမယ်ဆိုပြီး ဒီပွဲလေး စီစဉ်ခဲ့တာဖြစ်ပါတယ်” ဟု ပြောသည်။

လက်မှတ်များကို ကြိုတင်ဝယ်ယူပါကဘတ် ၂၀၀၊ ပြပွဲနေ့မှ ဝယ်ယူပါက ဘတ် ၂၅၀ သတ်မှတ် ရောင်းချခဲ့ပြီး လက်မှတ်မရ၍လှည့်ပြန်ခဲ့ရသည့် ပရိတ်သတ်အများအပြားလည်းရှိခဲ့သည်။

ရခိုင်စစ်ဘေးရှောင်များအတွက် ပထမဆုံးအကြိမ်ကျင်းပသည့်အဆိုပါရုပ်ရှင်ပြပွဲမှာ အလှူငွေ ဘတ် ၁၂၀,၀၀၀ (မြန်မာငွေသိန်း ၂၀၀ )ရရှိခဲ့ကြောင်း သိ၇သည်။

လက်မှတ်ရောင်းရငွေအားလုံးနှင့်အလှူခံရရှိငွေ အားလုံးကို ရခိုင်ပြည်ရှိ စစ်ဘေးရှောင် ပြည်သူများအတွက် အမိုးအကာ၊ရွက်ဖျဉ်တဲ၊ စားသောက်ကုန်များအပြင် စိုက်ပျိုးဖို့သီးနှံမျိုးစေ့ များကိုရခိုင်ပြည်သူများလက်ထဲကို ရောက်အောင် ရရာနည်းဖြင့် ထောက်ပံ့ကူညီသွားမည်ဟု သူကဆက်ပြောသည်။ 

ပွဲကိုပါဝင်တက်ရောက်လာသည့် လူရွှင်တော်စိန်သီးကလည်း“ ကျနော်တို့ဘက်ကရခိုင် တိုင်းရင်းသားတွေက အကူညီတောင်းတယ်။ဒီပွဲကိုလာပြီး ကူပေးပါပေါ့။ ရတယ်။ တော်လှန်ရေးမှာ ဆိုရင် ကျနော်ကဘယ်သူ့ကိုပဲဖြစ်ဖြစ်၊ ဖြူနီအရောင်တွေ ကျနော်က မခွဲဘူး။ ဘယ်လိုပဲဖြစ်ဖြစ်ကျနော် ကူညီပေးမယ်”ဟုပါဝင်ဖြစ်ခဲ့ပုံကို ပြောပြသည်။

ပြပွဲ နေ့မှာ"သတ္တိနဲ့ ပွင့်လန်း ချစ် သောပန်းများ" Film Screening အစီစဥ်မှာ ပါဝင်သည့်Guilt ၊The Unknown Infinity ၊“အတူတကွ”၊ “ငါတို့မှာ ငါတို့ပဲရှိတယ်”စသည့်ရုပ်ရှင်ဇာတ်ကား၄ ကားကို ပြသခဲ့ကာ မြန်မာအစားအသောက်၊ အဝတ်အထည်များနှင့် Artists'Shelter ၏ရောင်းကုန်များကိုပါ ခင်းကျင်း ရောင်းချခဲ့ပြီး ချင်းမိုင်ရောက်မြန်မာနိုင်ငံသားအများအပြားလာရောက်အားပေးခဲ့ကြသည်။