ဆလိုင်းမိုးအောင်၊နိရဉ္စရာ၊ စက်တင်ဘာ ၇/ ၂၀၂၄

ရခိုင်ပြည်၊စစ်တွေမြို့နယ်၊ ဗျိုင်းဖြူကျေးရွာမှ ဖမ်းဆီး ထားသည့် နောက်ထပ်ရွာသား ၁၀၀ နီးပါးခန့်ကို စစ်ကောင်စီက တရားအသင်းဆက်သွယ်မှု ပုဒ်မ ၁၇(၁)ဖြင့် ထောင်ဒဏ်၃နှစ်စီချမှတ်လိုက်ကြောင်း သတင်းရရှိသည်။

စစ်ကောင်စီက  စက်တင်ဘာလ ၆ရက်၊ မွန်းလွဲ ၂နာရီအချိန်ခန့်ကစစ်တွေမြို့ရှိ မြို့နယ်တရားရုံးတွင် ရုံးထုတ်ပြီး ထောင်ဒဏ်၃နှစ်စီအမိန့်ချမှတ်လိုက်ခြင်းဖြစ်သည်ဟုသိ၇သည်။

"မနေ့ကရုံးထုတ်ပြီး အပြီးသတ်အမိန့်ချတာ။ လူပေါင်း ၁၀၀ နီးပါးကိုတယောက်စီ ထောင်ဒဏ် ၃နှစ်စီချမှတ်လိုက်တယ်။ အေအေနဲ့ ဆက်စပ်တယ်ဆိုတဲ့ပုဒ်မနဲ့ ထောင်ဒဏ်ချမှတ်တာပါ" ဟု ၎င်းတို့နှင့် နီးစပ်သူတစ်ဦးကပြောသည်။

ပြီးခဲ့သည့်သြဂုတ် ၃၀ရက်နေ့ကလည်း မတရားအသင်းဆက်သွယ်မှု ဥပဒေပုဒ်မ ၁၇(၁)နှင့် အမှု ရင်ဆိုင် နေရသည့် ဗျိုင်းဖြူကျေးရွာမှ ဒေသခံ ၁၄၈ယောက်ကိုလည်း တစ်ယောက်စီ ထောင်ဒဏ်  ၃နှစ်စီချမှတ်ခဲ့သဖြင့် ထောင်ချခံရသူ ဗျိုင်းဖြူရွာသားစုစုပေါင်း ၂၀၀ ကျော်ရှိပြီဟု သိ၇သည်။

လွန်ခဲ့သည့် မေလ ၂၉ရက်နေ့က စစ်ကောင်စီတပ်ဖွဲ့ဝင်များသည်စစ်တွေမြို့နယ်၊ ဗျိုင်းဖြူကျေးရွာသို့ ဝင်ရောက်လာပြီး ရွာသား ၇၆ဦးကို သေနတ်ဖြင့် ပစ်သတ်ခဲ့ကာ နောက်ထပ် ရွာသား ၃၀၀ ကျော်ခန့်ကိုဖမ်းဆီးခဲ့သည်။

ယင်းဖမ်းဆီးခံ၇သည့် ဒေသခံ ၃၀၀ ကျော်ထဲမှ တချို့ကို ငွေကြေးယူပြီး ပြန်လွှတ်ပေးလိုက်ကာ  ကျန်ရွားများကို AAနှင့်ဆက်စပ်သည်ဟုဆိုကာမတရားအသင်းဆက်သွယ်မှု ဥပဒေပုဒ်မဖြင့် အမှုဖွင့်တရားစွဲဆိုကာ ထောင်ချခဲ့ခြင်းဖြစ်သည်။

ဓာတ်ပုံ-  စစ်တွေအကျည်းထောင်အား တွေ့၇စဥ်။