ကျောက်ဖြူမြို့သို့ ဈေးဝယ်သွားသည့်အမျိုးသမီး ၆ ဦးကို စစ်ကောင်စီတပ်က ဖမ်းဆီးသွား
မင်းသျှင်စော နိရဉ္စရာ၊စက်တင်ဘာ ၉/ ၂၀၂၄
၇ခိုင်ပြည်၊ကျောက်ဖြူမြို့သို့ လှေတစ်စီးနှင့်အတူဈေးဝယ်သွားသည့်ဂုံးချွိန်ရွာမှ အမျိုးသမီး ၆ ဦးကို စစ်ကောင်စီတပ်မှယခုလ ၈ ရက်နေ့က ဖမ်းဆီးသွားကြောင်း သတင်းရရှိပါသည်။
ဖမ်းဆီးခံ၇သည့် အမျိုးသမီးများမှာ မချေချေမ (၁၇) နှစ်၊ မကုလားမ (၂၂)နှစ်၊ မငယ်ယိုင် (၃၅) နှစ် ၊ မအိအိသူ (၂၅) နှစ်နှင့် နောက်ထပ် လူလတ်ပိုင်းအမျိုးသမီး ၂ ဦးတို့ဖြစ်ကြသည်။
၎င်းအမျိုးသမီးများသည် ဂုံးချွိန်ကျေးရွာမှ ကျောက်ဖြူမြို့သို့လှေတစ်စီးဖြင့် ဈေးသွားဝယ်ကြရာမှ GTI ကျောင်းနောက်ဖက် အရောက် တွင်စစ်ကောင်စီတပ်ဖွဲ့ဝင်များက ဖမ်းဆီးသွားခဲ့သည်ဟုကျောက်ဖြူဒေသခံတစ်ဦးကနိရဉ္စရာကို အတည်ပြုပြောကြားသည်။
ဒေသခံတစ်ဦးက " ဖမ်းဆီးတာကဟုတ်ပါတယ်။ ကျွန်တော်တို့မြင်လိုက်တယ်။သူတို့က မနက် ၁၀ နာရီကျော်လောက်မှာ ရောက်တယ်။GTI ကျောင်းနောက်ကိုစစ်ကောင်စီတပ်ဖွဲ့ဝင်တွေ ရှိနေတော့ အကုန်ဖမ်းယူသွားတယ်"ဟုပြောသည်။
အမျိုးသမီးများ ဖမ်းဆီးထားပြီးနောက် ရဲကားရောက်လာကာ သူတို့၆ ယောက်လုံးကို ရဲကားပေါ်တင်ပြီး မြို့မရဲစခန်းသို့ခေါ်သွားသည်ဟု ပြောသည်။
စစ်ကောင်စီသည် ကျောက်ဖြူမြို့သို့ အဝင်အထွက် ရေကြောင်းနှင့် ကုန်လမ်းများကို ပိတ်ဆို့ထားပြီး စားကုန်နှင့် ဆေးဝါးများသယ်ယူခွင့်ကို တင်းတင်းကျပ်ကျပ် ပိတ်ပင်ထားသည်ဟု သိ၇သည်။
အာရက္ခတပ်တော်နှင့် စစ်ကောင်စီတပ်တို့ အကြားတွင်လည်း စစ်ရေးတင်းမာနေပြီး ကျောက်ဖြူ နယ်ဒေသများ အားလုံးကိုလည်း အေအေ သိမ်းပိုက် ထိန်းချုပ်ထားသည်ဟုသိ၇သည်။
ပုံစာ- ရခိုင်ကျေးလက်ဒေသတစ်ခုရဲ့မြင်ကွင်း (ဓာတ်ပုံ- ပုံဟောင်းသာ)
လှူရန်