သံတွဲတွင် အမျိုးသမီးတစ်ဦး စစ်ကျန်ဗုံးသီးကို ထုမိရာမှ ခြေနှစ်ချောင်းနှင့် လက်နှစ်ချောင်းလုံး ပြတ်ထွက်သွား (အသက်အန္တရာယ် စိုးရိမ်နေရဟုဆို)
သဉ္ဇာနွယ်၊နိရဉ္စရာ၊ စက်တင်ဘာ ၁၄/၂၀၂၄
ရခိုင်ပြည်၊သံတွဲမြို့နယ်တွင် ဟင်းရှာသွားသည့် အမျိုးသမီးတစ်ဦးသည် စစ်ကျန်ဗုံးသီးကိုထုမိရာမှပေါက်ကွဲမှုဖြစ်၍ ခြေနှစ်ချောင်းနှင့်လက်နှစ်ချောင်းစလုံး ပြတ်ထွက်သွားပြီးအသက်အန္တရာယ် စိုးရိမ်နေရသည်ဟု သိ၇သည်။
ဒဏ်ရာအပြင်းအထန်ရရှိသွားသူမှာသံတွဲမြို့နယ်၊ ဒေါ်မြကျေးရွာမှ ဒေါ်မိထောထော (၅၆)နှစ်ဖြစ်သည်။
သူမသည် စက်တင်ဘာ၁၂ ရက်၊ နံနက်ပိုင်းက ဒေါ်မြကျေးရွာအနီးရှိ တောထဲတွင် ဟင်းရှာသွားစဥ်စစ်ကျန်ဗုံးသီးတစ်လုံးကိုတွေ့ရှိ၍ မတော်တဆ ထုမိရာမှယခုကဲ့သို့ဒဏ်ရာအပြင်းအထန်ရရှိသွားခြင်းဖြစ်သည်ဟု သံတွဲဒေသခံအမျိုးသမီးတစ်ဦးကနိရဉ္စရာ သတင်းဌာနကိုပြောသည်။
"အဲဒီတောမှာသံတွဲတိုက်ပွဲအတွင်းက စစ်ကျန် ဗုံးသီးတွေမြှုပ်ထားတာကျန်နေသေးတယ်။ မပေါက်သေးတဲ့ဗုံးတစ်လုံးတွေ့တော့ ကောက်ထုလိုက်တာမှာ အခုလိုဖြစ်သွားတာပါ"ဟုပြောသည်။
ဒေါ်မိထောထောတွင်ဒူးဆစ်အောက်ခြေနှစ်ဖက်စလုံးနှင့် တံတောင်ဆစ်အောက်မှ လက်နက်ဖက်စလုံးပြတ်ထွက်သွားသည်ဟု ဆိုသည်။
ဒဏ်ရာပြင်းထန်သည့်အတွက်အသက်အန္တရာယ်စိုးရိမ်ရကြောင်းလည်း ကူညီဆောင်ရွက်ပေးနေသည့် သံတွဲဒေသခံတစ်ဦးကနိရဉ္စရာသတင်းဌာနကို ပြောသည်။
"ဒဏ်ရာတော်တော်ပြင်းတယ်။အရေးပေါ်ဆေးကုသမှုခံနေ၇တယ်"ဟုပြောသည်။
၇ခိုင်တွင် AA က အလုံးစုံသိမ်းပိုက်ထားပြီးဖြစ်သောမြို့များရှိ စစ်ကောင်စီ၏ အခြေစိုက် တပ်စခန်းများ၊ ဗျူဟာဌာနချုပ်၊ စကခဌာနချုပ်၊၎င်းတပ်စခန်းအနီးအနားပတ်ဝန်းကျင်၊ လူသွားလမ်း၊ စာသင်ကျောင်း၊ စားကျက်မြေများနှင့်တောတောင်များတွင် မြေမြှုပ်မိုင်းများနှင့် စစ်လက်နက်အကြွင်းပစ္စည်းများကျန်ရှိနိုင်၍သတိထားသွားလာကြရန်လည်း အာရက္ခတပ်တော်(AA)ကတိုက်တွန်းထားသည်။
ဓာတ်ပုံ -ပုံဟောင်း
လှူရန်