တောင်ကုတ်မှ ရေဘေးသင့်အိမ်ထောင်စု ၃၅၀ ကျော်ကို ဗြဟ္မစိုရ်ဖောင်ဒေးရှင်းက ဆန်လှူ
ကံ့ကော်နီနီ၊ နိရဉ္စရာ၊ စက်တင်ဘာ ၁၆ / ၂၀၂၄
ရခိုင်ပြည်၊ တောင်ကုတ်မြို့ပေါ်မှ ရေဘေးသင့်အိမ်ထောင်စု ၃၅၀ကျော်အတွက် ဗြဟ္မစိုရ်လူမှုကူညီရေးဖောင်ဒေးရှင်းက ဆန်လှူဒါန်းပေးခဲ့သည်ဟု သိ၇သည်။
မိုးသည်းထန်စွာရွာသွန်းမှုကြောင့် ရေဘေးသင့်ခဲ့သည့်တောင်ကုတ်မြို့ပေါ်မှ ချောင်းကောက်၊ ဆေးရုံကွက်သစ်၊ မီးစက်ကွက်သစ်၊ ညဈေး၊သိမ်တောင်နှင့် ကိုင်းရှည်ရပ်ကွက်များမှ အိမ်ထောင်စု ၃၅၃ စုအတွက် ယမန်နေ့စက်တင်ဘာလ၁၅ ရက် ညနေပိုင်းတွင် ထောက်ပံ့လှူဒါန်းပေးခဲ့ခြင်းဖြစ်ကြောင်း သိ၇သည်။
အိမ်ထောင်စုတစ်စုလျှင် ဆန် ၂ ပြည်စီ သွားရောက်
လှူဒါန်းပေးခဲ့ကြောင်း ဗြဟ္မစိုရ်ဖောင်ဒေးရှင်းဥက္ကဋ္ဌ ဦးပုညနန္ဒကမိန့်ကြားသည်။
"အနိမ့်ပိုင်းရပ်ကွက်က ရေဘေးသင့်တဲ့ပြည်သူတွေရယ်။ချက်စရာဆန်မရှိတဲ့အိမ်ထောင်စုတွေကို လှူခဲ့တယ်" ဟု မိန့်သည်။
စက်တင်ဘာလ ၁၀ ရက်မှစတင်ပြီးမိုးသည်းထန်စွာအဆက်မပြတ်ရွာသွန်းမှုကြောင့် တောင်ကုတ်မြို့မဈေးကြီး၊တောင်ကုတ်အမ်းလမ်းမကြီးအပါအဝင် မြို့ပေါ်အနိမ့်ပိုင်းရပ်ကွက်ငယ်များတွင်တောင်ကျချောင်းရေဝင်ရောက်ပြီး နစ်မြုပ်မှုဖြစ်ပွားခဲ့သည်။
ယင်းအထဲမှအနိမ့်ပိုင်းရပ်ကွက်တချို့ဆိုလျှင် ရေ ၄ ပေမှ ၅ ပေအထိဝင်ရောက်ပြီး နေအိမ်များနစ်မြုပ်မှုကြုံခဲ့ရကြောင်း သိ၇သည်။
အဆိုပါရပ်ကွက်များတွင် စက်တင်ဘာလ ၁၃ ရက်က ရေများပြန်ကျသွားကြောင်းမြို့ခံများက ပြောသည်။
ဓာတ်ပုံ - ဗြဟ္မစိုရ်ဖောင်ဒေးရှင်း
လှူရန်