နှင်းနွယ်နီ၊နိရဉ္စရာ၊ စက်တင်ဘာ ၁၉/၂၀၂၄

ထိုင်းနိုင်ငံတွင် အလုပ်လုပ်ကိုင်နေသည့်ရခိုင်ရေလုပ်သားတစ်ဦးသည် စက်တင်ဘာ ၁၆ ရက်က ဖွင့်လှစ်ခဲ့သည့်ထိုင်းအစိုး၇၏ အမြင့်ဆုံးထီဆု ဘတ် ၆ သန်း ပေါက်ခဲ့ကြောင်းသိ၇သည်။

ထိုင်းထီဘတ် ၆ သန်းဆုကို ကံထူးခဲ့သူမှာ ၇ခိုင်ပြည်၊ ကျောက်ဖြူမြို့နယ်ဇာတိ အသက် ၄၂ အရွယ်ရခိုင်အမျိုးသားတစ်ဦးဖြစ်သည်ဟုထီဆုထုတ်ယူရာတွင် ကူညီပေးခဲ့သည့် ထိုင်းရောက်မြန်မာရွေ့ပြောင်းလုပ်သားများကိုကူညီပေးနေသော(MHAC) မဟာမိတ်အဖွဲ့ ဦးဆောင်စီစဥ်သူ ကိုရဲမင်းကနိရဥ္စရာကိုပြောသည်။

“ထိုင်းထီဖွင့်တာက ထိုင်းစံတော်ချိန် ပုံမှန် ၄ နာရီလောက်ဖွင့်တယ်။ ၃ နာရီမထိုးခင် သူငါးဖမ်းလိုက်တဲ့ လှေပေါ်အထိအဲဒီထီသည်က လာရောင်းတာ။ အဲဒီမှာတင် သူ ၃ စောင်ထိုးလိုက်တာ။ တစ်စောင်ကတော့ သူ့သူငယ်ချင်းကိုပေးလိုက်တယ်။ ပေါက်ရင် တစ်ယောက်ထက်ဝက်ဆိုပြီးတော့။နှစ်စောင်က သူ့လက်ထဲကျန်တယ်။ အဲနှစ်စောင်ထဲကပဲ ပေါက်တာ ထီက” ဟုပြောသည်။

သူသည်ထိုင်းထီနံပါတ် ၆၀၈၆၆၂ ဂဏန်းဖြင့် ဘတ် ၆ သန်းဆုကို ကံထူးခဲ့ခြင်းဖြစ်သည်ဟု သိ၇သည်။

သူသည်ပြီးခဲ့သည့် စက်တင်ဘာ ၁၇ ရက်က MHAC ၏ အကူအညီဖြင့် ဆုငွေကို ထုတ်ယူပြီးဖြစ်ကာဆုငွေဖြင့် စီးပွားရေးလည်းလုပ်ပြီးရခိုင် အမျိုးသားရေးကိုလည်း ကူညီသွားမည်ဟုပြောဆိုခဲ့ကြောင်း ကိုရဲမင်းက ဆက်ပြောသည်။

“သူက သင့်တင့်တဲ့ စီးပွားရေးလေးလုပ်စားရင်းနဲ့တော်လှန်ရေးကိုလည်း၊ ဒီရခိုင့်တော်လှန်ရေးကိုလည်းဆက်ကူညီသွားမယ်ပေါ့နော်။ လက်ရှိလည်း သူက ကူညီဆောင်ရွက်မှုတွေလုပ်ပေးနေတဲ့သူတစ်ယောက်ပေါ့နော်။ရခိုင့်တော်လှန်ရေးကို ဆက်ပြီးကူညီပေးသွားမယ်လို့ ပြောခဲ့ပါတယ်”ဟု ပြောသည်။

ထိုင်းထီကံထူးခဲ့သူသည် ထိုင်းနိုင်ငံတစ်နေရာတွင်ရေလုပ်သားဘ၀ဖြင့် အလုပ်လုပ် ကိုင်နေသည်မှာ နှစ်ပေါင်း ၂၀ကျော်ခန့်ရှိခဲ့ပြီဖြစ်ပြီး လက်ရှိတွင် ငါးဖမ်းလှေ၌ ခေါင်းဆောင် အဖြစ်လုပ်ကိုင်နေသည်ဟုသိ၇သည်။

ဓာတ်ပုံ- MHAC