၇ လအတွင်း ၄ ကြိမ်အထိ လေကြောင်းကနေ ဗုံးကြဲတိုက်ခိုက်ခံရ၍ ကမ်းထောင်းကြီးမြို့ခံ အများစု မြို့ကိုစွန့်ခွာနေ

Preview

၇ လအတွင်း ၄ ကြိမ်အထိ လေကြောင်းကနေ ဗုံးကြဲတိုက်ခိုက်ခံရ၍ ကမ်းထောင်းကြီးမြို့ခံ အများစု မြို့ကိုစွန့်ခွာနေ

အောက်တိုဘာ ၀၂/ ၂၀၂၄ | ကြည့်ရှုသူ :1117

ဆလိုင်းမိုးအောင်၊နိရဉ္စရာ၊ အောက်တိုဘာ ၂/၂၀၂၄

၂၀၂၄ ခုနှစ် မတ်လကနေ စက်တင်ဘာလထိ (၇) လအတွင်း (၄) ကြိမ်အထိဗုံးကြဲ တိုက်ခိုက်ခံရသဖြင့် မြေပုံမြို့နယ်မှ ကမ်းထောင်းကြီးမြို့ခံ သုံးပုံ နှစ်ပုံမှာမြို့ကို စွန့်ခွာခဲ့ရသည်ဟု သတင်းရရှိသည်။

ပြီးခဲ့သည့်စက်တင်ဘာလ ၂၅ ရက်၊ တော်သလင်းလဆုပ် ၈ ရက်၊ ဥပုသ်နေ့၊ ညနေ ၄ နာရီခန့်ကလည်း တိုက်ပွဲဖြစ်ပွားခြင်း တစ်စုံတစ်ရာမရှိဘဲ ကမ်းထောင်းကြီးမြို့ကို ဂျက်တိုက် လေယာဥ်ဖြင့်ရုတ်တရက် ဗုံးကြဲချ၍ ၁၁ နှစ်အရွယ် မိန်းကလေးငယ်တစ်ဦးအပါအဝင်နှစ်ဦးသေဆုံးခဲ့ပြီး ၁၁ နှစ်အရွယ် မိန်းကလေးငယ်တစ်ဦးနှင့်သက်ကြီးဥပုသ်သည် အချို့အပါအဝင်ခုနစ်ဦး ထိခိုက်ဒဏ်ရာရရှိခဲ့သည်။

ကမ်းထောင်းကြီးမြို့ခံတစ်ဦးက "အခုလည်း မိသားစုလိုက်ကိုယ့်နည်းကိုယ့်ဟန်နဲ့ မြို့ကို စွန့်ပြီးထွက်ခွာနေတာရှိတယ်။နောက်ထပ်လည်း ဗုံးမကြဲလာနိုင်ဘူးလို့ပြောမရဘူးလေ။ အသက်အန္တရာယ် ထိခိုက်မှာစိုးပြီးတော့ ရှောင်တိမ်းနေကြတယ်"ဟုနိရဥ္စရာသတင်းဌာနသို့ ပြောသည်။

မြို့ခံအများစုမှာ လုံခြုံမည်ဟု ထင်ရသည့် နီးစပ်ရာဆွေမျိုးများရှိရာ ကျေးရွာများသို့ ရှောင်တိမ်းသွားခဲ့ကြပြီး လက်ရှိ ကမ်းထောင်းကြီးမြို့တွင် လူဦးရေ သုံးပုံ တစ်ပုံသာ မြို့တွင် ကျန်ရှိတော့သည်ဟု ပြောဆိုသည်။

“ မြို့ကိုစွန့်ခွာနေကြတာက အများစုပါ။ ပြောင်းရွှေ့ဖို့ မတတ်နိုင်တဲ့ ငွေကြေး မတတ်နိုင် သူတွေသာ မြို့မှာ ကျန်နေရစ်ခဲ့တယ်လို့ ပြောလို့၇ပါတယ်”ဟု ၎င်းက ဆက်လက် ပြောကြားသည်။

၎င်းအပြင် အသက်အန္တရာယ်စိုးရိမ်မှုကြောင့်မြို့ကိုစွန့်ခွာကာ ရှောင်တိမ်း နေကြသူများ မှာလည်းတစ်ခြားကျေးရွာများတွင် ခိုလှုံနေကြရသဖြင့် လက်ရှိတွင် နေထိုင် စားသောက်ရေးများ အခက်အခဲဖြစ်လျက်ရှိသည်ဟုသိ၇သည်။

စစ်ကောင်စီကမ်းထောင်းကြီးမြို့ကို ပြီးခဲ့သည့်ဧပြီလ ၂ ရက်နေ့၊ ညနေ၅ နာရီခွဲခန့်ကလည်း ဂျက်ဖိုက်တာနှစ်စီးဖြင့်တိုက်ပွဲဖြစ်ပွားခြင်းမရှိဘဲ ရည်ရွယ်ချက်ရှိရှိ ဗုံးကြဲတိုက်ခိုက်ခဲ့၍မြစ်နားတန်းရပ်ကွက်မှ ဒေသခံ လေးဦးသေဆုံးသွားပြီး အများအပြားဒဏ်ရာရရှိသွားသည်။

ယင်းအပြင်ပြီးခဲ့သည့် မတ်လ ၃၁ ရက်နေ့၊ည ၈ နာရီကျော်ခန့်ကလည်း ကမ်းထောင်းကြီး မြို့ကို စစ်ကောင်စီက ဂျက်ဖိုက်တာဖြင့် ထပ်မံ ဗုံးကြဲခဲ့မှုကြောင့်အခြေခံပညာ (မူလွန်)ကျောင်း မီးလောင်ကျွမ်းခဲ့ပြီးရပ်ကွက်အတွင်းရှိ နေအိမ်လေးလုံး မီးလောင်ပြာကျခဲ့သည်။

အလားတူပြီးခဲ့သည့် မတ်လ ၂၄ ရက်နေ့၊ အရုဏ်၄ နာရီကလည်း ကမ်းထောင်းကြီးမြို့ရှိ တိုက်နယ်ဆေးရုံကို စစ်ကောင်စီက ဂျက်ဖိုက်တာဖြင့် ဗုံးလာကြဲခဲ့သဖြင့်ဆေးရုံတွင် အကူလုပ်နေသည့် ကရင်ပြည်နယ်ဖက်မှအမျိုးသမီးဝန်ထမ်း ဒေါ်ဝါဝါ အသက်(၄၀)ကျော်တွင် ဦးခေါင်း၌ ပြင်းထန်ဒဏ်ရာရရှိခဲ့သည်။

လွန်ခဲ့သည့် စက်တင်ဘာလ၂၅ ရက်ကလည်း လေကြောင်းကနေ လေယာဉ်များဖြင့် ဗုံးကြဲသဖြင့် အသက် ၁၁ အရွယ် မိန်းခလေး တစ်ဦး အပါအဝင် လူ ၂ ဦး သေဆုံးခဲ့ရသည့်အပြင်ဘုန်းကြီးကျောင်းနှင့်နေအိမ်အချို့လည်း ရစရာမရှိအောင် ပျက်စီးသွားခဲ့ရသည်ဟု သိရှိ၇သည်။

(ပုံစာ- ပျက်စီးခဲ့၇သည့် ဘုန်းတော်ကြီးကျောင်းနှင့် နေအိမ်များ Photo- CJ)

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

၇ လအတွင်း ၄ ကြိမ်အထိ လေကြောင်းကနေ ဗုံးကြဲတိုက်ခိုက်ခံရ၍ ကမ်းထောင်းကြီးမြို့ခံ အများစု မြို့ကိုစွန့်ခွာနေ

ဆက်စပ် အကြောင်းအရာများ

နောက်ဆုံးရသတင်းများ