လူ ၄ ဦးထိ သေဆုံးခဲ့ရသည့် တောင်ကုတ် ကင်းတောင်ရွာကို တစ်ရက်တည်းအတွင်း နောက်ထပ်ဗုံးလာကြဲ၍ ဆယ်ကျော်သက်အရွယ် မိန်းကလေးတစ်ဦး ထပ်သေဆုံးပြီး ရွာသား ၁၂ ဦးဒဏ်ရာရ
(တစ်ရွာတည်းကို တစ်နေ့အတွင်းနှစ်ကြိမ်တိုင် ဗုံးကြဲ၍ ငါးဦးသေ၊ ၂၀ ဦးခန့် ဒဏ်ရာရ)
ဆလိုင်းမိုးအောင်၊နိရဥ္စရာ၊ အောက်တိုဘာ ၄/ ၂၀၂၄
ရခိုင်ပြည်၊တောင်ကုတ်မြို့နယ်၊ ကင်းတောင်စံပြကျေးရွာကို စစ်ကောင်စီတပ်က လေကြောင်းဖြင့် ထပ်မံဗုံးကြဲ၍ ဆယ်ကျော်သက်မိန်းကလေးတစ်ဦးသေဆုံ
သေဆုံးသွားသူမှာကင်းတောင်ကျေးရွာမှ မအိခိုင်ဖြိုး (၁၅)နှစ်ဖြစ်ပြီး ကျည်စ ဦးခေါင်းထိမှန်၍သေဆုံးသွားခြင်းဖြစ်သည်။
ဒဏ်ရာရရှိသူများမှာ ဒေါ်ကြွေရုပ် (၅၃)နှစ်၊ ဦးသာဟန်၊ ဒေါ်သိန်းတင်၊မခင်ချိုဇင်၊ ဦးမောင်မြင့်ခင်(၃၈)နှစ်၊ဦးတင်ဝင်း၊ ဒေါ်မေကြန်၊ ဦးတက်ထွန်း၊ဦးမောင်ကြီးအောင်၊ဒေါ်နွယ်နွယ်(၃၀)နှစ်၊ ဒေါ်စမ်းမြင့်နှင့် မနေဇင်ထွဋ်တို့ဖြစ်ကြပြီးမျက်နှာနှင့် ခြေထောက်များတွင် ဒဏ်ရာရရှိသွားကြခြင်းဖြစ်သည်။
သူတို့သည်ယနေ့ အောက်တိုဘာလ ၄ ရက်၊ ညနေသုံးနာရီကျော်တွင် စစ်ကောင်စီက ဂျက်လေယာဥ်ဖြင့် ကင်းတောင်ရွာကိုထပ်မံ၍ ဗုံးနှစ်ကြိမ်လာကြဲရာ၌ထိခိုက်မှုရှိခဲ့ခြင်း ဖြစ်သည်ဟုရွာသားများက ပြောသည်။
"မိန်းကလေးငယ်က ပွဲချင်းပြီးသေတာ။တိုက်ပွဲမရှိဘူး။ ဒီအတိုင်း ဗုံးလာကြဲတာပါ"ဟု ကင်းတောင်ကျေးရွာသားတစ်ဦးကပြောသည်။
ယနေ့ညနေတိုက်ခိုက်မှုတွင်ကင်းတောင်ရွာ မီးသတ်ရုံနှင့် ဈေးအနီးတို့ထံ ကျရောက် ပေါက်ကွဲခြင်းဖြစ်ပြီးဦးဉာဏ်ရွှေ၏နေအိမ်တစ်ဆောင်မှာ
"အခုပျက်စီးသွားတဲ့နေအိမ်က ဒီမနက် ညအချိန်ကဗုံးလာကြဲလို့ ဗုံးစထိပြီးသေသွားတဲ့ ကလေးရဲ့ အဖွားအိမ်ဖြစ်နေတယ်"ဟုပြောသည်။
စစ်ကောင်စီကပြီးခဲ့သည့် ညဥ့် ၂ နာရီအချိန်ကျေးရွာသားများ အိပ်မောကျနေစဥ်ကလည်း Y-12 လေယာဥ်ဖြင့် ကင်းတောင်ကျေးရွာထဲကိုဗုံးကြဲချခဲ့သေးသည်။
ထိုသို့ဗုံးကြဲမှုကြောင့် အသက်(၁၀)နှစ်အရွယ် ကလေးငယ်တစ်ဦး၊ဦးမောင်လှတင်(၆၅)နှစ်၊ ဒေါ်မြရီ(၅၆)နှစ်နှင့်ဒေါ်မြကြည်(၇၄)နှစ်တို့လေးဦး သေဆုံးသွားခဲ့သည်။
မောင်ဇင်လင်းထက်(၁၁)နှစ်၊ကျောင်းဆရာ ဦးစိုးထိုက်(၄၈)နှစ်၊ဒေါ်မတင်ရွှေ(၈၉)နှစ်၊ ဒေါ်မြင့်မြင့်ကြူ (၅၂)နှစ်နဲ့ကိုပြည်သိမ်းစံ (၂၃)နှစ်တို့မှာလည်း ထိခိုက်ဒဏ်ရာ အပြင်းအထန်ရရှိခဲ့သည်။
အဆိုရွာတစ်ရွာတည်းကို တစ်နေ့တည်းအတွင်း ညဥ့်အချိန်နှင့်ညနေအချိန် နှစ်ကြိမ်တိုင် ဗုံးကြဲ၍ငါးဦးသေပြီး၂၀ ဦးခန့် ဒဏ်ရာရရှိသွားခြင်းဖြစ်သည်။
လက်ရှိတွင်ကင်းတောင်ရွာသားများမှာ တစ်နေ့တည်းတွင်စစ်ကောင်စီက ဗုံးနှစ်ကြိမ် လာကြဲမှုကြောင့် စိုးရိမ်ထိတ်လန့်နေကြပြီးလုံခြုံစိတ်ချရသည့်နေရာများတွင် ပုန်းခိုနေရကြောင်းလည်းသိ၇သည်။
ဓာတ်ပုံ- ပေးပို့
လှူရန်