ခိုင်လူလှ (ရိုးမမြီ)၊ နိရဉ္စရာ၊ အောက်တိုဘာ ၆/ ၂၀၂၄

မြန်မာနိုင်ငံပြက္ခဒိန်အကြံပေးအဖွဲ့ ဒု-ဥက္ကဋ္ဌ၊ ရခိုင်ပြက္ခဒိန်ပညာရှင် ဆရာကြီးဦးအောင်ချစ်သည် အောက်တိုဘာ ၅ ရက်နေ့က ရန်ကုန်မြို့တွင် ကွယ်လွန်သွားကြောင်း သတင်းရရှိသည်။

ရခိုင်ပြက္ခဒိန်ပညာရှင် ဆရာဦးအောင်ချစ် (ဆရာချစ် - စစ်တွေ) သည် ကွယ်လွန်ချိန်တွင်  အသက် (၉၁) နှစ် ရှိပြီဖြစ်သည်။

ဆရာကြီးသည် အောက်တိုဘာ ၅ ရက်  ညနေ(၇:၄၅)နာရီအချိန်သင်္ဃန်းကျွန်းဆေးရုံကြီး၌ (၉၆)ပါးရောဂါဖြင့် ကွယ်လွန်အနိစ္စရောက်သွားကြောင်း ဆွေမျိုးမိသားစုထံမှ သိ၇သည်။

ဆရာကြီးသည် နှစ်စဉ်ထုတ်ဝေနေသည့် နာမည်ကြီး ဓည၀တီ ၇ခိုင်ပက္ခဒိန် (ပြက္ခဒိန်)အားဦးစီးထုတ်ဝေသူ တစ်ဦးဖြစ်သည်။

ဆရာကြီး ဦးအောင်ချစ်သည် မြန်မာနိုင်ငံပြက္ခဒိန်အကြံပေးအဖွဲ့ ဒု-ဥက္ကဌ၊ မြန်မာနိုင်ငံတိုင်းရင်း ဆေးဆရာအသင်း(ဗဟို)အလုပ်အမှုဆောင်ဟောင်း၊ မြန်မာနိုင်ငံစောရးဆရာအသင်း သက်ကြီး ကန်တော့ခံ စာပေပညာရှင်၊ ရခိုင်မဂ္ဂဇင်းကော်မတီနာယက၊ တန်းခိုးဆရာထွန်းစာပေဆု တစ်သက်တာစာပေဆုရှင်၊(သာသနဓဇ ဓမ္မာစရိယ) တစ်ဦးဖြစ်သည်။

ဆရာကြီးကွယ်လွန်အနိစ္စရောက်သွားပါသဖြင့်ရပ်ဆွေရပ်နီး မိတ်ဆွေသင်္ဂဟများအား ကျန်ရစ်သူ မိသားစုများမှညိုးငယ်စွာဖြင့်အသိပေးအပ်ပါကြောင်းသဂြိုဟ်မည့်ရက်ကို ထပ်မံအသိပေးမည်ဖြစ်ပါကြောင်း မိသားစုများက ပြောဆိုသည်။

ဆရာကြီး ဦးအောင်ချစ်ကွယ်လွန်သွားမှုသည် ရခိုင်အမျိုးသားများအတွက်ကြီးမားဆုံးရှုံးမှုဖြစ်ကြောင်း ရခိုင်စာပေသမားများနှင့် လူမှုရေးလှုပ်ရှားများက သူတို့၏လူမှုကွန်ယက်စာမျက်နှာများတွင် ရေးသားဖော်ကြသည်။

ဓာတ်ပုံ- MinThein Aung Facebook