အာရက္ခတပ်တော်( AA) သည် ခရိုင်မြို့ကြီး၅မြို့ထိ သိမ်းပိုက်နိုင်သည့် တော်လှန်ရေးတပ်ဖွဲ့ဖြစ်လာ
နိရဉ္စရာ၊ဒီဇင်ဘာ၁၆/ ၂၀၂၄
စစ်ကောင်စီ အာဏာသိမ်းပြီးနောက်ပိုင်း အာရက္ခတပ်တော်( AA)သည်မြန်မာနိုင်ငံလက်နက်ကိုင်တော်လှန်ရေးတပ်ဖွဲ့များအထဲအတွင်းခရိုင်မြို့ (၅) မြို့ထိတိုက်ခိုက်သိမ်းပိုက်နိုင်သည့်တော်လှန်ရေးအဖွဲ့အစည်းတစ်ခုဖြစ်လာသည်ဟု သိရှိရသည်။
အာရက္ခတပ်တော်မှသိမ်းပိုက်လိုက်ပြီဖြစ်သည်ခရိုင်မြို့များမှာမောင်တော၊မြောက်ဦး၊သံတွဲ၊တောင်ကုတ်နှင့်ပလက်၀တို့ဖြစ်ကြသည်။
ရခိုင်တွင်စစ်တွေ၊မြောက်ဦး၊မောင်တော၊အမ်း၊ကျောက်ဖြူ၊တောင်ကုတ်နှင့်သံတွဲစသည့် ခရိုင် (၇) ခရိုင်ရှိရာတွင်မြောက်ဦး၊မောင်တော၊သံတွဲ၊တောင်ကုတ်ခရိုင်၄ခုနှင့်ချင်းပြည်နယ်မှပလက်၀ခရိုင်တို့ အပြီးသတ် သိမ်းပိုက်ရရှိထားပြီဖြစ်သည်။
လက်ရှိခရိုင်မြို့တစ်ခုဖြစ်သည်အမ်းကိုလည်းအပြီးသတ်သိမ်းပိုက်ရန်အနောက်ပိုင်းစစ်ဌာနချုပ် (နပခ) ကိုAA က အပြင်းအထန် ထိုးစစ်ဆင်နေရာနပခကိုသိမ်းပိုက်လိုက်ပြီဖြစ်ကြောင်းမြေပြင်တွင်သတင်းများကျယ်ကျယ်ပြန့်ပြန့်ထွက်ပေါ်နေသည်။
အမ်းဒေသခံ စစ်ရေး သတင်းရင်းမြစ်တစ်ဦးက “ အထွေအထူးတော့ ပြောစရာမရှိတော့ပါ။ အမ်း အခြေအနေ အားလုံးအခြေအနေကောင်းပါတယ်။ မကြာမီ မျှော်ဆိုသလိုပေါ့နော်။ အာရက္ခတပ်တော် ပြန်ကြားရေးက ထုတ်ပြန်ချက်ကိုသာ စောင့်မျှော်ပါလို့ ပြောချင်ပါတယ်” ဟု ပြောသည်။
ရခိုင်မှာအာရက္ခတပ်တော်ထိုးစစ်ဆင်တိုက်ခိုက်ရန် နောက်ထပ် ခရိုင်မြို့ကြီး၂ခုဖြစ်သောစစ်တွေနှင့် ကျောက်ဖြူတို့ကျန်ရှိနေပြီး၎င်းမြို့များအားလည်းအာရက္ခတပ်တော်ကတိုက်ခိုက်လာနိုင်လာသည့်အတွက်စစ်ကောင်စီက အင်အားဖြည့်တင်းပြီးခံစစ်ကိုအကြီးအကျယ်ပြင်ဆင်နေသည်ဟုသတင်းရရှိသည်။
အာရက္ခတပ်တော်သည် မြို့နယ်အားဖြင့် ဆိုလျှင် ပလက်၀၊ မောင်တော၊ ဘူးသီးတောင်၊ ရသေ့တောင်၊ ပုဏ္ဏားကျွန်း၊ ပေါက်တော၊ ကျောက်တော်၊ မြောက်ဦး၊ မင်းပြား၊ မြေပုံ၊ ရမ်းဗြဲ၊ တောင်ကုတ်၊ သံတွဲ စသည့် မြို့နယ် ၁၃ ခုကို သိမ်းပိုက်ထားပြီးဖြစ်သည်။
လှူရန်