နိရဉ္စရာ၊ ဇန်နဝါရီ ၉/၂၀၂၅

ရမ်းဗြဲမြို့နယ်၊ ကျောက်နီမော်ကျေးရွာကို စစ်ကောင်စီလေတပ်က  ဇန်နဝါရီ ၈ ရက်နေ့ နေ့လယ် ၁ နာရီက ဗုံးကြဲခဲ့သဖြင့် လူပေါင်း ၄၁ ဦး သေဆုံးပြီး ၅၂ ခန့် ဒဏ်ရာရကာ အိမ်ခြေ ၅၀၀ ခန့် မီးလောင်သွားခဲ့သည်ဟု သတင်းရရှိသည်။

“ စစ်ကောင်စီ ဂျက်ဖိုက်တာ တစ်စီးဟာ မနေ့က  နေ့လယ် ၁ နာရီက ကျောက်နီမော်ကိုဗုံးတွေကြဲချခဲ့တဲ့အတွက်  တောင်ပိုင်းရပ်ကွက်၊ မြောက်ပိုင်းရပ်ကွက်၊ အလယ်ပိုင်းရပ်ကွက်တွေကဒေသခံ ပြည်သူတွေရဲ့နေအိမ် ၅၀၀ လောက်မီးလောင်းပျက်စီးသွားခဲ့တယ်”ဟု ဒေသ သတင်းရင်းမြစ်တစ်ခုက ပြောသည်။

ဒဏ်ရာရသူများအထဲတွင် ကလေးငယ်များ၊  အမျိုးသမီးများနှင့် သက်ကြီးရွယ်အိုများလည်း ပါဝင်သည်ဟု သိရသည်။ ။

စစ်ကောင်စီသည် လူနေရပ်ကွက်ထဲကို တမင်ရည်ရွယ်ပြီး ဗုံးကြဲခဲ့ခြင်းဖြစ်ကြောင်း  မျက်မြင်ဒေသခံများက ပြောသည်။