မောင်တောမြို့ပေါ်မှမွတ်ဆလင်စစ်ဘေးရှောင်များအားနေရပ်ပြန်ခွင့်ပြု
(ပျောက်ဆုံးပစ္စည်းများစာရင်းပြုလုပ်ပြီး AA ထံတိုင်ကြားရန်မှာကြား)
နောင်မင်းသူ၊နိရဉ္စရာ၊ဧပြီ ၉ /၂၀၂၅
မောင်တောတိုက်ပွဲအတွင်းတိမ်းရှောင်ခဲ့ကြသည့်မွတ်ဆလင်စစ်ဘေးရှောင်များအား အာရက္ခတပ်တော်(AA) မှမောင်တောမြို့ပေါ်ရှိ၎င်းတို့၏နေအိမ်များသို့ပြန်လည်နေထိုင်ခွင့်ပြုပေးလိုက်ပြီဟုသတင်းရရှိသည်။
စစ်ဘေးရှောင်ဒေသခံမွတ်ဆလက်တစ်ဦးက" ဧပြီလ၇ရက်နေ့မှာရပ်ကွက်(၁)နဲ့ရပ်ကွက် (၄)ကိုဝင်ရောက်ခွင်ပြုခဲ့ကြတယ်။၈ရက်နေ့မှာရပ်ကွက်(၂)ဝင်ခွင့်ရခဲ့ကြတယ်။လက်ရှိမှာစည်ကားလာနေတယ်။လွတ်လပ်စွာသွားလာလို့လည်းရကြပါတယ်"ဟုပြောကြားသည်။
စစ်ဘေးရှောင်နေချိန်ကာလအတွင်း နေအိမ်များဖောက်ထွင်းခံရမူများရှိခဲ့ပါကပျောက်ဆုံးပစ္စည်းစာရင်းများနှင့်အတူအာရက္ခပြည်သူတော်လှန်ရေးအစိုးရထံတိုင်တန်းဖို့မှာကြားလိုက်ကြောင်းလှဖိုးခေါင်းယာယီဒုက္ခသည်စခန်းမှနေအိမ်ပြန်ခွင့်ရသူမွတ်ဆလင်လူကြီးတစ်ဦးကနိရဉ္စရာသို့ပြောဆိုသည်။
" နေအိမ်တွေဖောက်ခံထားရသူတွေရှိရင်ပျောက်ဆုံးပစ္စည်းစာရင်းတွေပြုစုပြီး AA ထံ တိုင်ကြားပေးကြဖို့တာဝန်ရှိသူတွေမှာကြားလိုက်ကြတယ်။ "ဟုပြောဆိုသည်။
မောင်တောမြို့ပေါ်မွတ်ဆလင်စစ်ဘေးရှောင်အများစုသည်လှဖိုးခေါင်တွင်စစ်ဘေးရှောင်များအဖြစ်ယာယီခိုလှုံခဲ့ကြရပြီး ၂၀၂၅ခုနှစ်ဧပြီလ၁ရက်နေ့မှစပြီးအသုတ်လိုက်နေရပ်ပြန်ရန်အတွက်အာရက္ခတပ်တော်AA ကခွင့်ပြုခဲ့သည်ဟုပြောဆိုသည်။
“ မိသားစုအလိုက်အိမ်ထောင်စုစာရင်းတွေထုတ်ပေးထားသလိုသယ်ယူပို့ဆောင်ရေးအတွက်လည်းဒေသခံမွတ်ဆလင်ရပ်မိရပ်ဖတွေနဲ့AA စစ်ဒေသမှူးတို့မှအတူတကွပူးပေါင်းဆောင်ရွက်ပေးခဲ့ကြပါတယ်။အခုအေအေတာဝန်ရှိသူတွေကကျွန်တော်တို့အပေါ်မှာဆက်ဆံရေးကောင်းမွန်သလိုလိုအပ်တာတွေကူညီနေတာတွေလည်းရှိပါတယ်”ဟု၎င်းကပြောကြားသည်။
မောင်တောမြို့အတွင်းတိုက်ပွဲကာလ၌မြို့ဒေသခံများစစ်ဘေးရှောင်နေခဲ့ကြရစဥ်ဖောက်ထွင်းခိုးယူမူကျူးလွန်သူဒေသခံ၁၀၀ကျော်အားအာရက္ခတပ်တော်AA မှဖမ်းဆီးအရေးယူပြီးထောင်ဒဏ်အသီးသီးချမှတ်ထားကြောင်းဒေသခံများထံမှသိရသည်။
ဓါတ်ပုံ- မောင်တာမြို့ပါ်မှဒေသခံမွတ်ဆလင်များအားတွေ့ရစဉ်။
လှူရန်