မြေပုံတွင် ရှေးဟောင်းဘုရားတစ်ဆူ၏ ရင်အုပ်တော်မှ ကျောက်ဆင်းတုဘုရားတစ်ဆူပေါ်ထွက်လာ
စောရှင်မေ၊ နိရဥ္စရာ၊ မေ ၁/၂၀၂၅
ရခိုင်ပြည်၊ မြေပုံမြို့ရှိ အငူဓာတ်တော်ဘုရားရှိ ရှေးဟောင်းဘုရားတစ်ဆူ၏ ရင်အုပ်တော်မှ ကျောက်ဆင်းတုဘုရားတစ်ဆူပေါ်ထွက်
အင်္ဂတေဖြင့်သွန်းလုပ်ထားသည့် ရှေးဟောင်းဘုရားတစ်ဆူ၏ ကိုယ်တော်မှ ဧပြီ ၂၅ ရက်တွင် ရောင်ခြည်တော်များ ကွန့်မြူးလာပြီး အဆိုပါဘုရား၏ ကိုယ်ပေါ်တွင် တဖြည်းဖြည်းအက်ကွဲလာ၍ ပန်းရံဆရာနှင့် ပြန်လည်ပြုပြင်မွမ်းမံရာမှ ၎င်းဘုရား၏ကိုယ်ထဲတွင် ကျောက်ဆင်းတုဘုရားတစ်ဆူအား ဖူးတွေ့ရကြောင်း ဒေသခံများက ပြောသည်။
ကိုယ်တိုင်ဖူးတွေ့ ခဲ့ရသူ ဦးမြတ်ထွန်းက "ရောင်ခြည်တော်က မကြာမကြာထွက်တယ်။ အဲတော့ တဖြည်းဖြည်းနဲ့ ဘုရားကိုယ်ပေါ်က အက်ကွဲလာတာကို ပန်းရံဆရာနဲ့ မွမ်းမံတာပေါ့။ အက်ကွဲနေတဲ့နေရာတဝိုက် လက်နဲ့ခေါက်ကြည့်တော့ အသံတစ်မျိုးမြည်တယ်။ အဲနေရာက ကျောက်ဆင်းဘုရားတစ်ဆူပေါ်လာတာပါ
ထွက်ပေါ်လာသည့် ကျောက်ဆင်းတုကို အပြင်သို့ထုတ်ပစ်မည်ဆိုပါက နဂိုရှေးဟောင်း ဆင်းတုတော်ကြီး ပျက်စီးသွားမည်ဖြစ်၍ ယခုအတိုင်းသာ ဆက်လက်အပူဇော်ခံသွားမည်ဟု သိရသည်။
ထွက်ပေါ်လာသည့် ကျောက်ဆင်းတုတော်၏ ဥာဏ်တော်အမြင့်မှာ လေးပေခန့်ရှိနိုင်သည်ဟုလည်း ခန့်မှန်းထားကြသည်။
နဂိုဆင်းတုတော်ကြီး၏ဥာဏ်တော်အမြ
သို့သော်လည်း လက်ရှိပေါ်ထွက်လာသည့် ကျောက်ဆင်းတုတော်ကို မည်သည့်ခုနှစ်တွင် တည်ထားခဲ့သည်ကို မသိရဟုလည်း ဒေသခံများက ပြောသည်။
ယင်းနောက် မြောက်ဦးခေတ် ရခိုင်ဘုရင် မင်းဖလောင်း၏ မိဖုရား စိုးမဲကျီက ပြုပြင်မွမ်းမံခဲ့သည်ဟုလည်း ဘုရားဂေါပကများပြောပြချက်အရ သိရှိရကြောင်း ဦးမြတ်ထွန်းက ပြောသည်။
လက်ရှိ ပေါ်တော်မူ ကျောက်ဆင်းတုတော်အား ရပ်နီးရပ်ဝေးမှ ဘုရားဖူးဧည့်သည်များက လာရောက်ဖူးမြော်နေကြသည်ဟုလည်း သိရသည်။
ဓာတ်ပုံ - ပေါ်တော်မူကျောက်ဆင်းတုဘုရားအား ဖူးတွေ့ရစဥ်။ (ဓာတ်ပုံ - ပေးပို့)
---
ကျနော်တို့မီဒီယာဆက်လက်ရှင်သန်ရပ်တည်နိုင်ရေးအတွက် လူကြီးမင်းတို့ရဲ့ အားပေးမှုနဲ့ အကူအညီတွေကို အထူးလိုအပ်နေပါတယ်။ ဒီလင့် https://donorbox.org/narinjara-news ကနေတဆင့် ကူညီနိုင်ပါတယ်။ လူကြီးမင်းတို့ရဲ့ ကူညီထောက်ပံ့မှုအတွက် ကျေးဇူးအထူးတင်ပါတယ်။
လှူရန်