နိရဉ္စရာ၊ ဇွန် ၂၀/၂၀၂၅

ရခိုင်ပြည်တွင်းတွင် အခက်အခဲကျရောက်နေကြသည့် စစ်ဘေးရှောင်ရခိုင်ပြည်သူများအား ရခိုင်ပြည်ပရှိ ရခိုင်လူမှုအဖွဲ့အစည်းများမှ အဓိက ကူညီထောက်ပံ့မှုများ ပြုလုပ်နေကြောင်း သတင်းရရှိသည်။

ရခိုင်ပြည် ပြင်ပတွင် အလုပ်လုပ်ကိုင်နေကြသည့် ရခိုင်လူမျိုးများသည် သူတို့ ရရှိသည့် ချွေးနည်းစာဖြင့် စုဆောင်းရရှိထားသော ငွေကြေးများကို ရခိုင်အသင်းအဖွဲ့အစည်းများသို့ လှူဒါန်းပြီး အဆိုပါ အဖွဲ့အစည်းများမှတစ်ဆင့် ရခိုင်စစ်ဘေးရှောင်များကို ကူညီပံ့ပိုးနေကြသည်ဟု သိရသည်။

ယခုလ ၈ ရက်နေ့ကလည်း တရုတ်နိုင်ငံရောက် ရက္ခိုင်သူ/သားတို့ စုပေါင်းပြီးကျောက်ဖြူ စစ်ဘေးရှောင်ပြည်သူများအတွက် သိန်း (၅၀၀) ကျော် စုပေါင်း ကူညီထောက်ပံ့ လှူဒါန်းပေးခဲ့သည်ဟု သိရသည်။

“ ​ကျောက်ဖြူမှာ မိုးတွင်းကာလ စစ်ဘေးရှောင်တွေအတွက် ခြင်ထောင်တွေဝယ်ယူဖို့  ငွေကျပ် ၅၀၅၉၀၀၀၀ ကိုတရုတ်နိုင်ငံရောက် ရခိုင်လူမျိုးတွေက စုပေါင်းပြီး လှူဒါန်းခဲ့ပါတယ်။ အဲဒီငွေနဲ့စစ်ဘေးရှောင်တွေကို ခြင်ထောင်အလုံးရေ ၂၅၀၀ ထက်မနည်းလှူဒါန်းနိုင်ခဲ့တယ်လို့သိရပါတယ်”ဟု ကျောက်ဖြူမြို့နယ် စစ်ဘေးများ အရေးပေါ် ကူညီထောက်ပံ့ရေးကော်မတီတာဝန်ခံ ကိုအောင်အောင် ကAPM ကို ပြောကြားခဲ့သည်။  

အလားတူအိမ်​ထောင်စု ၁၇၅စု ခိုလုံနေသည့်ပုဏ္ဏားကျွန်းမြို့နယ်က စစ်​ဘေး​ရှောင်စခန်းတစ်ခုကို ၁စုကို ၅​သောင်းနှုန်းဖြင့်ငွေကျပ်၈၇သိန်း ၅​သောင်းကိုကူညီထောက်ပံ့ပေးခဲ့သည်ဟု ရခိုင် ပရဟိတလုပ်ငန်းများကို ဆောင်ရွက်နေသူ ဦးဝေဟင်အောင်က သူ၏ လူမှုကွန်ယက် စာမျက်နှာတွင် ရေးသားဖော်ပြထားသည်။

အဆိုပါ အလှူငွေ ၈၇ သိန်းကျော်တွက်  "ရက္ခိတပန်းစုံ ပရဟိတအသင်း(မ​လေးရှား)" က သိန်း ၈၀ပါဝင်လှူဒါန်းထားသည်ဟုသိရသည်။

ဇွန်လ၁၆ ရက်နေ့ကလည်း စစ်​တွေမြို့နယ်က စစ်​ဘေး​ရှောင်လာ​ရေ မိသားစု ၁၄၁စုအတွက် အလှူ​ငွေ ၇၁သိန်း လွဲအပ်လှူဒါန်းခဲ့သည်ဟုသိရသည်။ ၎င်းအလှူ​ငွေကို ပြည်တွင်း ပြည်ပက ခုနစ်ရက် သားသမီးတိ စု​ပေါင်းပြီးဦးဝေဟင်အောင်ထံမှ တဆင့် လှူဒါန်းခဲ့ခြင်းဖြစ်သည်။

ဇွန်လ၂ ရက်နေ့ကလည်း ကျောက်တော်မြို့နယ်မှ စစ်ဘေးရှောင် မိသားစု ၁စုကိုငွေကျပ်  ၅​သောင်းနှုန်းနန့် အလှူ​ငွေ  သိန်း ၁၅၁ကို လား​ရောက် လှူဒါန်းခဲ့သည်ဟုသိရသည်။

၎င်းအလှူ​ငွေသိန်း ၁၅၁မှာ  မ​လေးရှားအခြေစိုက်ထိုင်း၊  စင်္ကာပူအပါအဝင် “စည်းလုံးမှုအင်အား ရခိုင်လူငယ်များ အသင်း” က သိန်း ၉၀ ၊ရခိုင်လူမှုကူညီ​ရေးအသင်း အင်ဒီးယားနား(အ​မေရိကန်)က အလှူ​ငွေ ၄၁သိန်းပါဝင်သည်ဟု ဦးဝေဟင်အောင် ရေးသားဖော်ပြသည်။

ဇွန်လ၅ ရက်နေ့ကလည်း ပုဏ္ဏားကျွန်းမြို့နယ်က စစ်​ရှောင်းစခန်းတွင်ခိုလှုံနေကြသည့်  အိမ်​ထောင်စု ၂၆၄စု အတွက် အလှူ​ငွေ - ၁၃၂သိန်းကို လှူဒါန်းခဲ့သည်ဟုသိရသည်။

ဇွန်လ၄ ရက်နေ့ကလည်း ပုဏ္ဏားကျွန်းမြို့နယ်တွင်ခိုလှုံနေကြသည့်  အိမ်​ထောင်စု ၂၅၅စု အတွက်၁စုကို ၅​သောင်းနှုန်းနန့် အလှူ​ငွေ ၁၂၇သိန်း ၅​သောင်းအပြင် သက်ကြီးရွယ်အိုအချို့ကိုလည်းလှူဒါန်းခဲ့သည်။  

ဇွန်လ၁ ရက်နေ့လည်း ကျောက်တော်မြို့နယ် တစ်နေရာတွက် ခိုလုံနေသည့် စစ်ဘေးရှာင် မိသားစု ၃၄၆စု နှင့် ထပ်တိုး ၃၀ စုတို့အတွက် အိမ်​ထောင်စု ၁စုကို ၅​သောင်းနှုန်းနန့် စုစု​ပေါင်း သိန်း ၁၉၀ကို

ဦးဝေဟင်အောင်မှသွားရောက်လှူဒါန်းခဲ့ပြီး ၎င်း အလှူငွေမှာ မ​လေးရှားအ​ခြေစိုက် ထိုင်း၊ စင်္ကာပူအပါအဝင် စည်းလုံးမှုအင်အား ရခိုင်လူငယ်များ ပရဟိအသင်းက လှူထား​ရေ အလှူ​ငွေ သိန်း ၂၈၀ ကနေ ထုတ်နုတ် လှူဒါန်းခဲ့ခြင်းဖြစ်ကြောင်းသိရသည်။