မောင်စာဂ၊ နိရဉ္စရာ၊ ဇူလိုင် ၂/၂ဝ၂၅

အနောက်ပိုင်းတိုင်းစစ်ဌာနချုပ်(နပခ)တည်ရှိခဲ့ရာ ရခိုင်ပြည်၊ အမ်းမြို့သိမ်းတိုက်ပွဲကာလတွင်း ပျက်စီးသွားခဲ့ရသည့် အရပ်သားပြည်သူများ၏ နေအိမ်အဆောက်အအုံများအား ယခု ၂ဝ၂၅ ခုနှစ်၊ ဇွန်လနောက်ဆုံးပတ်က တွေ့ရခြင်းဖြစ်သည်။

အမ်းမြို့ကို အာရက္ခတပ်တော်(AA)သည် ၂ဝ၂၄ ခုနှစ်၊ စက်တင်ဘာလ ၂၆ ရက်တွင် စတင်ထိုးစစ်ဆင်တိုက်ခိုက်ခဲ့ပြီးနောက် သုံးလခန့်အကြာ ဒီဇင်ဘာလ ၂ဝ ရက်တွင် အပြီးသတ်သိမ်းပိုက်နိုင်ခဲ့သည်။

အမ်းမြို့သိမ်းတိုက်ပွဲကာလအတွင်း စစ်ကောင်စီ၏ နပခ ဒုတိုင်းမှူး ဗိုလ်မှူးချုပ် သောင်းထွန်းနှင့် တိုင်းစစ်ဦးစီးချုပ် ဗိုလ်မှူးချုပ် ကျော်ကျော်သန်းတို့ကိုပါ AA က အရှင်ဖမ်းမိနိုင်ခဲ့သည်။

အမ်းမြို့နယ်တစ်ခုလုံးတွင် အနောက်ပိုင်းတိုင်းစစ်ဌာနချုပ် (နပခ)အပါအဝင် တပ်ရင်း၊ တပ်စခန်း(၁၃)ခုထက်မနည်းရှိခဲ့သည်ဟု သိရသည်။

လက်ရှိတွင် အမ်းမြို့ရှိ စစ်ကောင်စီအရာရှိကြီးများနှင့်စစ်သားများပိုင်ဆိုင်ခဲ့သည့်နေအိမ်များနှင့် မြေနေရာအချို့ကို AA က ချိပ်ပိတ်ထားသည်ဟုလည်း သိရသည်။

တိုက်ပွဲဖြစ်ပွားခဲ့သည့် အမ်းမြို့နှင့် မြို့နယ်တွင်းရှိ နေရာများတွင်လည်း ပေါက်ကွဲနိုင်သည့် မိုင်းနှင့် စစ်လက်ကျန်ပစ္စည်းများ ရှိနေနိုင်သေးသည့်အတွက် စစ်ဘေးရှောင်များ ဝင်ရောက်နေထိုင်ခွင့်ကို AA က တားမြစ်ထားသည်ဟုလည်း ဒေသခံများက ပြောသည်။

---

ကျနော်တို့မီဒီယာဆက်လက်ရှင်သန်ရပ်တည်နိုင်ရေးအတွက် လူကြီးမင်းတို့ရဲ့ အားပေးမှုနဲ့ အကူအညီတွေကို အထူးလိုအပ်နေပါတယ်။ ဒီလင့် https://donorbox.org/narinjara-news ကနေတဆင့် ကူညီနိုင်ပါတယ်။ လူကြီးမင်းတို့ရဲ့ ကူညီထောက်ပံ့မှုအတွက် ကျေးဇူးအထူးတင်ပါတယ်။