ရခိုင်တစ်ဦး ထိုင်းငါးဖမ်းလှေပေါ်မှ ပင်လယ်ထဲပြုတ်ကျ ပျောက်ဆုံးနေ
နိရဉ္စရာ၊ ဇူလိုင် ၂၈/ ၂၀၂၅
ထိုင်းနိုင်ငံ၊ ဖတ်ပူရီခရိုင်၊ ချအန်တွင် လာရောက် အလုပ် လုပ်ကိုင်နေသူ ရခိုင် ရွှေ့ပြောင်း ရေလုပ်သားတစ်ဦးသည် ယခုလ ၂၃ ရက်နေ့က ပင်လယ်ပြင်တွင် ငါးဖမ်းလှေပေါ်မှ ခြေချော်ပြုတ်ကျကာ ပျောက်ဆုံးနေသည်ဟု သိရသည်။
၎င်းလူငယ်မှာ မင်းပြားမြို့နယ်၊ ငစရိုင်းချောင်းကျွန်း၊ ထောင့်ချေ ကျေးရွာမှ ကိုမောင်လှမြင့် (၄၂)နှစ် ဖြစ်ကြောင်း သိရသည်။
သူ၏သူငယ်ချင်းဖြစ်သူက “ ဒီလ ၂၃ ရက်နေ့ ညအချိန် ၁၂ နာရီကျော်မှာ ငါးဖမ်းလှေပေါ်က ပြုတ်ကျတာပါ။ အခုအချိန်ထိ ရှာမရသေးဘူး။ သေဆုံးသွားပြီလို့ ယူဆပါတယ်။ မိသားစုနဲ့ ထပ်တူ စိတ်မကောင်းဖြစ်ရပါတယ်”ဟု ပြောသည်။
သူ၏ မိဖများမှာ ဦးအောင်သိန်းမြနှင့် ဒေါ်ဗြက်မဖြစ်ပြီး ဇနီးမှာ မမိုးချိုမာဖြစ်ကာ လူမမမယ် ကလေး နှစ်ဦးရှိသည်ဟု သိရသည်။
၎င်းအားလက်ရှိအချိန်ထိ ရှာမတွေ့သေးဟု သိရသည်။
ဓာတ်ပုံ- ပေးပို့
လှူရန်