အေးမြတ်ခိုင်

နိရဥ္စရာ၊ ဖေဖော်ဝါရီ ၄/၂၀၂၂

ရခိုင်မှဘောလုံးသမားကောင်းများ ပြန်လည်ထွက်ပေါ်လာရေးအတွက် အလွတ်တန်းဘောလုံးပြိုင်ပွဲတစ်ခုကို ရခိုင်ယူနိုက်တက်ဘောလုံးသင်းက ကြီးမှူးကျင်းပသွားမည်ဟု ကျင်းပရေးကော်မတီဥက္ကဋ္ဌ ကိုသန်းလှိုင်က နိရဥ္စရာကို ပြောသည်။

"ဒီလိုပွဲတွေလည်း မကျင်းပတာ အရမ်းကြာပြီလေ။ အဓိက ရည်ရွယ်ချက်ကတော့ ရခိုင်ပြည်မှာ ဘောလုံးသမားတွေ ပြန်လည်ထွက်ပေါ်လာရေးအတွက် ဖြစ်တယ်" ဟု ပြောသည်။

ပြိုင်ပွဲအတွက် လျှောက်လွှာဖောင်များကို ဖေဖော်ဝါရီလ ၅ ရက်နေ့မှစ၍ ၁၉ ရက်နေ့အထိ စစ်တွေမြို့၊ ဝေသာလီဘောလုံးကွင်းရှေ့ရှိ ရခိုင်ယူနိုက်တက်ဘောလုံးသင်းရုံးခန်း၊ အာရှအားမာန်ဗီနိုင်းဆိုင်နှင့် ပြည်နယ်အာ/ကာရုံးတို့တွင် ထုတ်ပေးသွားမည်ဟု သိ၇သည်။

လျှောက်ထားသည့် အသင်းအရေတွက်ပေါ်မူတည်၍ ပွဲစဉ်စတင်မည့်နေ့ကို ကြေညာသွားမည်ဖြစ်ပြီး မတ်လ ပထမပတ်ကို လျာထားကြောင်း ကိုသန်းလှိုင်က ပြောသည်။

"ဒါသာ အောင်မြင်ရင် စဉ်ဆက်မပြတ်လုပ်ဖို့ အစီစဉ်ရှိတယ်။ နောက်ပိုင်း U18 တို့ U 20 တို့လုပ်ဖို့အစီစဉ်ရှိတယ်။ ပထမဆုံးခြေလှမ်းအနေနဲ့ အောင်မြင်ခဲ့ရင် ပြောတာနော်"ဟု ပြောသည်။

ပြိုင်ပွဲတွင် ဆုကြေးငွေများအဖြစ် ပထမဆု ငွေကျပ် သိန်း ၅၀၊ ဒုတိယဆု သိန်း ၃၀၊ တတိယဆု သိန်း၂၀၊ စတုတ္ထဆု သိန်း ၁၀ တို့အား ချီးမြှင့်ပေးသွားမည်ဟု သိ၇သည်။

အဆိုပါပြိုင်ပွဲကို ၇ခိုင်ယူနိုက်တက်ဘောလုံးအသင်းမှကြီးမှူးကာ ပြည်နယ်အား/ကာဌာနနှင့်ပူးပေါင်း၍ စစ်တွေမြို့၊ ဝေသာလီဘောလုံးကွင်းတွင် လာမည့်မတ်လပထမပတ်အတွင်းပြုလုပ်ရန် လျာထားကြောင်း သိ၇သည်။

ပြိုင်ပွဲအတွက် နယ်မှလာသည့်အားကစားသမားများကို နေရာထိုင်ခင်းစီစဉ်ပေးမည်ဖြစ်သော်လည်း ပြိုင်ပွဲကာလအတွင်း မိမိအစီအစဉ်ဖြင့်စားသောက်ရမည်ဟု သိ၇သည်။

နယ်ဝေးမှလာရောက်မည့် Club များအတွက် ခရီးစရိတ်ထုတ်ပေးသွားမည်ဟု သိ၇သည်။