- Web Master
- ၂၆ နိုဝင်ဘာ ၂၀၂၂
နိရဉ္စရာ၊ နိုဝင်ဘာ ၂၃- ၂၀၂၂
ကမ္ဘာ့ဖလား အုပ်စု D ရဲ့အဖွင့်ပွဲစဉ်အဖြစ် လက်ရှိ ချန်ပီယံ ပြင်သစ်အသင်း နဲ့ ဩစတြေးလျအသင်းတို့ ယှဉ်ပြိုင်ကစားခဲ့ကြရာမှာ ပြင်သစ်အသင်းက (၄-၁) နဲ့ ဂိုးပြတ်အနိုင်ရရှိသွားခဲ့ပါတယ်။
ပွဲအစ ၉ မိနစ်မှာပဲ ဩစတြေးလျအသင်းက ကရိတ် ဂေါ်ဒွင် ဦးဆောင်ဂိုး သွင်းခဲ့လို့ ပြင်သစ်အသင်းက နောက်က လိုက်ကစားခဲ့ရတယ်။ ပြင်သစ်အတွက် ချေပဂိုးကို ၂၇ မိနစ်မှာ သီအို ဟာနန်ဒက် ရဲ့ ပေးပို့မှုနဲ့ အေဒရီယန် ရာဘီယော့ က သွင်းယူပြီး အနိုင်ဂိုးကိုတော့ ၃၂ မိနစ်မှာ ပြင်သစ်တိုက်စစ်မှူး အိုလီဗီယာ ဂီယော့ဒ်က သွင်းခဲ့ပါတယ်။
ဒုတိယပိုင်း ၆၈ မိနစ်မှာ ဒမ်ဘီလီရဲ့ပေးပို့မှု နဲ့ ဘာပေးက တတိယမြောက် ဂိုးသွင်းခဲ့ပြီး (၇၁) မိနစ်မှာတော့ ဂီယော့ဒ်က သူ့ရဲ့ ဒုတိယမြောက်ဂိုးကို ထပ်မံသွင်းယူနိုင်လို့ ပွဲအပြီး(၄-၁) နဲ့ အနိုင်ရကာ ပွဲဦးထွက် သုံးမှတ်ရယူနိုင်ခဲ့တယ်။
ပြင်သစ်၊ ဩစတြေးလျ။ ဒိန်းမတ် နဲ့ တူရကီတို့ ပါဝင်တဲ့ ပွဲမှာ ပြင်သစ်က ရမှတ် သုံးမှတ် နဲ့ ဦးဆောင်နေပြီး လာမယ့် နိုဝင်ဘာ(၂၆) မှာ ဒိန်းမတ်အသင်းနဲ့ ထပ်မံရကစားပါမယ်။
ပြင်သစ်အသင်းရဲ့ အခုနိုင်ပွဲဟာ ချန်ပီယံအသင်းတွေ အဖွင့်ပွဲရှုံးနိမ့်ပြီး အုပ်စုအဆင့်က ထွက်ရတတ်တယ်ဆိုတဲ့ အိပ်မက်ဆိုးကို ချေဖျက်နိုင်ခဲ့တယ်လို့ ဆိုရမယ်။ CWM