ဘရာဇီး အုပ်စုလက်ကျန်ပွဲစဉ်တွေမှာ ဒဏ်ရာရ နေမာ နဲ့ ဒါနီလို မပါနိုင်တော့ပါ။

ရေးသူ: Web Master
| ရက်စွဲ: ၂၆ နိုဝင်ဘာ ၂၀၂၂
| ကြည့်ရှုသူ: 9.6k

နိရဉ္စရာ၊နိုဝင်ဘာ၂၆ (ကမ္ဘာဖလား)

ကြာသပတေးနေ့က ဆားဗီးယားကို (၂-၀) နဲ့ အနိုင်ရတဲ့ ပွဲမှာ ဒဏ်ရာအပြင်းအထန် ရသွားခဲ့လို့ နာမည်ကျော် ဘရာဇီးတိုက်စစ်မှူး နေမာ နဲ့ နောက်ခံလူ ဒါနီလို တို့ ဘရာဇီးအသင်းနဲ့အတူ ပါဝင်နိုင်မှာမဟုတ်ဘူးလို့ သိရပါတယ်။

အုပ်စု G ကို ဦးဆောင်နေတဲ့ ဘရာဇီးဟာ လက်ကျန်ပွဲများအဖြစ် ဆွစ်ဇာလန်၊ ကင်မရွန်း တို့နဲ့ ဆက်လက် ယှဉ်ပြိုင်ကစားရဖို့ ရှိနေပါတယ်။ ဘရာဇီးအသင်းဆရာဝန် ကတော့ သူတို့နှစ်ဦးဟာ ဆွစ်ဇာလန်နဲ့ တစ်ပွဲပဲ လွဲချော်မယ်လို့ ဆိုတယ်။

“ ပေါင် နဲ့ ခြေကျင်းဝတ်မှာ ဒဏ်ရာရထားကြတယ်။ ဆွစ်နဲ့ ပွဲကတော့ သေချာပေါက်လွဲမယ်၊ ဆက်ကစားဖို့ ကုသမှုခံယူရဦးမယ်”

နေမာဟာ နှစ်ပေါင်းများစွာ ညာဘက် ခြေထောက် ခြေကျင်းဝတ်ဒဏ်ရာ ခံစားနေခဲ့ရတာဖြစ်ပြီး ကြာသပတေးနေ့က ဒဏ်ရာရချိန်မှာ အတော် စိတ်ဓါတ်ကျသွားပုံရတယ်။

၂၀၁၄ ကမ္ဘာ့ဖလားတုန်းကလည်း နေမာဟာ ကွာတားဖိုင်နယ် ကိုလံဘီယာနဲ့ ပွဲမှာ ဒဏ်ရာရခဲ့ပြီးတဲ့နောက် ဂျာမနီကို (၇-၁)ဂိုးနဲ့ ရှုံးနိမ့်ခဲ့တဲ့ ဆီမီးဖိုင်နယ်မှာ ပါဝင်နိုင်ခြင်း မရှိခဲ့ဘူး။

သတင်း- CWM

ဓာတ်ပုံ- အင်တာနက်