၂၀၂၃ခုနှစ်၊ အသက် ၂၀ အောက် ကမ္ဘာ့ဖလား ဘောလုံးပြိုင်ပွဲ ( ယူ-၂၀ ကမ္ဘာ့ဖလား)နောက်ဆုံးဗိုလ်လုပွဲအဖြစ် တနင်္ဂနွေနေ့က အီတလီ ယူ-၂၀ အသင်းနှင့်ဥရုဂွေး ယူ-၂၀ အသင်းတို့ ယှဉ်ပြိုင်ကစားခဲ့ရာ ဥရုဂွေးက ၁-၀ ဂိုးဖြင့်အနိုင်ရရှိပြီး ချန်ပီယံဖလားကို ပထမဦးဆုံးအကြိမ် ဆွတ်ခူးသွားခဲ့သည်။

အာဂျင်တီးနားနိုင်ငံ၊လာပလာတာ ရှိ ဒီဂိုမာရာဒိုနာ အားကစားကွင်း၌ ယှဉ်ပြိုင်ကစားသည့်ဗိုလ်လုပွဲသို့ ပရိသတ် ၄၀၀၀၀ လာရောက် အားပေးကြည့်ရှုခဲ့ပြီးဥရုဂွေးအသင်းကို အားပေးခဲ့ကြသည်။

ဖီဖာဥက္ကဌ အင်ဖန်တီနိုလည်း လာရောက်အားပေးကြည့်ရှုခဲ့သည်။

ဗိုလ်လုပွဲတွင်ဥရုဂွေးအသင်းက ပွဲကို တစ်ချိန်လုံး စိုးမိုးထားပြီး ၈၆ မိနစ်တွင်လူစီယာနို ရိုဒရီဂွက်ဇ် ၏ အနီးကပ် ခေါင်းတိုက်သွင်းဂိုးဖြင့်အနိုင်ရရှိခဲ့သည်။

ဥရုဂွေးသည်ယူ-၂၀ ကမ္ဘာ့ဖလားချန်ပီယံဖလားကို တောင်အမေရိက အသင်းတစ်သင်းအနေဖြင့်ပထမဦးဆုံးအကြိမ် ဆွတ်ခူးရရှိခြင်းဖြစ်သည်။

NN-27

ref:Ap