သံတွဲ၊ တောင်ကုတ်နှင့် ဂွမြို့နယ်မှ လူငယ်များအား ရခိုင်ယူနိုက်တက်ဘောလုံးအသင်းအတွက် ရွေးချယ်ခေါ်ယူမည်
ရခိုင်ပြည်နယ် သံတွဲ၊တောင်ကုတ်နှင့် ဂွမြို့နယ်တို့က လူငယ်များအား ရခိုင်ယူနိုက်တက်ဘောလုံးအသင်းတွက် ရွေးချယ်ခေါ်ယူမှုပြုလုပ်သွားမည်ဟု အသင်းတာဝန်ရှိသူထံကသိရှိ၇သည်။
“မြို့နယ် ၃ ခုကကလေးတွေအတွက် ဒီလို ရွေးချယ်ခေါ်ယူမယ်ဆိုတာမျိုး လိုင်းပေါ် တင်ပေးလိုက်ပါတယ်။ အလားအလာရှိတဲ့ ဘောလုံး ဝါသနာ ရွက်ပုန်းသီးလေးတွေကိုဘောလုံးဇာတ်ခုံပေါ် တင်ပေးနိုင်ဖို့အတွက်ပေါ့ဗျာ”ဟု သံတွဲမြို့နယ် ဘောလုံးအဖွဲ့အချုပ်မှ ဦးရွှေသွေးက ပြောသည်။
အသင်းအတွက်အသက် ၁၅ နှစ်အောက် နှင့် ၂၂ နှစ်အောက် များကို ရွေးချယ်သွားမည်ဖြစ်ပြီးရွေးချယ်ခံမည့် လူငယ်များအနေဖြင့် သတ်မှတ်ရက်၌ သံတွဲမြို့နယ်အားကစားကွင်းအတွင်း လာရောက် ရွေးချယ်ခံနိုင်ကြောင်း သိရှိ၇သည်။
ရွေးချယ်ခံမည့်အသက် ၁၅ နှစ်အောက် လူငယ်များအတွက် သြဂုတ်လ ၁၁ ရက်နေ့နှင့် ၁၂ရက်နေ့များကို သတ်မှတ်ထားပြီး အသက် ၂၂ နှစ်အောက်လူငယ်များအတွက် သြဂုတ်လ ၁၂ ရက်နေ့သတ်မှတ် ထားကြောင်း သိရှိ၇သည်။
“သတ်မှတ်နေ့မှာလာရွေးချယ်ခံဖို့ပါပဲ လျှောက်ထားစရာမလိုပါဘူး။ သတ်မှတ်ရက်မှာ မနက်၈ နာရီ ဆို စရွေးချယ် စီစစ်သွားမှာပါ”ဟု ဦးရွှေသွေးက ဆက်လက်ပြောဆိုသည်။
ရွေးချယ်ခံမည့်လူငယ်များ အနေဖြင့် မှတ်ပုံတင်မူရင်း၊ အိမ်ထောင်စုစာရင်းနှင့် ဘောလုံးကစားရန် လိုအပ်သည့် တကိုယ်ရည် အသုံးအဆောင်ပစ္စည်းများ ယူဆောင်လာကြရန် လိုအပ်ကြောင်းသိရှိ၇သည်။
ရွေးချယ်ခံ၇သည့်အသက် ၁၅ နှစ်အောက်လူငယ်များသည် ၇ခိုင်ယူနိုက်တက် ယူ - ၁၅ အသင်းနှင့်အသက် ၂၂ နှစ်အောက်လူငယ်များသည် ရက္ခပူရယူနိုက်တက်အသင်း (နေရှင်နယ်လိဂ်- ၂) တို့ဖြင့် ပူးပေါင်းလေ့ကျင့်ကစားသွားရမည် ဖြစ်ကြောင်းကိုလည်းသိရှိ၇သည်။ (NN – 25) ဓာတ်ပုံ - ရက္ခပူ၇ ယူနိုက်တက် အသင်း
လှူရန်