ဂျပန်နိုင်ငံတွင် သုံးပွဲယှဉ်ပြိုင်ကစားခဲ့သည့် မြန်မာ ယူ ၁၂ အသင်း သုံးပွဲလုံး ရှုံးနိမ့်
ဂျပန်နိုင်ငံ၊ ချီဘားမြို့တွင်ကျင်းပနေသည့် အသက် ၁၂ နှစ် - U 12 Junior Soccer World Challenge 2023 ပြိုင်ပွဲ၏အုပ်စုပွဲစဉ်အဖြစ် သုံးပွဲပါဝင်ယှဉ်ပြိုင် ကစားခဲ့ရာ မြန်မာ ယူ ၁၂ အသင်းသည်သုံးပွဲလုံးရှုံးနိမ့်ခဲ့ကြောင်း သိ၇သည်။
ယနေ့ သြဂုတ်လ၂၅ ရက်၊ မြန်မာစံတော်ချိန် နံနက် ရ နာရီ ၄၅ မိနစ်တွင် ယှဉ်ပြိုင်ကစားခဲ့သည့်Daiwa House Dream လူငယ်အသင်းကို၂ ဂိုး ၁ ဂိုးဖြင့် ရှုံးနိမ့်ခဲ့ပြီးနောက် အုပ်စုပွဲစဉ်သုံးပွဲလုံး ရှုံးနိမ့်ခဲ့ခြင်းဖြစ်သည်။
မြန်မာယူ ၁၂ အသင်းသည်ဩဂုတ်လ၂၄ရက်၊ မြန်မာစံတော်ချိန် နံနက် ရ နာရီ ၄၅ မိနစ်တွင်ဘာစီလိုနာလူငယ်အသင်းနှင့် ယှဉ်ပြိုင်ခဲ့ရာ ၄ ဂိုးပြတ်ဖြင့်ရှုံးနိမ့်ခဲ့သည်။
ယင်းနေ့တစ်ရက်တည်း၌ မြန်မာစံတော်ချိန်နံနက် ၁၀ နာရီတွင် JEF United Chiba U-12 လူငယ်အသင်းနှင့် ထပ်မံ ယှဉ်ပြိုင်ခဲ့ရာ ၄ ဂိုး ၁ ဂိုးဖြင့် ရှုံးနိမ့်ခဲ့သည်။
သို့သော်အုပ်စုအလိုက် ရပ်တည်မှုများအ၇ မြန်မာ ယူ ၁၂ အသင်းသည် အုပ်စု(C)တွင် အဆင့်(၃)နေရာရရှိပါက တစ်ဖက် အုပ်စု(D)မှအဆင့် (၃)အသင်းနှင့် လည်းကောင်း၊အဆင့် (၄) နေရာရရှိပါက အဆင့် (၄)အသင်းနှင့်လည်းကောင်းGroup League 3rd or 4th Place ပွဲစဉ်ကို ဆက်လက်ကစား၇မည်ဖြစ်သည်။
ချီဘားမြို့တွင်ကျင်းပနေသည့် ၁၁ ကြိမ်မြောက် U 12 Junior Soccer World Challenge2023 ပြိုင်ပွဲကို သြဂုတ် ၂ရရက်အထိ ကျင်းပနေခြင်းဖြစ်သည်။
အဆိုပါပြိုင်ပွဲတွင် မြန်မာ့လူငယ်လက်ရွေးစင်ယူ - ၁၂ အသင်းသည် အုပ်စု C တွင်ကျရောက်ကာ ဘာစီလိုနာလူငယ်အသင်း၊Daiwa House Dream လူငယ်အသင်း၊JEF United Chiba U-12 လူငယ်အသင်းတို့နှင့်အုပ်စုတူဖြစ်သည်။
မြန်မာ့လက်ရွေးစင်ယူ-၁၂ အသင်းတွင်အုပ် ချုပ်/နည်းပြ (၇)ဦး၊ ကစားသမား (၁၈)ဦး စုစုပေါင်း (၂၅)ဦးပါဝင်ပြီးပြိုင်ပွဲဝင်မည့် လူငယ်ကစားသမားများကို သုဝဏ္ဏအားကစားကွင်း လက်ရွေးစင်များအဆောင်တွင်စခန်းသွင်းလေ့ကျင့်ခဲ့ကြောင်း မြန်မာနိုင်ငံဘောလုံးအဖွဲ့ချုပ်
လှူရန်