၇ခိုင်ယူနိုက်တက် U-15 ဘောလုံးအသင်းသည် ယနေ့မနက်ပိုင်းကယှဥ်ပြိုင်ကစားခဲ့သည့် ရာမညဘောလုံးအသင်းနှင့်ပွဲစဥ်တွင် အနိုင်ရရှိပြီး အောက်မြန်မာဇုန်ချန်ပီယံဆုဆွတ်ခူးနိုင်ခဲ့ပြီဟု ရခိုင်ယူနိုက်တက်အသင်းပိုင်ရှင် ဦးလှကျော်ဝင်းက နိရဉ္စရာသတင်းဌာနသို့ပြောသည်။

၂၀၂၃ မြန်မာနိုင်ငံ ဘောလုံးဖွဲ့ချုပ်နှင့် ကမ္ဘာ့ဘောလုံးအဖွဲ့ချုပ်(FIFA)တို့ကြီးမှူးကျင်းပသည့် ပွဲစဉ်(၂၀) အဖြစ် ၇ခိုင်ယူနိုက်တက်ယူ ၁၅ အသင်းနှင့်ရာမည ယူ ၁၅ ဘောလုံး အသင်းတို့ ယနေ့နံနက် ၈ နာရီတွင်ရန်ကုန်မြို့၊ သုဝဏ္ဏအားကစားကွင်းဘေးစက်ဘီးလေ့ကျင့်ရေးကွင်းတွင် ယှဉ်ပြိုင်ကစားခဲ့ကြခြင်းဖြစ်သည်။

ယင်းသို့ယှဥ်ပြိုင်ကစားခဲ့ရာ ၇ခိုင်ယူနိုက်တက် U-15 အသင်းက ရာမညအသင်းကို ၅-၄ ဂိုးဖြင့်အနိုင်ရရှိပြီး အောက်မြန်မာပြည်ချန်ပီယံဖြစ်သွားပြီဟုရခိုင်ယူနိုက်တက်အသင်း ပိုင်ရှင် ဦးလှကျော်ဝင်းက နိရဥ္စရာသို့ပြောသည်။

"ကျွန်တော်တို့ ယူ-၁၅ လူငယ်အသင်းက အခုရာမညအသင်းနဲ့ ယှဥ်ပြိုင်ကစားတာ၅-၄ ဂိုးနဲ့နိုင်ပါတယ်။ အခုပွဲစဥ်နိုင်တဲ့အတွက် အောက်မြန်မာဇုန်ချန်ပီယံဖြစ်သွားပါပြီ"ဟု ပြောသည်။

ပွဲချိန်ပထမပိုင်းတွင် ၇ခိုင်ယူနိုက်တက် ယူ- ၁၅ အသင်းက ပွဲချိန်ပထမပိုင်းမှာ၂-၁ ဂိုးဖြင့် ဦးဆောင်ကစားခဲ့ပြီး ပွဲအပြီး၇လဒ်မှာ ၅- ၄ ဂိုးဖြစ်သည်။

ယနေ့ပွဲစဥ်တွင် ၇ခိုင်ယူနိုက်တက် ယူ- ၁၅ အသင်းအတွက် ကျောနံပါတ်(9)ညီညီသန့်က ၃ ဂိုး၊ ကျောနံပါတ်(10) စွမ်းဇာနည်က၁ ဂိုး၊ ကျောနံပါတ်(77) မင်းကိုက ၁ ဂိုးစီအသီးသီးသွင်းယူပေးခဲ့သည်။

၇ခိုင်ယူနိုက်တက် ယူ-၁၅ လူငယ်ဘောလုံးအသင်းသည် ကမ္ဘာ့ဘောလုံးအဖွဲ့ချုပ်နှင့်မြန်မာနိုင်ငံဘောလုံးအဖွဲ့ချုပ်တို့ကြီးမှူးကျင်းပသည့် FIFA-MFFU-15 Youth Leauge 2023 ၏ အောက်မြန်မာဇုန်ပြိုင်ပွဲတွင် ယှဥ်ပြိုင်ကစားခဲ့ခြင်းဖြစ်သည်။

ပွဲစဥ်တစ်လျှောက် ပွဲ ၂၀ ယှဥ်ပြိုင်ကစားခဲ့ရာ ၁၈ ပွဲနိုင်၊ ၂ ပွဲသရေ၇လဒ်ဖြင့် အောက်မြန်မာဇုန် ချန်ပီယံဆုကို ဆွတ်ခူးခဲ့ခြင်းဖြစ်သည်။(NN-23)

ဓာတ်ပုံ - RUFC