ကြာသပတေး၊ မတ်လ ၂၈ရက်၊ ၂၀၂၄

သံတွဲသို့ ဘိလပ်မြေအိတ်များတင်ဆောင်ခုတ်မောင်းလာသည့် ထာဝရအားမာန်ကုန်တင်သင်္ဘောနစ်မြုပ်၊ သင်္ဘောသားခုနှစ်ဦး ပျောက်ဆုံးနေ


  • ရေးသူ: Web Master
  • | ရက်စွဲ: ၂၇ ဇူလိုင် ၂၀၁၉
  • | ကြည့်ရှုသူ: 8.5k

ခိုင်လူလှ (ရိုးမမြေ)
နိရဥ္စရာ၊ ဇူလိူင် ၂၇/ ၂ဝ၁၉

ရခိုင်ပြည်နယ် သံတွဲ သူဌေးချောင်း ရေအားလျှပ်စစ် စီမံကိန်းအတွက် ဘိလပ်မြေအိတ်များ တင်ဆောင်လာသည့် ကမ်းရိုးတန်းသွား ကုန်တင်သင်္ဘော MV ထာဝရအားမာန်သည် ရာသီဥတု ဆိုးရွားမှုကြောင့် ဧရာဝတီတိုင်း ဒေသကြီး လပွတ္တာမြို့နယ်၊ ပြင်စလူမြို့  ပြာမလော့မြစ် ရေမိုင် ၇ မိုင်ခန့်အကွာတွင် ဇူလိူင် ၂၅ ရက်နေ့က နစ်မြုပ်သွားခဲ့သည်ဟု သတင်းရရှိသည်။

သင်္ဘောနစ်စဉ် သင်္ဘောပေါ်တွင် သင်္ဘောသား ၁၉ ဦး လိုက်ပါလာပြီး ၉ ဦးကို နစ်မြုပ်သည့်နေ့တွင်ပင် ရှာဖွေကယ်တင်နိုင်ခဲ့ပြီး နောက်ထပ် ၃ ဦးကို ဇူလိူင် ၂၆ ရက်နေ့တွင် ထပ်မံရှာဖွေတွေ့ရှိခဲ့သည်ဟု မြန်မာနိုင်ငံ ကြက်ခြေနီ အသင်း၏ သတင်းထုတ်ပြန်ချက်အရ သိရသည်။

ကျန် ပျောက်ဆုံးနေသူ ၇ ဦးကို ထပ်မံ ရှာဖွေမှုများ ပြုလုပ်နေသည်ဟု သိရသည်။

၎င်းသင်္ဘော MV ထာဝရ အားမာန်ရေယာဉ်မှာ ဇူလိုင် ၂၄ ရက် နံနက်ပိုင်းတွင် ရန်ကုန်မြို့ ဗိုလ်တစ်ထောင်ဆိပ်ကမ်းမှ ရေယာဉ်မှူး ဦးဆန်းမင်း မောင်းနှင်၍ ရေယာဉ်လုပ်သား ၁၈ ဦး လိုက်ပါလျှက် ရခိုင်ပြည်နယ် သံတွဲမြို့ သူဌေးချောင်း ရေအားလျှပ်စစ် စီမံကိန်းတွင် အသုံးပြုမည့် ဘိလပ်မြေအိတ်အလုံးရေ ၂၅ဝဝဝ လုံး တင်ဆောင်ကာ ခုတ်မောင်းလာခဲ့သည်ဟု သိရသည်။

ရခိုင်ပြည်နယ်ဖက်သို့ ထွက်ခွာလာစဉ် ဇူလိုင် ၂၅ ရက် ညနေ ၄ နာရီခန့်တွင် ရာသီဥတု ဆိုးရွားပြီး လိူင်းလေထန်၍ သင်္ဘောဘယ်ဘက်ခြမ်းမှာ တိမ်းစောင်းနစ်မြုပ်ခဲ့ကြောင်း သိရသည်။

(Photo from Tun Thant Kyaw facebook)


ဆက်စပ် သတင်းများ