ရခိုင်ပြည်နယ် စီမံအုပ်ချုပ်ရေးကောင်စီဝင်များအဖြစ် ဦးစံရွှေမောင်နှင့်ဦးသန်းထွန်းတို့ကို ခန့်အပ်တာဝန်ပေး


နိရဉ္စရာ၊ ဖေဖော်ဝါရီ၁၁/ ၂၀၂၁

ရခိုင်ပြည်နယ် စီမံအုပ်ချုပ်ရေးကောင်စီဝင်များအဖြစ် ဦးစံရွှေမောင်နှင့်ဦးသန်းထွန်းတို့ကို ခန့်အပ် တာဝန်ပေးလိုက်သည်ဟု သတင်းရရှိသည်။

၂၀၂၁ ခုနှစ် ဖေဖော်ဝါရီ ၁၁ ရက်နေ့စွဲဖြင့် နိုင်ငံတော်စီမံအုပ်ချုပ်ရေးကောင်စီ အတွင်းရေးမှူး ဒုတိယဗိုလ်ချုပ်ကြီး အောင်လင်းဒွေးက ၎င်းတို့နှစ်ဦးအား ခန့်အပ် တာဝန်ပေးကြောင်း လက်မှတ်ထိုးထုတ်ပြန်သည်။

နိုင်ငံတော်စီမံအုပ်ချုပ်ရေးကောင်စီသည် ဖွဲ့စည်းပုံအခြေခံ ဥပဒေပုဒ်မ ၄၁၉ အရ တိုင်းဒေသကြီး သို့မဟုတ် ပြည်နယ်ဝန်ကြီးများ၏ လုပ်ပိုင်ခွင့်နှင့် တာဝန်များကို အပ်နှင်းလိုက်ကြောင်း ဖော်ပြသည်။

သူတို့နှစ်ဦး အပါအဝင် တိုင်းနှင့်ပြည်နယ် ၁၄ ခုမှ စီမံအုပ်ချုပ်မှုကောင်စီဝင် နှစ်ဦးစီကို ခန့်အပ်ကြောင်း ယနေ့ ကြေညာသည်။

Share: