ကြာသပတေး၊ မတ်လ ၂၈ရက်၊ ၂၀၂၄

ရသေ့တောင်မြို့နယ် စေတီပြင်စစ်ဘေးရှောင်စခန်း အဆောင်မီးလောင်


  • ရေးသူ: Web Master
  • | ရက်စွဲ: ၂၁ ဒီဇင်ဘာ ၂၀၂၀
  • | ကြည့်ရှုသူ: 6.6k

အိမ်စိုးဖြူ
နိရဥ္စရာ၊ ဒီဇင်ဘာ ၂၁ / ၂ဝ၂ဝ

ယနေ့ ဒီဇင်ဘာ ၂၁ ရက်နေ့ ည ၆ နာရီခွဲခန့်က ရသေ့တောင်မြို့နယ်၊ စေတီပြင်စစ်ဘေးရှာင်စခန်းတွင် တဲအိမ်တန်းလျား အဆောင်တစ်ခုမီးလောင်ကြောင်း သတင်းရရှိသည်။

ငါးခန်းတွဲတဲအိမ်တန်းလျားတစ်ခုမှ အခန်းတွဲနှစ်ခန်း မီးလောင်ပျက်စီးခဲ့ခြင်းဖြစ်ကြောင်း မီးလောင်နေသည်ကို ကိုယ်တိုင်မီးငြိမ်းသတ်ပေးခဲ့သည့် စေတီပြင်ကျေးရွာမှ ကိုအောင်မင်းစိုးက နိရဥ္စရာသတင်းဌာနအားပြောသည်။

“ထမင်းချက်တာ ကိုယ့်အခန်းနဲ့ကိုယ်ချက်စားကြရတာဆိုတော့ အိမ်ခန်းတွေမှာ ချက်စားရတယ်။ မီးဖိုကတဆင့် မီးစကျပြီးလောင်တယ်လို့ကြားတယ်။ မီးငြိမ်းသွားပါပြီ။ ဒါပေမယ့် လူတွေကြောက်ကြောက်လန့်လန့်နဲ့ ဖြစ်သွားကြတယ်။ မီးလောင်တဲ့မိသားစုတွေကလည်း ကြောက်ပြီး ဘာမှမပြောနိုင်ရှာဘူး”ဟုပြောသည်။

၄င်းစေတီပြင်စခန်းတာဝန်ခံ ကိုသိန်းဝင်းကလည်း မီးလောင်မှုကြောင့် ထိခိုက်ဒဏ်ရာတစ်စုံတစ်ရာ မရရှိကြောင်း ပြောသည်။

“ ကျွန်တော်တို့ စခန်းမှာ တန်းလျားတစ်ခုမှာ အခန်းငါးခန်းပါတယ်။ အခုလူတွေအုံနေကြလို့ ဖြေရှင်းနေရတယ်။ အခန်းနှစ်ခန်းမီးလောင်သွားတာပါ။ ကျွန်တော်လူကြီးတွေနဲ့စကားပြောနေလို့ပြန်ဆက်သွယ်ပေးပါ” ဟုပြောကာ ဖုန်းချသွားခဲ့သည်။

၄င်းစေတီပြင်စခန်းတွင် ငါးခန်းတွဲအဆောင် ၆၁ ဆောင်ရှိပြီး အခန်း ၃ဝ၅ ခန်းနှင့် လူဦးရေ ၂ဝဝဝ ကျော်ရှိကြောင်း သိရသည်။

ဆက်စပ် သတင်းများ