ဂျွန်နသန်၊ နိရဉ္စရာ၊ ဇန်နဝါရီ ၂၂/၂၀၂၄

ဒေါ်နယ်ထရမ့်သည် ဇန်နဝါရီ(၂၀)ရက်တွင် အမေရိကန်၏ (၄၇)ဦးမြောက် သမ္မတအဖြစ် ကျမ်းသစ္စာကျိန်ဆိုခဲ့သည်။၄င်း၏ ဒုတိယမြောက်သမ္မသက်တမ်းကိုစတင်တာ၀န်ယူချိန်ပထမဆုံးပြောကြားခဲ့သည့် မိန့်ခွန်းတွင်အမေရိကန်၏ ရွှေရောင် ခေတ်ပြန်စပြီဆိုပြီး ကြုံးဝါးပြောဆိုခဲ့သည်။

"အမေရိကန်ရဲ့ ရွှေရောင်ခေတ်ကို အခု ပြန်စပါပြီ။ ဒီနေ့ကစလို့ ကျနော်တို့ တိုင်းပြည်ဟာ ပွင့်လင်းပြီး တကမ္ဘာလုံးက လေးလေးစားစား ဆက်ဆံခံရတဲ့တိုင်းပြည် ပြန်ဖြစ်လာပါမယ်။ မိမိတို့အစိုးရလက်ထက်မှာ အမေရိကန်ကသာ ပထမဦးစားပေးဆိုတာရှင်းရှင်းလင်းလင်း ဖြစ်ရပါမယ်ဆိုပြီး ထရမ့်ကအထက်ပါအတိုင်း" ကြုံးဝါးပြောဆိုခဲ့ခြင်းဖြစ်သည်။

ထို့နောက် ထရမ့်သည် သူသမ္မတစတင်တာ၀န်ယူသည့် နေ့တွင်ပင်မဆိုင်းမတွဆိုသလိုလူဝင်မှုကြီးကြပ်ရေးကိစ္စ၊စွမ်းအင်ဖွံ့ဖြိုးမှုကိစ္စများအပါအ၀င် ဒါဇင်နှင့်ချီသည့် သမ္မတအမိန့် များကိုလက်မှတ်ရေးထိုးထုတ်ပြန်ခဲ့သည်။

သမ္မတထရမ့်သည် ကျွန်ုပ်တို့၏ နယ်စပ်ကို လုံခြုံစေရန်နှင့် အမေရိကန်လူမှုအသိုင်းအဝိုင်းများကို အ ကာကွယ်ပေးရန်အတွက် ရဲရင့်စွာလုပ်ဆောင်သွားမည်ဖြစ်သည်ဟုသမ္မတထရမ့်၏ အမေရိကန် ပထမဦးစားပေး မူဝါဒများ ကို အိမ်ဖြူတော်က ထုတ်ပြန်ကြေညာခဲ့သည်။

သမ္မတ ထရမ့် သည်မက္ကဆီကိုပင်လယ်ကွေ့ကိုလည်း "အမေရိကန်ပင်လယ်ကွေ့"အဖြစ် အမည်ပြောင်းခြင်း ၊ အမေရိကန် တို့ တည်ဆောက်ခဲ့သည့် ပနားမားတူးမြောင်းကိုလည်း ပြန်လည်ရယူမည်ဟုလည်း ပြောဆိုခဲ့သည်။

အမေရိကန်ပြည်ထောင်စု တောင်ပိုင်းနယ်စပ်တွင် အရေးပေါ်အခြေအနေကြေညာပြီး၊ ရာဇဝတ်မှု ကျူးလွန်သူ နိုင်ငံခြားသားတွေကို နေရပ် ချက်ခြင်းပြန်ပို့မည်ဖြစ် ကြောင်းနယ်စပ်က တရားမဝင် မူးယစ်ဂိုဏ်းတွေကို နိုင်ငံရပ်ခြားအကြမ်းဖက်အဖွဲ့အစည်းတွေအဖြစ် ကြေညာသွားမည်ဖြစ်ကြောင်း၊ တောင်ပိုင်းရှိနယ်စပ်ဆီကို လည်း စစ်တပ်အပါအ၀င် လုံခြုံရေး တပ်များ စေလွှတ်ပြီး တိုင်းပြည်အတွင်း ကျူးကျော်မှုများတွေကို တားဆီးသွားမည်ဖြစ်ကြောင်း ၄င်းကထပ်လောင်းပြောကြားသွားခဲ့သည်။

အမေရိကန်တွင် ဉာဏ်ရည်တု(AI)အခြေခံအဆောက်အအုံတည်ဆောက်ရန်အတွက်ဒေါ်လာဘီလီယံပေါင်းများစွာရှိသည့် ပုဂ္ဂလိကကဏ္ဍရင်းနှီးမြှုပ်နှံမှု ကိုဇန်နဝါရီ(၂၁)ရက် အင်္ဂါနေ့မွန်းလွဲပိုင်းက ကြေညာခဲ့သည်။

၂၀၂၁ခုနှစ် US Capitol တိုက်ခိုက်မှုနှင့် ဆက်နွှယ်သည့် ရာဇ၀တ်မှုများဖြင့် တရားစွဲဆိုခံရသူအားလုံးနီးပါးကို လွတ်ငြိမ်းချမ်းသာခွင့်ပေးခဲ့သည်။Capitol ကို တိုက်ခိုက်ခဲ့မှုနှင့် ပတ်သက်သည့် ရာဇ၀တ်မှုများအတွက် ပြစ်ဒဏ်ချမှတ်ခံထားရသူ ၁,၅၀၀ ခန့်ကိုလည်း လွတ်ငြိမ်းချမ်းသာခွင့် ပေးခဲ့သည်။

အကြမ်းဖက်သောင်းကျန်းသူများနှင့် ပူးပေါင်းကြံစည်မှုဖြင့် ထောင်ဒဏ် (၂၂)နှစ် ကျခံနေရသည့် လက်ယာစွန်းအဖွဲ့ Proud Boys ၏ အကြီးအကဲဟောင်း Enrique Tarrio နှင့် Oath Keepers တည်ထောင်သူ Stewart Rhodes တို့ နှစ်ဦးစလုံးတို့ကိုလည်း အကျဥ်းထောင်မှ လွတ်မြောက်လာခဲ့ကြသည်။

ထရမ့်ဟာအမေရိကန်နိုင်ငံ တောင်ပိုင်း နယ်စပ်ကို အရေးပေါ်အခြေအနေအဖြစ် ကြေညာပြီးတရားမဝင် ရွှေ့ပြောင်းနေထိုင်သူအားလုံး နိုင်ငံအတွင်းသို့ဝင်ရောက်မှုကို ရပ်တန့်ရန် သမ္မတအမိန့်ကိုလက်မှတ်ရေးထိုးခဲ့သည်။

ဇန်နဝါရီလ ၂၇ ရက်နေ့ကစပြီး ဒုက္ခသည်များကို လက်ခံတော့မည် မဟုတ်ကြောင်း အဆိုပါ အစီအစဉ်ကို ဆိုင်းငံ့ထားရန် သမ္မတထရမ့်က ကြေညာခဲ့သည်။

ပနားမားတူးမြောင်းနှင့်ဂရင်းလန်းကျွန်းအား ထိန်းချုပ်မည်၊မက္ကဆီကို ပင်လယ်ကွေ့အား အမေရိကန်ပင်လယ်ကွေ့ဆိုပြီး အမည်ပြောင်းလဲသည့် အမိန့်ကြေညာချက်များကို လက်မှတ်ရေးထိုးခဲ့ခြင်းတို့သည် ကမ္ဘာကြီးအား အံ့ဩတုန်လှုပ်သွားစေခဲ့သည်။

အမေရိကန်-မက္ကဆီကိုနယ်စပ်တွင် အရေးပေါ်အခြေအနေကြေညာခဲ့ထရမ့်သည် သည်အမေရိကန်သမ္မတအဖြစ် ဒုတိယအကြိမ် ကျမ်းသစ္စာကျိန်ဆိုပြီးနောက် ရွေးကောက်ပွဲမဲဆွယ်ကာလအတွင်းပေးခဲ့သည့် ကတိများကို တည်ကြောင်းပြသသည့်အနေဖြင့် ဒါဇင်နှင့်ချီသည့်သမ္မတအမိန့်များကိုလက်မှတ်ရေးထိုးခဲ့သည်။

သူသည် အမေရိကန်-မက္ကဆီကိုနယ်စပ်တွင် နိုင်ငံတော်အရေးပေါ်အခြေအနေကြေညာပြီး ပါရီရာသီဥတုသဘောတူညီချက်မှ အမေရိကန် ထပ်မံနုတ်ထွက်ကြောင်း အစိုးရအဖွဲ့၏ စွမ်းဆောင်ရည်ဌာန (DOGE) အရာရှိအဖြစ် ခန့်အပ်ရန် အမိန့်ပေးခဲ့သည်။

ရာထူးတက်လာပြီး နာရီပိုင်းအတွင်းသမ္မတဟောင်း ဂျိုးဘိုင်ဒင်အစိုးရ၏ လုပ်ဆောင်ချက် (၇၈)ချက်ကို ရုပ်သိမ်းခဲ့သည်။

ကမ္ဘာ့ကျန်းမာရေးအဖွဲ့ (WHO)က အမေရိကန်ကို နှုတ်ထွက်ခဲ့ပြီး၊ အေးစက်နေတဲ့ အစိုးရ အလုပ်ခန့်ထားမှုနှင့် ဖက်ဒရယ် စည်းမျဉ်းသစ်များ၊ TikTok ရောင်းချမှုကို ယာယီဆိုင်းငံ့ထားရန် အမိန့်ကိုလည်း လက်မှတ်ရေးထိုးခဲ့သည်။

လူမျိုးရေးတန်းတူညီမျှမှုနှင့် ကျားမရေးရာ ခွဲခြားဆက်ဆံမှုများကို တိုက်ဖျက်သွားမည့် မူဝါဒတစ်ရပ်ကိုလည်းချပြခဲ့သည်။

ထရမ့်သည် အမိန့်စာများကို လက်မှတ်ရေးထိုးစဉ် သတင်းထောက်များနှင့် စကားပြောဆိုခဲ့ပြီး ယူကရိန်းစစ်ပွဲကို ချက်ချင်းအဆုံးသတ်ရန် အစောပိုင်းကတိကဝတ်တစ်ခုအပေါ် မည်ကဲ့သို့ လုပ်ဆောင်မည်ကို ထရမ့်အား မေးခွန်းထုတ်ခဲ့ကြသည်။

ရုရှား-ယူကရိန်း ပဋိပက္ခနှင့်ပတ်သက်၍ ရုရှားသမ္မတ ဗလာဒီမာပူတင်နှင့် စကားပြောရမည်ဖြစ်ကြောင်း ၎င်းက ပြောကြားခဲ့သည်။

အခြားသော ညွှန်ကြားချက်အသစ်များတွင် "လွတ်လပ်စွာပြောဆိုခွင့်ကို ပြန်လည်ရယူရန်နှင့် ဖက်ဒရယ်ဆင်ဆာဖြတ်တောက်မှုကို အဆုံးသတ်ရန် ရည်ရွယ်သည်" နှင့် "အစွန်းရောက်ကျားမရေးရာအယူဝါဒများမှ အမျိုးသမီးများကို ကာကွယ်ခြင်း" ဟုဖော်ပြထားသည့် မူဝါဒလည်းပါဝင်သည်။

မကြာသေးမီက ကြားဝင်စေ့စပ်ထားသော ဂါဇာကမ်းမြောင် အပစ်အခတ်ရပ်စဲရေး သဘောတူညီချက်အပေါ် သံသယရှိကြောင်းလည်း ထရမ့်က ပြောဆိုခဲ့သည်။

နိုင်ငံ၏ အင်အားကြီးစစ်တပ်သည် "အမေရိကန်၏ ရန်သူများကို အနိုင်ယူမည်" ဟုလည်းထရမ့်က ကတိပြုခဲ့သည်။

အခြားနိုင်ငံများကအခွင့်ကောင်းယူပြီး အမေရိကန်ဆီ တင်သွင်းလာသည့် ကုန်ပစ္စည်းများအပေါ် အခွန်စည်းကြပ်ဖို့ စိတ်ကူးရှိ ပေမယ့် အရေးယူဆောင်ရွက်မှုများကို ခေတ္တရပ်ဆိုင်းခဲ့ပြီး ယင်းအတွက် ကျွန်တော်တို့ အဆင်သင့်မဖြစ်သေးပါဘူးဟု ထရမ့်က သတင်းထောက်များကို ပြောကြားခဲ့သည်။

"သမ္မတ ထရမ့် ၏ အမေရိကန် ပထမဦးစားပေး မူဝါဒများ"

သမ္မတထရမ့်၏ အမေရိကန်ပထမဦးစားပေး မူဝါဒများကို အိမ်ဖြူတော်က ဇန်နဝါရီ(၂၁)ရက် ထုတ်ပြန်ခဲ့သည်။

သမ္မတထရမ့်သည် ကျွန်ုပ်တို့၏ နယ်စပ်ကို လုံခြုံစေရန်နှင့် အမေရိကန်လူမှုအသိုင်းအဝိုင်းများကို အ ကာကွယ်ပေးရန်အတွက် ရဲရင့်စွာလုပ်ဆောင်သွားမည်ဖြစ်သည်။ဘိုင်ဒန် အစိုးရ လက်ထက် ဖမ်းဆီးမှုနှင့် လွတ်မြောက်မှု မူဝါဒများကို အဆုံးသတ်ခြင်း၊ မက္ကဆီကိုတွင် မူလအတိုင်း ဆက်လက်တည်ရှိနေခြင်း၊ ခြံစည်းရိုးတံတိုင်းတည်ဆောက်ခြင်း၊ တရားမဝင်နယ်စပ်ဖြတ်ကျော်သူများအတွက် ခိုလှုံခွင့်ရပ်ဆိုင်းခြင်း၊ ရာဇ၀တ်သားများကို နှိမ်နင်းခြင်း တို့ကို တိုးမြှင့်လုပ်ဆောင်ခြင်းတို့ ပါဝင်သည်။

သမ္မတထရမ့် ၏ နေရပ်ပြန်ပို့ခြင်းလုပ်ငန်းသည် ယခင်ဘိုင်ဒန် အစိုးရလက်ထက်က ရာဇ၀တ်မှု ဂိုဏ်းများ၏ နယ်စပ်ဖြတ်ကျော်မှုမှတ်တမ်းများကို ဆက်လက်ကိုင်တွယ်ဖြေရှင်းသွားမည်ဖြစ်သည်။

သမ္မတသည် ဒုက္ခသည်များ အခြေချခြင်းနှင့် ပြန်လည်နေရာချထားခြင်းတို့ကို ဆိုင်းငံ့ထားသည်။

အမျိုးသားအစောင့်တပ်အပါအ၀င် စစ်တပ်သည် နိုင်ငံတော်လုံခြုံရေးအတွက် ပါဝင်ဆောင်ရွက်ကြမည်ဖြစ်ပြီး ဥပဒေစိုးမိုးရေးဝန်ထမ်းများကို အကူအညီပေး ရန်အတွက် နယ်စပ်တွင် တပ်စွဲထားမည်ဖြစ်သည်။

သမ္မတ ထရမ့်သည် အန္တရာယ်ရှိသော Tren de Aragua အပါအဝင်နိုင်ငံခြားအကြမ်းဖက်အဖွဲ့များကို နှိမ်နင်းရန်အတွက် Alien Enemies Act ကို အသုံးပြုမည်ဖြစ်သည်။

တရားရေးအရာရှိများကို သတ်ဖြတ်ခြင်း၊ တရားမ၀င် ရွှေ့ပြောင်းနေထိုင်သူများကို သတ်ဖြတ်ခြင်းအပါအဝင် လူသားမျိုးနွယ်အပေါ် ရက်စက်ကြမ်းကြုတ်သော ရာဇ၀တ်မှုများကျူးလွန်သူများအတွက် သင့်လျော်သော ပြစ်ဒဏ်အဖြစ် သေဒဏ်ချမှတ်ခြင်းကို တရားရေးဌာနက ရှာဖွေ သွားမည်ဖြစ်သည်။

အမေရိကန်ကို စျေးသက်သာပြီး စွမ်းအင်ကို တစ်ဖန်ပြန်လည်လွှမ်းမိုးအောင်လုပ်မည်။

သမ္မတထရမ့် သည် ဘိုင်ဒန်၏ရာသီဥတုအစွန်းရောက်ဝါဒကို အဆုံးသတ်ကာစွမ်းအင်ထုတ်လုပ်မှုနှင့် အသုံးပြုမှုအပေါ် မလျော်ကန်သော ဝန်ထုပ်ဝန်ပိုးဖြစ်စေသော စည်းမျဉ်းအားလုံးကို ပြန်လည်သုံးသပ်ကာ အမေရိကားကို စျေးသက်သာပြီး စွမ်းအင်ကို တစ်ဖန်ပြန်လည်လွှမ်းမိုးအောင်လုပ်မည်ဖြစ်သည်။

သမ္မတသည် စွမ်းအင်နဲ့ပတ်သက်ပြီး အရေးပေါ်အခြေအနေကြေညာပြီး အရေးကြီးသောအခြေခံအဆောက်အဦးများတည်ဆောက်ရန်အတွက် လိုအပ်သောအရင်းအမြစ်အားလုံးကို အသုံးပြုမည်ဖြစ်သည်။

သမ္မတ ၏ စွမ်းအင်မူဝါဒများသည်သဘာဝရှုခင်းများကို ထိခိုက်စေပြီး အမေရိကန်စွမ်းအင်သုံးစွဲသူများကို ဝန်ဆောင်မှုမပေးနိုင်သည့် ဧရာမလေရဟတ်များကိုအဆုံးသတ်မည်ဖြစ်သည်။

သမ္မတ ထရမ့် သည် ပါရီရာသီဥတုသဘောတူညီချက်မှ နုတ်ထွက်မည်ဖြစ်သည်။

အေဂျင်စီအားလုံးသည် လူနေမှုစရိတ်ကို လျှော့ချရန်အတွက် အရေးပေါ်အစီအမံများ ပြုလုပ်မည်ဖြစ်သည်။

သမ္မတ သည် အမေရိကား ပထမကုန်သွယ်ရေးမူဝါဒ ကိုကြေညာမည်ဖြစ်သည်။

အမေရိကန်စီးပွားရေးလုပ်ငန်းများကို အပြစ်ပေးသည့် ကျွန်ုပ်တို့၏ အမျိုးသားအခွန်မူဝါဒအတွက် နိုင်ငံခြားအဖွဲ့အစည်းများကို အမေရိကန်သည်အသိအမှတ်ပြုမည်မဟုတ်ပေ။သမ္မတသည် အမေရိကန်ပြည်သူများအတွက် အလုပ်လုပ်ဆောင်ရန် အစိုးရဗျူရိုကရေစီကို ပြုပြင်ပြောင်းလဲခြင်းနှင့် ပိုမိုကောင်းမွန်စေခြင်းဖြင့် အမေရိကန်အတွက် ရွှေခေတ်ကို ဆောင်ကြဉ်းပေးမည်ဖြစ်ပါသည်။

မရှိမဖြစ်လိုအပ်သောနေရာများမှလွဲ၍ ဗျူရိုကရက်အလုပ်ခန့်ထားမှုကို ရပ်တန့်ထားမည်ဖြစ်သည်။ဘိုင်ဒန် ၏ အသက်မဝင်သေးသော ဝန်ထုပ်ဝန်ပိုးဖြစ်စေသော အစွန်းရောက်စည်းမျဉ်းများကို ခေတ္တရပ်ဆိုင်းထားမည်ဖြစ်သည်။

သမ္မတ ထရမ့်သည် ရာထူးမှထုတ်ပယ်ခြင်းဆိုင်ရာနှင့်ပတ်သက်သည့်သမ္မတအမိန့်ကို မကြုံစဖူး ကြေညာထားသည်။

သမ္မတ ထရမ့် သည် အစိုးရဗျူရိုကရက်များ၏ တာဝန်ခံမှုကို မြှင့်တင်ရန် စီစဉ်နေပါသည်။

အမေရိကန်နိုင်ငံသားများသည် နိုင်ငံကို ချစ်မြတ်နိုးသောသူများထံမှ အရည်အသွေးအမြင့်မားဆုံး ဝန်ဆောင်မှုကိုထိုက်တန်ပါသည်။

လက်ရှိ ဝန်ထမ်း (၆)ရာခိုင်နှုန်းသာအလုပ်လုပ်နေသောကြောင့် သမ္မတသည် အလုပ်သမားများကို အလုပ်ပြန်လုပ် စေ မည်ဖြစ်သည်။သမ္မတသည် နိုင်ငံရေးပြိုင်ဘက်များအပေါ် အစိုးရ၏လက်နက်ချခြင်းကို အဆုံးသတ်ရန်နှင့် ဥပဒေအရ လိုအပ်ချက်အရ စာရွက်စာတမ်းအားလုံးကို ထိန်းသိမ်းရန် အမိန့်ပေးရန်အတွက် လျင်မြန်စွာအရေးတယူဆောင်ရွက်နေပါသည်။

သမ္မတက ဖက်ဒရယ်အစိုးရ၏ ဖွဲ့စည်းပုံအခြေခံဥပဒေနဲ့မညီညွတ်သည့်ဆင်ဆာဖြတ်တောက်မှုများကိုအဆုံးသတ်လိုက်သည်။

အစိုးရ၀န်ထမ်းများ ပြောဆိုသည့်စစ်မှန်သည့် စကားများကို ဖျောက်ဖျက်ပစ်ရန် လိုအပ်တော့မည်မဟုတ်ပေ။

သမ္မတ၏ လမ်းညွှန်မှုအရ၊ နိုင်ငံခြားရေးဌာနသည် အမေရိကန်ပထမ နိုင်ငံခြားရေးမူဝါဒကို ထားရှိသွားမည်ဖြစ်သည်။

သမ္မတသည် အမျိုးသားနှင့်အမျိုးသမီးအား ဇီဝဆိုင်ရာအဖြစ်မှန်အဖြစ် သတ်မှတ်ပြီး အမျိုးသမီးများအား အစွန်းရောက်ကျားမရေးရာဝါဒမှ ကာကွယ်ပေးမည်ဖြစ်သည်။

နိုင်ငံ၏ သမိုင်းကြောင်းကို သင့်လျော်စွာ ဂုဏ်ပြုရန်အတွက် အမေရိကန်၏ အထင်ကရနေရာများကို အမည်ပေးသွားပါမည်ဟု အိမ်ဖြူတော်က ထုတ်ပြန်ချက်တွင် ဖော်ပြထားသည်ကိုတွေ့ရသည်။

ဆိုရသော် ပူပူနွေးနွေးဘဲဥပုံ စားပွဲမှာထိုင်နေပြီဖြစ်သည့်ထရမ့်၏ ကြုံးဝါးသံဖြစ်သည့် အမေရိကန်၏ ရွှေရောင် ခေတ်ပြန်စပြီလား(သို့မဟုတ်)ထရမ့် ၏ အမေရိကန် ပထမဦးစားပေးမူဝါဒ နှင့် ကနဦးခြေလှမ်းများ ကိုဆက်လက်စောင့်ကြည့်ရဦးမည်ဖြစ်ကြောင်းပါ။ကိုးကား/ VOA/CBS/White House/

#ရခိုင်