ကျောက်ဖြူခရိုင်ရွေးကောက်ပွဲကော်မရှင် ဥက္ကဋ္ဌနှင့် အဖွဲ့ဝင်တစ်ဦးကို တပ်မတော်မှခေါ်ဆောင်သွားဟုဆို


ထွန်းခိုင် (တောင်ရင်းကျွန်း)
နိရဉ္စရာ၊ ဖေဖော်ဝါရီ ၁၁ / ၂၀၂၁

ကျောက်ဖြူခရိုင် ရွေးကောက်ပွဲကော်မရှင် ဥက္ကဋ္ဌ ဦးတင်ထွန်းနှင့် အဖွဲ့ဝင်တစ်ဦးကို ယမန်နေ့ ညဉ့် ၁၁ နာရီကျော်အချိန်ခန့်က နေအိမ်မှ တပ်မတော်က ခေါ်ဆောင်သွားသည်ဟု ဦးတင်ထွန်း၏တူမဖြစ်သူ မအေးအေးနိုင်က ပြောသည်။

“ မနေ့ညကပဲ တပ်ကလာပြီးတော့ ခေါ်ယူသွားပါတယ်။ ဆွေးနွေးစရာတွေရှိလို့ ခေါ်တာလို့ ပြောပါတယ်။ ကျမက အဲဒီထဲက ဗိုလ်ကြီးကို အတင်းလိုက်မေးတော့ မဲစာရင်းကိစ္စကြောင့် ခေါ်ရတာလို့ ပြောပါတယ်။ ဘယ်တပ်ရင်းက ဆိုတာကိုတော့ ကျမလည်း မသိဘူး” ဟု ပြောသည်။

၄င်းတို့နှစ်ဦးအား ဖမ်းဆီးခေါ်စဉ် တပ်မတော်သား ၅၀ ခန့်ပါဝင်ပြီး မည်သည့်နေရာတွင် ထိန်းသိမ်းထားသည်ကို မသိရှိရသေးကြောင်း သူမက ပြောဆိုသည်။

Share: