နိရဉ္စရာ၊ ဇူလိုင် ၇/၂၀၂၂

စစ်ကိုင်းတိုင်း၊ တမူးမြို့တွင်  ဇူလိုင် ၅ ရက်နေ့က အိန္ဒိယနိုင်ငံသားနှစ်ဦး အသတ်ခံခဲ့၇ပြီး၎င်းလူသတ်မှုနှင့် ပတ်သက်ပြီး  အိန္ဒိယနိုင်ငံမိုးရေးမြို့၌ ဆန္ဒပြမှုများပေါ်ပေါက်ခဲ့ပြီးနောက် မဏိပူပြည်နယ်အာဏာပိုင်များက အိန္ဒိယ-မြန်မာနယ်စပ်ဖြတ်ကျော်ခွင့်ကို ပိတ်ထားရန် အမိန့်ထုတ်ပြန်လိုက်သည်ဟုသတင်းရရှိသည်။

၎င်းအမိန့်ကို အိန္ဒိယနိုင်ငံ မဏိပူပြည်နယ် Tingnopal ခရိုင် ခရိုင်အုပ်ချူပ်ရေးမူးမှအရေးပေါ် အမိန့်အဖြစ် ထုတ်ပြန်လိုက်ခြင်းဖြစ်ပြီး  အမိန့်ထဲတွင်အရေးကြီးကိစ္စမရှိပဲအိန္ဒိယပြည်သူများ မြန်မာပြည်ဘက်ခြမ်းကိုသွားလာခြင်းမပြုရန်၊ သွားလာမည်ဆိုပါကသက်ဆိုင်ရာ၏ ခွင့်ပြုချက် ရယူပြီးမှသာသွားလာ၇မည်ဖြစ်ကြောင်း၊  မြန်ပြည်ဘက်မှလည်း ခွင့်ပြုချက် မရှိဘဲ ဝင်ထွက်သွားလာခွင့်ပြုတော့မည်မဟုတ်ကြောင်း၊ ၎င်းအပြင်မိုးရေးမြို့ထဲတွင် လူစုလူဝေး ပြုလုပ်ခြင်းအုပ်စုလိုက်သွားလာခြင်း ဇူလိုင် ၆ နေ့မှ စ၍ အကန်သတ်မရှိခွင်ပြုတော့မည်မဟုတ်ကြောင်း ပါရှိသည်ဟု သိ၇သည်။

ယခု အမိန့်ထုတ်ပြန်မှုသည် အိန္ဒိယနိုင်ငံသား ၂ ဦး တမူးမြို့တွင်အသတ်ခံ၇မှု အပေါ်  မကျေနပ်သည့် ပြည်သူ ၂၀၀ကျော်က  ဇူလိုင် ၆ ရက်နေ့တွင် အိန္ဒိယနိုင်ငံ မိုးရေးမြို့၌ ဆန္ဒပြခဲ့ကြပြီးအိန္ဒိယ-မြန်မာ နယ်စပ်ဂိတ်က  ရဲကင်းတစ်ခုကို မီးရှို့ခဲ့သည်။ ယင်းနောက်ယခုအမိန့်ကတ်သက်ချက် ပေါ်ထွက်လာခြင်းဖြစ်သည်။

ဇူလိုင်၅ရက်နေ့က အိန္ဒိယနိုင်ငံ မိုးရေးမြို့မှာ နေထိုင်သည့် အသက်၂၈နှစ်အရွယ် ယာနာနှင့် အသက်၃၅နှစ် အရွယ် မိုဟန် တို့  စစ်ကိုင်းတိုင်း တမူးမြို့ ၊ စော်ဘွားရပ်ကွက်၊ အမှတ်(၄) ကျောင်းအနီးတွင်  စစ်ကောင်စီလက်အောက်ခံပျူစောထီးအဖွဲ့က အကြောင်းမဲ့ ပစ်သတ်ခဲ့သည်ဟုPeople’s Defense Force (Tamu) ၏ ထုတ်ပြန်ချက်တွင်ဖော်ပြထားသည်။