နိ၇ဉ္စရာ၊ ဖေဖော်ဝါရီ ၆ /၂၀၂၃

စစ်ကောင်စီအကြပ်အတည်းဆိုက်နေချိန်ဖြစ်၍ တုန့်ဆိုင်းမနေဘဲ စုပေါင်းအားဖြင့် တိုက်ထုတ်ရန် KIOဥက္ကဋ္ဌ ဗိုလ်ချုပ်ကြီး အင်ဘန်လ က ဖေဖော်ဝါရီ ၅ ရက်နေ့ကကျရောက်သည့် ၆၂ နှစ်ပြည့် KIO နှစ်ပတ်လည်နေ့ အခမ်းအနားတွင်တိုက်တွန်းပြောဆိုခဲ့သည်ဟု သိ၇သည်။

 "အခုလို စစ်ကောင်စီအကြပ်အတည်းဆိုက်နေတဲ့အချိန်မှာ ပြည်သူတရပ်လုံး၊ တော်လှန်ရေး အင်အားစုတွေ အားလုံး စုစည်းအင်းအားနဲ့ရန်သူလုပ်ဆောင်မယ့် အစီအစဉ်တွေကို အထမမြောက်ပျက်စီးအောင် ဆောင်ရွက်ကြ၇မှာ ဖြစ်တယ်။  အခွင့်အခါကောင်းဖြစ်ပေါ်နေချိန်မှာ တုံ့ဆိုင်းနှောင့်နှေးနေရင် နောက်နောင်မှာ ပိုမိုခက်ခဲလာမှာဖြစ်တယ်"ဟု ဥက္ကဋ္ဌ ဗိုလ်ချုပ်ကြီး အင်ဘန်လ က ပြောသည်။

၎င်းအပြင်တော်လှန်ရေး အင်းအားစုများအနေဖြင့် တစ်ဦး တစ်ဖွဲ့တည်းလုပ်ဆောင်ခြင်းဖြင့် ရန်သူကိုအနိုင်မရရှိနိုင်ကြောင်းကိုလည်း ပြောဆိုသည်။

စစ်ကောင်စီအနေဖြင့်အာဏာတည်တန့်ရေးအတွက် အဖြစ်မနေ ရွေးကောက်ပွဲပြုလုပ်မည်ကို တွေ့မြင်နေ၇ပြီး၎င်း၏အစီအစဥ်များ အထမမြောက်အောင်လည်း ပြုလုပ်ကြ၇မည် ဖြစ်ကြောင်းပြောဆို သည်။

“ ၂၀၂၃ခုနှစ်ဟာ အာဏာသိမ်းစစ်ကောင်စီအတွက် အလွန်အရေးကြီးတဲ့ နှစ်တစ်နှစ်ဖြစ်ပြီးရွေးကောက်ပွဲပြုလုပ်ပြီး အာဏာသိမ်းမှု တရားဝင်ဖြစ်လာရေးအတွက်စီစဉ်လုပ်ဆောင်နေ အာဏာသိမ်းစစ်တပ်ရဲ့စီစဉ်လုပ်ဆောင်မှုတွေ အထမမြောက် ပျက်ပြားသွားအောင် လုပ်ဆောင်သွားကြမှာဖြစ်တယ်”ဟု ပြောဆိုသည်။

စစ်ကောင်စီအမြစ်ပြတ်ချေမှုန်းရေးသည်တနိုင်ငံလုံး၏တူညီသည့် အချက်ဖြစ်၍ KIO သည် NUG၊တော်လှန်ရေးတပ်ဖွဲ့များနှင့် လက်တွဲဆောင်ရွက်လျက်ရှိသည်ဟု သိ၇သည်။

အဆိုပါနှစ်ပတ်လည်အခမ်းအနားကို ညီနောင်မဟာမိတ် ၃ဖွဲ့ဖြစ်သည့် PSLF/TNLA ,MNTJP/MNDAA နှင့်ULA/ AA တို့ကသဝဏ်လွှာ ပေးပို့ခဲ့ကြသည်။

ပုံစာ -KIO ဥက္ကဌဗိုလ်ချုပ်ကြီး အင်ဘန်လမှ ၂၀၂၃နှစ် နှစ်သစ်ကူးမိန့်ခွန်းပြောကြားခဲ့စဥ်