ထိုင်းနိုင်ငံ၊ ကန်ချနဘူရီခရိုင်၊ထောဖာဖူမြို့၌ တရားမဝင်မြန်မာရွှေ့ပြောင်းအလုပ်သမား ၄၉ဦးကို ထိုင်း အာဏာပိုင်များက ဖမ်းဆီးထားကြောင်းထိုင်းသတင်းဌာနတစ်ခုဖြစ်သည့် ကျိုချိုသတင်းဌာနက ဖော် ပြထားသည်။

မေလ ၂၄ရက် ယနေ့နံနက်အစောပိုင်း ၅နာရီလောက်ကကန်ချနဘူရီခရိုင်၊ထောဖာဖူမြို့၊ ထာ့ခနွန် အုပ် စု (၁)ဘန့်ထာ့ခနွန်နယ်မြေ၌ တရားမဝင်ရွှေ့ပြောင်းမြန်မာအလုပ်သမား ၄၉ဦးတို့ကို နယ်မြေခံအာဏာ ပိုင်များကသတင်းရရှိသဖြင့် သွားရောက်ဖမ်းဆီးခဲ့ခြင်းဖြစ်ကြောင်း ၎င်းသတင်းတွင် ဖော်ပြထားသည်။

ဖမ်းမိသူများအထဲတွင် အမျိုးသား၂၉ဦးနှင့် အမျိုးသမီး ၂၀ ဦးတို့ဖြစ်ကြသည်။

၎င်းတို့သည် ရန်ကုန်၊ ပဲခူး၊ မော်လမြိုင်နှင့် ၇ခိုင်ပြည်နယ်တို့မှ ဖြစ်ကြကြောင်း၊ တစ်ဦးလျှင် ဘတ် ၂၀၀၀၀ မှ ၃၀၀၀၀ အထိ ပွဲစားကိုပေးခဲ့ကြ၇ကြောင်း၊ ဘန်ကောက်၊ကန်ချနဘူရီ၊ ရယောင်း၊ စမွတ်ဆာခေါင်စသည့်ဒေသများတွင် သွားရောက်အလုပ်လုပ်ကြမည့်သူများ ဖြစ်ကြောင်း ၎င်းတို့၏ ထွက်ဆိုချက်အရသိ၇ကြောင်းအဆိုပါသတင်းဌာနက ဖော်ပြထားသည်။

ပွဲစားက ၎င်းတို့သွားရောက်မည့်ဒေသသို့ပို့ဆောင်ပေးရန် လာခေါ်မည့်အချိန်ကို တောလမ်းတစ်နေရာ၌ ပုန်းအောင်း စောင့်ဆိုင်းနေစဉ် ယခုလိုဖမ်းဆီးခံလိုက်၇ခြင်းဖြစ်ကြောင်း သိ၇သည်။

ထိုင်းနိုင်ငံထဲ၌ ယခုလိုအဖမ်းအဆီးများရှိနေပေမယ့်လည်းမိသားစုစားဝတ်နေရေးအတွက်အလုပ်ရဖို့စွန့်စားပြီးလာနေကြရတာဖြစ်ကြောင်း မြန်မာရွှေ့ပြောင်းအလုပ်သမားအရေးဆောင်ရွက်ပေးနေသူ တစ်ဦးက ပြောသည်။

“မြန်မာ-ထိုင်း နယ်စပ်တစ်လျှောက်မှာ တရားမဝင်ရောက်နေတဲ့ မြန်မာတွေကို ထိုင်းအာဏာပိုင်တွေက နေ့တိုင်းဖမ်းဆီးနေတာပဲ၊ ကိုယ့်မြန်မာလူမျိုးတွေကလည်း အခုလိုအဖမ်းအဆီးတွေ ရှိနေတာသိပေမယ့် လည်းစွန့်စားပြီးလာနေကြတုန်းပဲ။’’

အဆိုပါ မြန်မာရွှေ့ပြောင်းအလုပ်သမားများကို ထောဖာဖူရဲစခန်းသို့ ပို့ဆောင်ထားပြီးထိုင်းနိုင်ငံဥပဒေ အတိုင်း ဆက်လက်လုပ်ဆောင်သွားမည်ဖြစ်ကြောင်း သိ၇သည်။

ပြီးခဲ့သည့် မေလ ၂၀ ရက်ကလည်း ထိုင်းနိုင်ငံချင်းရိုင်ခရိုင် မဲအိုင်မြို့၌ တရားမဝင် မြန်မာရွှေ့ပြောင်းအလုပ်သမား ၁၆ဦးတို့အဖမ်ဆီးခံခဲ့ရကြောင်း သိ၇သည်။

 NN – 24

Photo:  Thai News