စနစ်သစ် တက္ကသိုလ်ဝင်စာမေးပွဲဖြေဆိုရန် ကျောင်းသား/ကျောင်းသူ ပျက်ကွက်မှု ချင်းနှင့် ရခိုင်စံချိန်တင်

သဉ္ဇာနွယ်

မြန်မာနိုင်ငံတွင် တက္ကသိုလ်ဝင် စာမေးပွဲကို မတ်လ ၁၁ ရက်နေ့က စတင်ခဲ့ရာ စာမေးပွဲဖြေဆိုရန် ပျက်ကွက်သည့် ကျောင်းသား ကျောင်းသူ အရေအတွက်မှာ ချင်းပြည်နယ်တွင်အများဆုံးဖြစ်ပြီး ဒုတိယအများဆုံးမှာ  ရခိုင်ပြည်နယ်ဖြစ်ကြောင်း သိရှိရသည်။

တတိယအများဆုံးမှာ ပျက်ကွက်မှုမှာ ရှမ်းမြောက်ဖြစ်သည်။

စစ်ကောင်စီပိုင် သတင်းစာများက ရေးသားရာတွင် ချင်းပြည်နယ်တွင် ၇၆ ဒသမ ၇၃ ရာခိုင်နူန်း ပျက်ကွက်ခဲ့ပြီး ရခိုင်ပြည်နယ်တွင် ၅၄ ဒသမ ၁၆ ရာခိုင်နှုန်းပျက်ကွက်ကာ ရှမ်းပြည်နယ် (မြောက်) တွင် ၃၀ ဒသမ ၆၀ ရာခိုင်နူန်း ပျက်ကွက်ခဲ့သည်ဟု စစ်ကောင်စီပိုင် သတင်းစာများတွင် ရေးသားဖော်ပြသည်။

ချင်းပြည်နယ်တွင် ကျောင်းသား ၅၇၉ ဦးနှင့် ကျောင်းသူ ၇၄၃ စုစုပေါင်း ပျက်ကွက်သူ ၁၃၂၂ ဦး ရှိပြီး ၇၆ ဒသမ ၇၃ ရာခိုင်နူန်းထိ ပျက်ကွက်ခဲ့သည်။

ရခိုင်ပြည်နယ်မှ ပျက်ကွက်သူများမှာ ကျောင်းသား ၄၄၆၃ဦးနှင့် ကျောင်းသူ ၅၆၁၂ဦး စုစုပေါင်း ပျက်ကွက်သူ  ၁၀၀၇၅  ဦး ရှိပြီး  ၅၄ ဒသမ ၁၆ ရာခိုင်နူန်းပျက်ကွက်ခဲ့သည်။

ယင်းအပြင် ရှမ်းပြည်နယ်မြောက်ပိုင်းဒေသမှ ပျက်ကွက်သူစာရင်းမှာ ကျောင်းသား  ၃၄၇ဦး ကျောင်းသူ ၅၂၆ စုစုပေါင်းပျက်ကွက်သူ   ၈၇၃ ဦး ရှိပြီး  ၃၀ ဒသမ ၆၀ ရာခိုင်နူန်းထိ ပျက်ကွက်သည်ဟု ထုတ်ပြန်ထားသည်။

ရခိုင်ပြည်၊စစ်တွေတွင်လည်း  စစ်ကောင်စီ၏လက်နက်ကြီးကျည်ပစ်ခတ်မှု‌ကြောင့် ယမန်နေ့ မတ်လ ၁၃ ရက်နေ့ကလည်း စစ်တွေမြို့နယ် ၊ ရွှေပြည်သာ‌ ကျေးရွာရှိ အခြေခံပညာ မူ(လွန်) ကျောင်းအဆောင် တစ်ချို့ပျက်စီးခဲ့ပြီး စစ်တွေမြို့နယ် ပါဒလိ‌တ်ကျးရွာရှိ အမှတ်( ၇) စာသင်‌ ကျောင်းအနီးကိုလည်း လက်နက်ကြီးကျည်ကျရောက်ခဲ့သဖြင့်  စာမေးပွဲဖြေဆိုနေသည့်  ကျောင်းသား (၁) ဦးနှင့်ကျောင်းသူ (၁) ဦး ဒဏ်ရာရရှိသွားခဲ့သည်။

ယခုနှစ် ၂၀၂၃- ၂၀၂၄ ပညာသင်နှစ် တက္ကသိုလ်ဝင်စာမေးပွဲကို တိုင်းဒေသကြီးနှင့် ပြည်နယ်အလိုက် ခရိုင်၊ မြို့နယ်၊ စာစစ်ဌာန၊ နိုင်ငံခြားစာစစ်ဌာနတို့တွင် ဖြေဆိုသူ စာရင်းသွင်းအရေအတွက်မှာ ခရိုင်ပေါင်း(၁၁၄)ခရိုင်၊ မြို့နယ် ပေါင်း(၂၈၅)မြို့နယ်၊ စာစစ်ဌာနပေါင်း (၇၉၄)ဌာန ၊ စာမေးပွဲ ဖြေဆိုရန် စာရင်းသွင်းသူ ကျောင်းသား/ ကျောင်းသူ ( ၁၄၆၅၂၃ ) ဦး အနက် လာရောက်ဖြေဆိုသူ ဦးရေမှာ (၁၂၈၈၀၁)ဦး ရှိကြောင်း စစ်ကောင်စီ သတင်းထုတ်ပြန်ရေးအဖွဲ့က ထုတ်ပြန်ထားသည်။