ဂျွန်နသန်၊ နိရဉ္စရာ၊ ဧပြီ ၁၂/၂၀၂၄

ထိုင်း-မြန်မာနယ်စပ်တလျှောက် တင်းမာမှု ပြင်းထန်လာမှုကို တုံ့ပြန်တဲ့အနေနဲ့ ထိုင်းတော်ဝင် လေတပ်(RTAF) က F-16 တိုက်လေယာဉ် နှစ်စင်း စေလွှတ်ထားကာ တာ့ခ်ခရိုင်မဲဆောက်မြို့ အထက်လေပိုင်နက်မှာ ကင်းလှည့်မှုများ လုပ်ဆောင်လျက်ရှိသည်။

မြန်မာစစ်တပ်မှအသုံးပြုနေသည့် ရုရှားနိုင်ငံထုတ်MiG-29 တိုက်လေယာဉ်များထိုင်း-မြန်မာနယ်စပ်အနီးတွင် လေကြောင်းမှတိုက်ခိုက်မှု ပြုလုပ်နေကြောင်း သတင်းများ ထွက်ပေါ်လာပြီး နောက်ထိုင်းတော်ဝင်လေတပ်(RTAF) က F-16 တိုက်လေယာဉ် နှစ်စင်း စေလွှတ်ထားကာ နယ်စပ်အနီးကင်းလှည့်နေခြင်းသည်ဟုeurasiantimes က သတင်းဖော်ပြချက်အရသိ၇သည်။

မြန်မာ့တပ်မတော်နှင့်ကရင်လက်နက်ကိုင်တပ်ဖွဲ့တို့အကြားလတ်တလောဖြစ်ပွားနေသောတိုက်ပွဲများ ပြင်းထန်လာနေသည့် မြ၀တီမြို့နယ်အနီးတွင်RTAF သည်မြန်မာနိုင်ငံတွင်း အခြေအနေများကိုစောင့်ကြည့်ရန်လိုအပ်ကြောင်းကို ကိုးကား၍ RTAF မှဧပြီလ ၁၀ ရက်နေ့၌ ထုတ်ပြန်ကြေညာခဲ့သည်။

MiG-29 တိုက်လေယာဉ်များသည် မဲဆောက်နယ်စပ်ဂိတ်မှ ၅ ကီလိုမီတာခန့်ကွာဝေးသော မြ၀တီမြို့နယ်ရှိ ကရင်တပ်ဖွဲ့များအားလေကြောင်းမှ တိုက်ခိုက်မှုများ ပြုလုပ်ခဲ့ကြောင်း အဆိုပါ ဗုံးပေါက်ကွဲမှုကြောင့်ထိုင်းဘက်ခြမ်းမှ ပေါက်ကွဲသံများကိုကြားနေ၇သည်ဟု ဆိုသည်။

၂၀၂၂ခုနှစ်အတွင်းမြန်မာလေတပ်မှ MiG-29 သည်ထိုင်းလေပိုင်နက်အတွင်းသို့ ကျူးကျော် ဝင်ရောက်လာသည့်အခါ ထိုင်းနိုင်ငံဖက်မှ ရွာသားများအထိတ်တလန့် ဖြစ်စေခဲ့သည်။

မြန်မာစစ်အစိုး၇က အဆိုပါဖြစ်ရပ်အပြီးတွင်ထိုင်းနိုင်ငံအား တောင်းပန်ခဲ့ပြီး RTAF မှF-16 တိုက်လေယာဉ်များနယ်ခြားစောင့်တပ်များ စေလွှတ်ခြင်းအပါအဝင် RTAFမှ သတိထား စောင့်ကြည့်မှုများတိုးမြင့်လုပ်လာခဲ့သည်။

Source/eurasiantimes