ကန်နိုင်ငံခြားရေးဝန်ကြီးအန်တိုနီ ဂျေဘလင်ကန်က မြန်မာအတာသင်္ကြန်နှစ်သစ်ကူး အခါသမယတွင် ကောင်းခြင်းမင်္ဂလာများနှင့်ပြည့်စုံရန်နှင့် မြန်မာပြည်သူများနှင့်အတူ တစ်သားတည်းရှိကြောင်း ထုတ်ပြန်

ခိုင်လူလှ (ရိုးမမြေ) နိရဉ္စရာ၊ဧပြီ ၁၄/ ၂၀၂၄

မြန်မာအတာသင်္ကြန်နှစ်သစ်ကူးအချိန်ကာလတွင် အမေရိကန်  နိုင်ငံခြားရေးဝန်ကြီး အန်တိုနီ ဂျေ ဘလင်ကန် ကောင်းခြင်း မင်္ဂလာများနှင့်  ပြည့်စုံရန်နှင့်  မြန်မာပြည်သူများနှင့် အတူ တစ်သားတည်း ရှိကြောင်း ထုတ်ပြန်ပါသည်။

ထုတ်ပြန်ချက်ထဲတွင် “ မြန်မာနှစ်သစ်ကူး သင်္ကြန်အခါသမယတွင် မြန်မာပြည်သူများ ကောင်းခြင်း မင်္ဂလာများနှင့် ပြည့်စုံပါစေကြောင်း၊ မြန်မာပြည်သူများနှင့်အတူ တစ်သားတည်းရှိပါကြောင်း အမေရိကန် ပြည်ထောင်စုကိုယ်စား မိမိပြောကြားလိုပါသည်”ဟု ပါရှိသည်။ 

သင်္ကြန်သည် နှစ်ဟောင်းကို ပြန်ပြောင်းဆင်ခြင်သည့် အခါသမယဖြစ်သကဲ့သို့ နှစ်သစ်ကို မှန်းမျှော်ကြည့်ရန် အခွင့်အခါလည်းဖြစ်ပါသည်။ ကုန်လွန်ခဲ့သည် နှစ်ဟောင်းတွင်လည်း မြန်မာနိုင်ငံသည် ကံအကြောင်းမလှစွာ အရပ်သားပြည်သူများအပေါ် အကြမ်းဖက်မှုများနှင့် လူ့အခွင့်အရေးဖိနှိပ်ချုပ်ခြယ်မှုများကို ဆက်လက်ကြုံတွေ့နေခဲ့ရပါသည်။

စစ်မှုထမ်းဥပဒကို အသက်သွင်းရန် စစ်အာဏာရှင်အဖွဲ့အစည်း၏ ဆုံးဖြတ်ချက်က မြန်မာပြည်သူများ ရင်ဆိုင်နေကြရသည့် မြောက်များလှသည့် စိုးရိမ်သောကများနှင့် အခက်အခဲများကို ပိုမို ကြီးထွားစေပါသည်။

အကြပ်အတည်းကို အဆုံးသတ်ရန် ကြိုးစားနေသူများနှင့် မြန်မာနိုင်ငံ၏ အများ ပါဝင်နိုင်သည့် ဒီမိုကရေစီ အနာဂါတ်အတွက် ကြိုးပမ်းနေသူများကို မိမိတို့ ဆက်လက် အားပေးထောက်ခံသွားပါမည်။

စစ်တပ်၏ အာဏာသိမ်းမှုနှင့် အရပ်သားပြည်သူများကို နှိပ်စက်ကလူပြုမှုများအပေါ် တာဝန်ယူမှု တာဝန်ခံမှုရှိစေရေး နိုင်ငံတကာ ကြိုးပမ်းအားထုတ်မှုများအတွက် မိမိတို့ သံန္နိဋ္ဌာန် ထားလျက်ပင် ရှိပါသည်။

မြန်မာပြည်သူများသည် စဉ်းစားတွေးထင်ရန်မဖြစ်နိုင်လောက်သည့် ဒုက္ခသုက္ခများကို ရင်ဆိုင်အံတုရာတွင် ထူးချွန်ပြောင်မြောက်သည့် သူရသတ္တိနှင့် ကြံ့ကြံ့ခံနိုင်စွမ်းတို့ကို အကြိမ်ကြိမ်ပြသခဲ့ကြပါသည်။

လက်ရှိတွင် ပဋိပက္ခနှင့် ကြုံတွေ့နေကြရငြား အဟောင်းမှအသစ်သို့ ကူးပြောင်းခြင်းတည်းဟူသော သင်္ကြန်အခါသမယသည် မြန်မာပြည်သူများအတွက် မျှော်လင့်ချက်အသစ်များ ဆောင်ကြဉ်းလာပါစေကြောင်း တောင်းဆု ပြုလိုက်ပါသည်ဟု ပါရှိသည်။