(၂၀၂၃ နိုဝင်ဘာလမှယခုနှစ် မတ်လအထိ လေကြောင်းတိုက်ခိုက်မှုပေါင်း၅၈၈ ကြိမ်ပြုလုပ်ခဲ့၊ ထိုအထဲကငါးပုံတစ်ပုံမှာ ရက္ခိုင့်တပ်တော် ( AA) ခြေကုပ်ယူထားသော ပစ်မှတ်များဖြစ်ဟုဆို)

 နွေနေ၊ နိရဉ္စရာ၊  ဧပြီ ၁၉/၂၀၂၄

မြန်မာစစ်ကောင်စီသည်လက်လွှတ်ဆုံးရှုံးသွားသော နယ်မြေများအား ပြန်လည်ရရှိအောင်ရုရှားလုပ် MiG-29၊ Su-30 နောက်ဆုံးပေါ် တိုက်လေယာဉ်များနှင့် Mi-35 တိုက်ခိုက်ရေး၇ဟတ်ယာဉ်များကို အသုံးပြုလျှက်ရှိသည်ဟုNikkei Asia သတင်းဌာနက ရေးသားဖော်ပြလိုက်သည်။

ထိုင်းလေတပ်မှအရာရှိများသည် မြ၀တီနယ်စပ်တစ်လျှောက် ဗုံးကြဲတိုက်ခိုက်ရန် ပျံသန်းသွားသည့်မြန်မာစစ်တပ်၏ နောက်ဆုံးပေါ် ရုရှားလုပ် တိုက်လေယာဉ်များ နှင့်ရဟတ်ယာဉ်များကို ရေဒါတွင် မြင်တွေ့နေ၇သည်ဟု ဆိုသည်။

စစ်ကောင်စီသည်မြ၀တီအနီးရှိ တပ်စခန်းများကို လက်လွှတ်ဆုံးရှုံးလိုက်၇ပြီးနောက်ယခုကဲ့သို့ နောက်ဆုံးပေါ် တိုက်လေယာဉ်များအသုံးပြုတိုက်ခိုက်လာခြင်းဖြစ်သည်။

" ဧပြီလအစောပိုင်းကနှစ်ရက်အတွင်း စစ်ကောင်စီရဲ့ တိုက်လေယာဉ်နဲ့ ၇ဟတ်ယာဉ်တွေဗုံးကြဲဖို့နဲ့ ရိက္ခာချဖို့ ၂၁ကြိမ် ပျံသန်းခဲ့တာတွေ့၇တယ်" ဟုယုံကြည်စိတ်ချရသည့် ထိုင်းစစ်တပ်အရာရှိတစ်ဦးက ပြောသည်။

 " ရွာတွေကိုဗုံးကြဲဖို့နဲ့ ရိက္ခာ၊လက်နက် သယ်ယူပို့ဆောင်ဖို့ ရုရှားလုပ်တိုက်လေယာဉ်နဲ့၇ဟတ်ယာဉ်တွေကို ထိုင်း-မြန်မာနယ်စပ် ၁၀ ကီလိုမီတာအကွာမှာ အသုံးပြုနေတာတွေ့၇ပါတယ်" ဟု သူက ပြောသည်။

ရုရှားလုပ်MiG-29 တိုက်လေယာဉ်နှင့် Mi-35 ရဟတ်ယာဉ်တို့ကိုကရင်ပြည်နယ်၊ မြ၀တီအား KNU ဦးဆောင်သည့်တော်လှန်ရေးတပ်များ မသိမ်းပိုက်မီ အချိန်က စ၍ အသုံးပြုခဲ့သည်ဟုဆိုသည်။

ယခုကဲသို့စစ်ကောင်စီက လေကြောင်းအင်အားအသုံးပြု တိုက်ခိုက်လာမည်ကို ကြိုတင်မျှော်လင့်ထားကြောင်း၊စစ်ကောင်စီသည် စစ်ရှုံးလာလျှင် ယခုကဲသို့ ရက်စက်ကြမ်းကြုတ်စွာတုန့်ပြန်လေ့ရှိကြောင်း KNU ခေါင်းဆောင်တစ်ဦးက Nikkei သို့ပြောကြားခဲ့သည်။

 လွန်ခဲ့သည့်ငါးလအတွင်း စစ်ကောင်စီသည် နိုင်ငံအနှံ့တွင် ရုရှားလုပ် Yak-130 အပေါ့စား တိုက်ခိုက်ရေးနှင့်လေ့ကျင့်ရေးလေယာဉ်များ၊ ဘက်စုံသုံး Su-30 ဂျက်တိုက်လေယာဉ်များအသုံးပြုကာတော်လှန်ရေးအုပ်စုများကို တိုက်ခိုက်နေခဲ့သည်။

အမေရိကန်အခြေစိုက်Armed Conflict Location and Event Data Project အဖွဲ့၏ လေ့လာချက်အ၇ မြန်မာစစ်ကောင်စီသည် ၂၀၂၃ နိုဝင်ဘာလမှ ယခုနှစ်မတ်လအထိ လေကြောင်းတိုက်ခိုက်မှုပေါင်း ၅၈၈ကြိမ်ပြုလုပ်ခဲ့သည်ဟု ဆိုသည်။

အဆိုပါလေကြောင်းတိုက်ခိုက်မှုများအနက် ငါးပုံ တစ်ပုံမှာ ၇ခိုင်ပြည်နယ်တွင် တပ်စခန်းများ သိမ်းပိုက်နေသည့်ရက္ခိုင့်တပ်တော် ( AA) ခြေကုပ်ယူထားသော ပစ်မှတ်များဖြစ်သည်ဟုဆိုသည်။ ref: Nikkei Asia