ဂျွန်နသန်၊ နိရဉ္စရာ၊ မေ ၇/၂၀၂၄

အကြမ်းဖက်စစ်အုပ်စုကြောင့် တစ်ပတ်အတွင်း မြန်မာပြည်သူ (၉) ဦးသေဆုံးခဲ့ရပြီး ထိုသေဆုံးမှု အထဲတွင်  ၇ခိုင်မှ (၄) ဦးပါဝင်ကြောင်းနိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က ယနေ့တွင် သတင်းထုတ်ပြန်သည်။

AAPP မှ ကောက်ယူထားသော သတင်းအချက်အလက်များအ၇ ၂၀၂၄ခုနှစ်၊ မေလ ၁ ရက်နေ့မှ ရ ရက်နေ့အထိ နိုင်ငံတဝန်း၌ အကြမ်းဖက်စစ်အုပ်စုကြောင့်အမျိုးသမီး (၂) ဦးနှင့် အမျိုးသား (၇) ဦး စုစုပေါင်း (၉) ဦး သေဆုံးခဲ့သည်။

အဆိုပါ (၉) ဦးအနက် ၇ခိုင်ပြည်နယ်မှာ (၄)ဦးဖြင့် သေဆုံးမှု အများဆုံးဒေသဖြစ်ပြီး ၎င်းတို့သည် စစ်အုပ်စု၏ လေကြောင်းတိုက်ခိုက်မှုကြောင့် သေဆုံးခဲ့ခြင်းဖြစ်သည်။

မေလ ၆ ရက်နေ့၊ နံနက် ၈ နာရီခွဲခန့်အချိန်တွင် ရခိုင်ပြည်နယ်၊ကျောက်တော်မြို့နယ်၊ အလယ်ကျွန်း ကျေးရွာကို အကြမ်းဖက်စစ်အုပ်စုမှတိုက်ပွဲဖြစ်ပွားခြင်းမရှိဘဲ လေကြောင်းဖြင့် ဗုံးကြဲတိုက်ခိုက်ခဲ့ရာနေအိမ်တစ်လုံးပေါ်သို့ ကျရောက်ပေါက်ကွဲခဲ့သောကြောင့် ၎င်းနေအိမ်တွင် နေထိုင်သူဦးနီထွန်းဦးနှင့် သားဖြစ်သူ ကိုဟန်တို့မှာ နေရာတွင်ပင် ဗုံးစထိမှန်၍သေဆုံးခဲ့ကြသည်။

ထိုနေ့ နံနက် ၉ နာရီခွဲခန့်အချိန်တွင် အဆိုပါကျေးရွာကိုပင်ဒုတိယအကြိမ် ထပ်မံ၍ စစ်အုပ်စုမှ လေကြောင်းဖြင့် တိုက်ခိုက်ခဲ့ရာဘုန်းကြီးကျောင်းတစ်ခုပေါ်သို့ ကျရောက်ပေါက်ကွဲခဲ့ပြီး ဦးဇင်း ဇာဂ၇နှင့်ဒေါ်မဒွေးတို့မှာ ဗုံးစထိမှန်၍ သေဆုံးခဲ့ကြသည်။

(ဓာတ်ပုံ- အလယ်ကျွန်းကျေးရွာတွင် ဗုံးကြဲခံ၇၍ ပြိုပျက်သွားသည့် ဘုန်းတော်ကြီးကျောင်းနှင့် နေအိမ်များ/APM)