ဂျွန်နသန်၊ နိရဉ္စရာ၊ ဩဂုတ် ၂၀/၂၀၂၄

မြန်မာနိုင်ငံတွင် အာဏာသိမ်းပြီးချိန်မှ၂၀၂၄ ခုနှစ် ဩဂုတ်လ (၆)ရက်အထိ တိုက်ပွဲပေါင်း(၅၀၀၀)ခန့် ဖြစ်ပွားခဲ့ပြီးစစ်တပ်မှ(၁၄၇၃၆)ဦးအပါအဝင်လူ (၂၀၀၀၀) နီးပါး အသက်ဆုံးရှုံးခဲ့၇ကြောင်းဘန်ကောက်ပို့စ် ကသတင်းဖော်ပြသည်။

မြန်မာနိုင်ငံတွင်အာဏာသိမ်းမှုမှစတင်ခဲ့သည့် ၂၀၂၁ ခုနှစ် ဖေဖော်ဝါရီ (၁) ရက်မှ၂၀၂၄ ခုနှစ် ဩဂုတ်လ (၆)ရက်အထိ ကာလွတွင်း တိုက်ပွဲပေါင်း (၄,၉၈၂) ကြိမ်ဖြစ်ပွားခဲ့ပြီးလူ (၂၀၀၀၀) နီးပါး အသက်ဆုံးရှုံးခဲ့၇ကြောင်းသေဆုံးသူများတွင်မြန်မာ စစ်တပ်မှ (၁၄၇၃၆)ဦး၊ ပြည်သူ့ကာကွယ်ရေး တပ်ဖွဲ့(PDF)မှ(၁၀၅၈)ဦး နှင့် အရပ်သား (၃၈၇၂)ဦးပါဝင်ကြောင်း BNI ကထုတ်ပြန်သည့် စစ်တမ်းအပေါ်ကိုးကား၍ ဘန်ကောက်ပို့စ် က သြဂုတ်လ(၁၉)ရက်ကဖော်ပြသည်။

မြန်မာနိုင်ငံရှိမြို့နယ်ပေါင်း (၃၃၀) ရှိရာ (၂၂၂) မြို့နယ်တွင် ပဋိပက္ခများဖြစ်ပွားခဲ့ပြီး၊ ယင်းသည် မြန်မာနိုင်ငံ၏(၆ရ) ရာခိုင်နှုန်းကို လွှမ်းခြုံထားကြောင်း BNI-MyanmarPeace Monitor (BNI-MPM) ၏ သြဂုတ်လ (၁၆)ရက် က သတင်းထုတ်ပြန်ချက်တွင်ဖော်ပြထားသည်။

အရပ်သားသေဆုံး၇မှု၏(၄၅) ရာခိုင်နှုန်းသည်ရည်ရွယ်ချက်ရှိရှိ သတ်ဖြတ်ခံ၇ပြီး(၁၈)ရာခိုင်နှုန်းသည် လေကြောင်းတိုက်ခိုက်မှုကြောင့်ဖြစ်ကာ သေဆုံးမှုဒုတိယအများဆုံးဖြစ်သည်။

၄င်းအပြင်BNI ၏အချက်အလက်များအ၇ ၂၀၂၄ခုနှစ် ဩဂုတ်လ (၆)ရက်နေ့အထိ မြန်မာနိုင်ငံတွင် ပြည်တွင်းရွှေ့ပြောင်းဒုက္ခသည် ဦးရေသည်(၃.၁၆)သန်း ကျော်သွားပြီဖြစ်ကြောင်းလည်းဖော်ပြထားသည်။ Source and Photo / Bangkok Post