မောင်စာဂ၊
နိရဥ္စရာ၊ သြဂုတ် ၂၅/၂၀၂၄
ဘင်္ဂလားပင်လယ်အော်အလယ်ပိုင်းတွင်
ယခုရက်ပိုင်းအတွင်း မုန်တိုင်းငယ်တစ်လုံး ဖြစ်လာနိုင်သည်ဟု
မိုးလေဝသနှင့် ဇလဗေဒပညာရှင်များက သတိပေးထားသည်။
ယနေ့ သြဂုတ် ၂၅ ရက်မှ ၃၁ ရက်အတွင်း
ဘင်္ဂလားပင်လယ်အော်အလယ်ပိုင်းတွင် မုန်တိုင်းငယ် တစ်လုံးဖြစ်ပေါ်လာနိုင်သည်ဟု
မိုး/ဇလပညာရှင် Su Su San က
သူ၏
လူမှုကွန်ရက် စာမျက်နှာတွင်
ရေးသားထားသည်။
"မုန်တိုင်းငယ်သတိ - ၂၀၂၄ သြဂုတ်လ ၂၅ ရက်နေ့မှ ၃၁
ရက်နေ့အတွင်း ဘင်္ဂလား ပင်လယ်အော်အလယ်ပိုင်းမှာ
Monsoon Low System. မုန်တိုင်းငယ်တစ်လုံး ဖြစ်ပေါ် လာနိုင်ပါတယ်" ဟု
သြဂုတ်လ ၂၄ ရက်တွင် ရေးသားထားသည်။
အလားတူ
စစ်ကောင်စီ၏ မိုး/ဇလဌာနကလည်း ယနေ့ နေ့လယ် ၁ နာရီခွဲအချိန် တိုင်းထွာချက်များအရ
ဘင်္ဂလားဒေ့ရှ်နိုင်ငံတောင်ပိုင်းနှင့် ယင်းနှင့်ဆက်စပ်လျက်ရှိသော
ဘင်္ဂလားပင်လယ်အော်မြောက်ပိုင်းတို့တွင် နောက် (၂၄) နာရီအတွင်း လေဖိအားနည်း ရပ်ဝန်း(Low Pressure Area)တစ်ခု
ဖြစ်ပေါ်နိုင်သည်ဟု ခန့်မှန်းထားသည်။
မိုး/ဇလပညာရှင်
ဦးဝင်းနိုင်ကလည်း အိန္ဒိယနှင့် ဘင်္ဂလားဒေ့ရှ်နယ် စပ်ကမ်းခြေ အနီးတွင် လေဖိအားနည်းရပ်ဝန်းအသစ်တစ်ခု
ထပ်မံဖြစ်ပေါ်နေသည်ဟု သူ၏ လူမှုကွန်ရက် စာမျက်နှာတွင်
သြဂုတ် ၂၃ ရက်က ရေးသားထားသည်။
"အသစ်ထပ်မံဖြစ်ပေါ်တဲ့ လေဖိအားနည်းရပ်ဝန်းက ဘင်္ဂလားပင်လယ်အော်
အနောက်
မြောက်ပိုင်းကို ရွေ့လျားလာနိုင်ပြီး
ဘင်္ဂလားပင်လယ်အော်အလယ်ပိုင်းနဲ့
မြောက်ပိုင်း ဆက်စပ်ရာ
ပင်လယ်ပြင်မှာ ဩဂုတ် ၂၉-၃၀-၃၁ ရက်ခန့်တွင် လေဖိအားနည်းရပ်ဝန်းတခု
ဖြစ်လာနိုင်ကြောင်း ကနဦးကြိုတင်ခန့်မှန်းချက်များမှာ တွေ့ရပါတယ်"ဟု
ရေးသားထားသည်။
ယခုလို
ဘင်္ဂလားပင်လယ်အော်တွင်ဖြစ်ပေါ်လာသည့် ထူးခြားမိုးလေဝသ အခြေအနေ များကြောင့် မြန်မာနိုင်ငံတဝှမ်းလုံးတွင်
ဩဂုတ်လကုန်ရက်များအတွင်း မိုးအားကောင်း လာနိုင်ပြီး
နေရာကွက်၍ မိုးကြီးမှုများ ဖြစ်လာနိုင်သည်ဟု ဆိုသည်။
ယင်းကြောင့်
ရေနှင့်ပတ်သက်သည့် သဘာဝဘေးများထပ်မံဖြစ်ပေါ်နိုင်မည့် အခြေအနေ အတွက်
မြစ်ချောင်းကမ်းအနီး မြေနိမ့်ပိုင်းဒေသများတွင်နေထိုင်သူများ သတိပြုကြရန်လည်း
ဦးဝင်းနိုင်က သတိပေးထားသည်။
ဓာတ်ပုံ
- ဘင်္ဂလားပင်လယ်အော်တစ်နေရာအား တွေ့ရစဥ်