အေးမြတ်ခိုင်၊နိရဥ္စရာ၊ စက်တင်ဘာ၄/၂၀၂၄

ရခိုင်စစ်ဘေးရှောင်များအတွက် “သတ္တိနဲ့ပွင့်လန်း ချစ်သောပန်းများ" ရန်ပုံငွေရုပ်ရှင်ပြပွဲကိုထိုင်းနိုင်ငံ၊ချင်းမိုင်မြို့တွင် ကျင်းပမည်ဟု သိ၇သည်။

အဆိုပါရုပ်ရှင်ပြပွဲကို လာမည့်စက်တင်ဘာလ ၆ ရက် (သောကြာနေ့)မှာ ထိုင်းနိုင်ငံ၊ ချင်းမိုင်မြို့မှာရှိ'Payap University' တွင်ကျင်းပပြုလုပ်သွားမယ်ဟု Artist’s Shelter က ကြေညာထားသည်။

လက်မှတ်များကိုကြိုတင်ဝယ်ယူပါက ဘတ် ၂၀၀၊ ပြပွဲနေ့မှ ဝယ်ယူပါက ဘတ် ၂၅၀ သတ်မှတ်ထားကြောင်း သိ၇သည်။

ရုပ်ရှင်ပြပွဲမှရရှိမည့်လက်မှတ်ရောင်းရငွေအားလုံးနှင့် အလှူခံရရှိငွေ အားလုံးကို ရခိုင်ပြည်ရှိစစ်ဘေးရှောင်ပြည်သူများအတွက် အမိုးအကာ၊ ရွက်ဖျဉ်တဲ၊ စားသောက်ကုန်တွေအပြင်စိုက်ပျိုးဖို့သီးနှံမျိုးစေ့များကိုပါ ထောက်ကူနိုင်ဖို့ရည်ရွယ်ထားကြောင်း ဖော်ပြထားသည်။ 

ပြပွဲနေ့မှာ"သတ္တိနဲ့ ပွင့်လန်းချစ်သောပန်းများ" Film Screening အစီစဥ်မှာ ပါဝင်သည့် Guilt ၊ The Unknown Infinity ၊ “အတူတကွ”၊ “ငါတို့မှာ ငါတို့ပဲရှိတယ်”စသည့်ရုပ်ရှင်ဇာတ်ကား၄ ကားကို ပြသမည် ဖြစ်ကာ Talk Session, Myanmar Performance, SingingConcert များပါဝင်သည်။

နောက်ပြီးမြန်မာအစားအသောက်၊ အဝတ်အထည်များနှင့် Artists' Shelter ၏ ရောင်းကုန်များကိုပါခင်းကျင်းရောင်းချပေးသွားမည်ဟု သိ၇သည်။

(ဓါတ်ပုံ-Artists'Shelter )