ဂျွန်နသန်၊ နိရဉ္စရာ၊ အောက်တိုဘာ ၅၊ ၂၀၂၄

အာဆီယံ၊ ကုလသမဂ္ဂ၊ ဥရောပ သမဂ္ဂနှင့် စစ်အစိုးရအတိုက်အခံများပါဝင်ဆွေးနွေးကြသည့် မြန်မာ နိုင်ငံဆိုင်ရာနိုင်ငံတကာ အစည်းအဝေးကို အင်ဒိုနီးရှားနိုင်ငံက အိမ်ရှင်အဖြစ် လက်ခံကျင်းပ လျက်ရှိကြောင်းရိုက်တာသတင်းသတင်းဖော်ပြချက်အရသိ၇သည်။

ဒေသတွင်းနိုင်ငံများကမြန်မာနိုင်ငံတွင် ဖြစ်ပွားနေသည့် ပြည်တွင်းစစ်အဆုံးသတ်ရေးကိုကြိုးပမ်းလုပ်ဆောင်မှုမရှိဘဲ၊ ပျက်ကွက်နေသည့်အတွက်ကြောင့်ယခုလို နိုင်ငံတကာ အစည်းအဝေးကိုကျင်းပရခြင်းဖြစ်ကြောင်း ဆွေးနွေးပွဲနှင့် ပတ်သက်သည့် သတင်း အရင်းအမြစ်များတစ်ခုက ရိုက်တာသို့ အောက်တိုဘာ(၄)ရက်တွင်ပြောကြားခဲ့သည်။

အင်ဒိုနီးရှာနိုင်ငံကအိမ်ရှင်အဖြစ်၊ အောက်တိုဘာ(၄)ရက်နှင့်(၅)ရက်၊ (နှစ်ရက်)ကျင်းပသည့် အဆိုပါ ဆွေးနွေးပွဲသို့ ကုလသမဂ္ဂ၊ ဒေသတွင်း အစုအဖွဲ့ အာဆီယံ၊ ဥရောပသမဂ္ဂနှင့် မြန်မာနိုင်ငံ အမျိုးသား ညီညွှတ်ရေး အစိုးရ (NUG) တို့တက်ရောက် ဆွေးနွေးကြ မည် ဖြစ်သည်ဟု ဆိုသည်။

အဆိုပါ သတင်းရင်းမြစ်အရ သိရသည်။ အစည်းအဝေးတွင် NUGမှပါဝင်ဆွေးနွေးရန်ရှိကြောင်း သံတမန်သတင်းရင်းမြစ် တစ်ခုကအတည်ပြုခဲ့သည်။

ကုလသမဂ္ဂကလည်းမြန်မာနိုင်ငံဆိုင်ရာ အထူးအစည်းအဝေးတွင် ပါဝင်တက်ရောက်လျက် ရှိနေသည်ဟုအခြားသတင်းရင်းမြစ် တစ်ခုကဆိုသည်။

 သို့ရာတွင်အစည်းအဝေးသို့ တက်ရောက်လာသူများသို့မဟုတ် ဆွေးနွေးနေသည့် အကြောင်းအရာ များ၏ အသေးစိတ်ကိုမူသတင်းရင်းမြစ်များက ထုတ်ဖော်ပြောဆိုခြင်းမရှိကြပေ ။

အဆိုပါအစည်းအဝေး ကျင်းပမှုနှင့်ပတ်သက်၍ အင်ဒိုနီးရှားနိုင်ငံခြားရေးဝန်ကြီးဌာနပြောရေးဆိုခွင့်ရှိသူ Roy Soemirat ကမြန်မာနိုင်ငံအကြပ်အတည်းနှင့်ပတ်သက်၍ အာဆီယံအထူးသံတမန်တို့အကြားဆွေးနွေးပွဲပြုလုပ်ရန် အစီအစဉ်ရှိခဲ့ကြောင်း ပြောကြား ခဲ့သော်လည်းတက်ရောက်သူများနှင့် ဆွေးနွေးပွဲအတွက် အသေးစိတ် အချက်အလက်များကိုမူ ထုတ်ဖော်ပြောဆိုခြင်းမရှိပေ။

 မြန်မာစစ်အစိုးရ၊အင်ဒိုနီးရှား၊ကုလသမဂ္ဂနှင့် EU ကိုယ်စားလှယ်များကလည်း အစည်းအဝေးနှင့်ပ တ်သက်ပြီးမှတ်ချက်ပေးခဲ့ခြင်း မရှိသလို NUG ၏ပြောရေးဆိုခွင့်ရှိသူက လည်းမှတ်ချက်ပေးရန် ငြင်းဆိုခဲ့သည်။

လွန်ခဲ့သည့်သုံးနှစ်က ရေးဆွဲခဲ့သည့် မြန်မာနိုင်ငံအတွက်ငြိမ်းချမ်းရေးအစီအစဉ် ကို ဆွေးနွေးရန် အကြိမ်ကြိမ် တောင်းဆိုခဲ့သော်လည်းယခုအချိန်အထိ ပျက်ကွက်လျက်ရှိသည်။ အာဆီယံခေါင်းဆောင်များ တက်ရောက်ကြမည့်ထိပ်သီးအစည်းအဝေးကို လာအိုနိုင်ငံ၌ ကျင်းပရန်ရက်ပိုင်းအလိုတွင် ယခုကဲ့သို့ မြန်မာနိုင်ငံအကြပ်အတည်းနှင့်ပတ်သက်သည့် နိုင်ငံတကာ အစည်းအဝေး ကျင်းပခြင်းဖြစ်သည်။Source/Reuters