နိရဉ္စရာ၊ ဖေဖော်ဝါရီ ၁/ ၂၀၂၅

လွန်ခဲ့သည့် ၂၀၂၅ ဇန်နဝါရီလအတွင်းက ဗိုလ်မှူး (၁) ဦးအပါအဝင်စစ်ကောင်စီတပ်ဖွဲ့(၁၃၆) ဦးသည်လက်နက်မျိုးစုံ (၈၃) နှင့် အတူ ပြည်သူ့ရင်ခွင် ခိုလှုံခဲ့သည်ဟု အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာန၏ ထုတ်ပြန်ချက်အရ သိရသည်။

ပြည်သူ့ရင်ခွင်ခိုလှုံလာသည့် ၁၃၆ ဦးသည် စစ်ကောင်စီတပ်ဖွဲ့ဝင်များနှင့် ရဲတပ်ဖွဲ့ဝင်များ ဖြစ်ကြသည်။

၎င်းတို့သည် အမျိုးသားညီညွတ်ရေးအစိုးရ၊ ပြည်သူ့ရင်ခွင်အကောင်အထည်ဖော်ဆောင်မှု ဗဟိုကော်မတီနှင့် ကာကွယ်ရေးဝန်ကြီးဌာန ကွပ်ကဲမှုအောက်ရှိ PDF တပ်ရင်းများ၊ ပကဖများကိုဆက်သွယ်ကာ ဝင်ရောက်လာခဲ့ကြသူများဖြစ်ကြသည်ဟုယနေ့ ဖေဖော်ဝါရီ ၁ ရက် နေ့စွဲဖြင့် ထုတ်ပြန်ချက်တွင် ဖော်ပြထားသည်။

ဇန်နဝါရီလအတွင်း လက်နက်နှင့်တကွ ပြည်သူ့ရင်ခွင် ဝင်ရောက်လာသူများ ယူဆောင်လာသည့် လက်နက်မျိုးစုံ (၈၃) လက်နှင့် ခဲယမ်း မီးကျောက်များ ရရှိခဲ့သည်ဟုဆိုသည်။ 

အာဏာသိမ်း အကြမ်းဖက်စစ်တပ်၏ စစ်မှုထမ်းအမိန့်ကြေညာချက်ကြောင့် အတင်းအဓမ္မ လူသစ် စုဆောင်းခံရသူများ အပါအဝင် ပြည်သူ့ဘက်ရပ်တည်လိုသည့် တပ်သားနှင့်ရဲများ အနေဖြင့် ပြည်သူ့ရင်ခွင် တယ်လီဂရမ် @MyanmarPeople (သို့) နီးစပ်ရာ PDF၊ ပကဖများနှင့် မဟာမိတ် တိုင်းရင်းသား တော်လှန်ရေးအဖွဲအစည်းများကို ဆက်သွယ် ချိတ်ဆက်ကာ ပြည်သူ့ရင်ခွင် ခိုလှုံကြရန် တိုက်တွန်း အသိပေးထုတ်ပြန်အပ်ပါသည်ဟုလည်းဖော်ပြထားသည်။