လူထက်နိုင်၊ နိရဉ္စရာ၊ မတ် ၁၄/၂၀၂၅

မန္တလေးတိုင်း၊ စဉ့်ကူးမြိုနယ်၊လက်ပံလှကျေးရွာရှိလူစည်ကားရာစျေးဆိုင်တန်းများအား စစ်ကောင်စီက လေယာဉ်ဖြင့် ဗုံးကြဲ၍ ကလေးငယ်၆ ဦး အပါအဝင်အပြစ်မဲ့ပြည်သူ ၂၇ ဦးအသက်ဆုံးရှုံးခဲ့ရကြောင်းပြည်သူ့ကာကွယ်ရေးတပ်မတော် (မန္တလေး)ကမတ်လ ၁၄ရက်တွင် သတင်းထုတ်ပြန်ထားသည်။

၎င်းဗုံးကြဲတိုက်ခိုက်မှုကို မတ်လ (၁၄)ရက် နေ့လယ် (၃)နာရီဝန်းကျင်ခန့်တွင်အကြောင်းမဲ့ပြုလုပ်ခဲ့ခြင်းဖြစ်ပြီးလက်ပံလှကျေးရွာရှိလူစည်ကားရာစျေးဆိုင်တန်းများအားထိမှန်ခဲ့သည်ဟု သိရသည်။

အဆိုပါလေကြောင်းတိုက်ခိုက်မှုကြောင့်ကလေးငယ် ၆ ဦးအပါအဝင်အပြစ်မဲ့ပြည်သူ ၂၇ ဦးအသက်ဆုံးရှုးခဲ့ရပြီးထိခိုက်ဒဏ်ရာရရှိသူ (၃၀)ဝန်းကျင်ရှိခဲ့သညါဟု ထုတပြန်ချက်တွင် ဖော်ပြထားသည်။

လက်ပံလှ ကျေးရွာအား ယခု ဗုံးကြဲတိုက်ခိုက်ခံရမှုသည် ဒုတိယ အကြိမ်ဖြစ်ပြီး ပြီးခဲ့သည့်၂၀၂၅ခုနှစ်၊မတ်လ၄ရက်နေ့တွင်လည်းလေကြောင်းတိုက်ခိုက်မှုပြုလုပ်ခဲ့သောကြောင့်အပြစ်မဲ့ပြည်သူ (၆)ဦးအသက်ဆုံးရှုံခဲ့ရပြီးထိခိုက်ဒဏ်ရာရရှိသူများလည်းရှိခဲ့ကြောင်းသိရသည်။

တော်လှန်ရေးတပ်ဖွဲများထိန်းချုပ်စိုးမိုးထားသည့်နယ်မြေများတွင်ပြည်သူကိုပစ်မှတ်ထားသောလေကြောင်း တိုက်ခိုက်မှုများကိုအကြမ်းဖက်စစ်ကောင်စီမှတစ်စထက်တစ်စပေါ်ပေါ်ထင်ထင်ကျူးလွန်လာသည်ကိုတွေ့ရှိရကြောင်းပြည်သူ့ကာကွယ်ရေးတပ်မတော် (မန္တလေး)မှထုတ်ပြန်ထားသည်။