လူထက်နိုင်၊ နိရဉ္ဇရာ၊ မေ ၃ /၂၀၂၅

ပဲခူးတိုင်း၊ နတ်တလင်းမြို့နယ်၊ ဒမငယ်ကျေးရွာတွင် စစ်ကောင်စီတပ်နှင့် လက်နက်ကိုင်ပျူစောထီးများ ပူးပေါင်းတပ်စွဲထားသည့် ရဲကင်းစခန်းကို အမှတ်(၂) စစ်ဆင်ရေးနယ်မြေရှိ တော်လှန်‌‌ရေးတပ်ဖွဲ့များက ဝင်ရောက်တိုက်ခိုက်ရာ စစ်ကောင်စီတပ်ဖွဲ့ဝင်နှစ်ဦးသေဆုံးသွားခဲ့သည်ဟု သိရသည်။

အမျိုးသားညီညွတ်ရေးအစိုးရ (NUG)၏ ကာကွယ်ရေးဝန်ကြီးဌာနက မေလ ၃ ရက်နေ့ထုတ်ပြန်ချက်တွင် “ပဲခူးတိုင်း၊ နတ်တလင်းမြို့နယ်၊ ဒမငယ်ကျေးရွာတွင် စစ်ကောင်စီတပ်နှင့် လက်နက်ကိုင်ပျူစောထီးများ ပူးပေါင်းတပ်စွဲထားသည့် ရဲကင်းစခန်းကို အမှတ်(၂) စစ်ဆင်ရေးနယ်မြေ၊ တိုင်းစစ်ဌာန (ပဲခူး)၊ အမှတ်(၃၈၀၁)တပ်ရင်း၊ တပ်ခွဲ (၂)၊ တပ်ခွဲ(၆)၊ နတ်တလင်းမြို့နယ်(ပကဖ)တို့ ပူးပေါင်းပြီး မေလ ၂ ရက်နေ့ နံနက်ပိုင်းတွင် ဝင်ရောက်တိုက်ခိုက်ခဲ့သည်” ဟု ပါရှိသည်။

အဆိုပါတိုက်ခိုက်မှုသည် (၁)နာရီဝန်းကျင်ခန့် ကြာမြင့်ခဲ့ပြီး စစ်ကောင်စီတပ်ဖွဲ့ဝင်နှစ်ဦး သေဆုံးခဲ့ကာ ကျန်သူများမှာ စခန်းကိုစွန့်ခွာ ထွက်ပြေးသွားခဲ့ကြောင်း သိရသည်။

၎င်းတိုက်ပွဲအတွင်း တော်လှန်‌‌ရေးတပ်ဖွဲ့များက (၆၀)မမစိန်ပြောင်း တစ်လက်၊ လက်နက်ငယ် ငါးလက်နှင့် ခဲယမ်းများ၊ နင်းမိုင်း၊ ယာဉ်ဖျက်မိုင်းများကို သိမ်းဆည်းရရှိခဲ့ကြောင်း သိရသည်။

ဓာတ်ပုံ - NUG
---
ကျနော်တို့မီဒီယာဆက်လက်ရှင်သန်ရပ်တည်နိုင်ရေးအတွက် လူကြီးမင်းတို့ရဲ့ အားပေးမှုနဲ့ အကူအညီတွေကို အထူးလိုအပ်နေပါတယ်။ ဒီလင့် https://donorbox.org/narinjara-news ကနေတဆင့် ကူညီနိုင်ပါတယ်။ လူကြီးမင်းတို့ရဲ့ ကူညီထောက်ပံ့မှုအတွက် ကျေးဇူးအထူးတင်ပါတယ်။