ABSDF အခြေခံစစ်ပညာသင်တန်းဆင်းပွဲအခမ်းအနားသို့AA အပါအဝင်မဟာမိတ်အဖွဲ့အစည်းများ တက်ရောက်
နိရဥ္ဇရာ၊ ဇူလိုင် ၁ /၂၀၂၅
မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF) မြန်မာပြည်မြောက်ပိုင်း အမှတ်-၂ စစ်ကြောင်းအမှတ်စဉ်၁/၂၀၂၅၊အပတ်စဉ် (၉) အခြေခံစစ်ပညာသင်တန်းဆင်းပွဲ အခမ်းအနားကို တော်လှန်ရေးနယ်မြေတစ်နေရာတွင် ကျင်းပပြုလုပ်ခဲ့ရာ အာရက္ခတပ်တော်ULA/AA အပါအဝင် မဟာမိတ်အဖွဲ့အစည်းများမှ တာဝန်ရှိသူများ တက်ရောက်ခဲ့ကြသည်။
၎င်းသင်တန်းဆင်းပွဲအခမ်းအနားကိုဇွန်လ၊၂၅ရက်၊၂၀၂၅ခုနှစ်မနက်ပိုင်းတွင်အမှတ်-၂စစ်ကြောင်းအခြေခံစစ်ပညာသင်တန်းဌာနတွင်ကျင်းပပြုလုပ်ခဲ့ခြင်းဖြစ်ကြောင်းသိရသည်။
“အဆိုပါသင်တန်းဆင်းပွဲအခမ်းအနားသို့ABSDF မှဒု-ဥက္ကဌ၊မဟာမိတ်အဖွဲ့စည်းများဖြစ်ကြသောအာရက္ခတပ်တော်ULA/AA မှတပ်မှူးများ၊KIO/KIA မှအုပ်ချုပ်ရေးအဖွဲ့၀င်များ၊ဗမာပြည်သူ့လွတ်မြောက်ရေးတပ်တော် (BPLA)မှအရာရှိကြီးများ၊ကျောက်ဆည်ခရိုင်အမှတ်(၃)တပ်ရင်းမှတပ်မှူးများ၊ABSDF အမှတ်-၂စစ်ကြောင်းအပတ်စဉ်(၂) ဆေးသင်တန်းသူ၊သင်တန်းသားများ၊အပတ်စဉ် (၁၀)အခြေခံစစ်ပညာသင်တန်းသားများနှင့်မိဘပြည်သူများတက်ရောက်ခဲ့ကြပါသည်” ဟုထုတ်ပြန်ချက်တွင်ပါရှိသည်။
သက်ဆိုင်ရာမဟာမိတ်အဖွဲ့စည်းအသီးသီးရှိခေါင်းဆောင်များမှအားပေးစကားပြောကြားခြင်းနှင့် အတူ ထူးချွန်ဆုရသင်တန်းသူ၊သင်တန်းသားများကိုလည်းဆုချီးမြှင့်ခဲ့ကြောင်းသိရသည်။
အခမ်းအနားအစီစဉ်အားမကဒတအလံတော်နှင့်ကျဆုံးရဲဘော်များအားအလေးပြုခြင်း၊ "အရေးကြီးပြီ”သီချင်းသံပြိုင်သီဆိုခြင်းဖြင့်အောင်မြင်စွာကျင်းပပြုလုပ်ခဲ့ကြောင်းလည်း သိရသည်။
လှူရန်