နိရဉ္စရာ၊ ဇူလိုင် ၃/ ၂၀၂၅

စစ်ကောင်စီတိုက်ခိုက်ရေး လေယာဉ်တစ်စင်းသည် ပျံသန်းနေစဉ်အတွင်း ပျောက်ဆုံးနေကြောင်း စစ်ကောင်စီပိုင် မီဒီယာများတွင် ရေးသားဖော်ပြသည်။

၎င်း တိုက်ခိုက်ရေး လေယာဉ်သည် ၂၀၂၅ ခုနှစ် ဇူလိုင် ၁ ရက် ညပိုင်း၌ ညအချိန် ခရီးဝေး လေ့ကျင့် ပျံသန်းဆောင်ရွက်စဉ် နေပြည်တော်၏ အရှေ့တောင်ဘက် ၁၃၀ ကီလိုမီတာအကွာ၌ ရုတ်တရက် ရေဒါမြင်ကွင်းမှ ပျောက်ကွယ်၍ ဆက်သွယ်ရေး ပြတ်တောက်လျက်ရှိသည်ဟု ဆိုသည်။

လေယာဉ်သည် စက်ချို့ယွင်းမှု (သို့မဟုတ်) ရုတ်တရက် ရာသီဥတု ဆိုးရွားမှုများကြောင့် ဖြစ်နိုင်သည်ဟု ဆိုသည်။  

လက်ရှိတွင် ရာသီဥတု ဆိုးရွားလျက်ရှိသော်လည်း ဆက်သွယ်မှု ပြတ်တောက်ရာ နေရာတစ်ဝိုက်သို့ ရှာဖွေကယ်ဆယ်ရေးအဖွဲ့များ ဆောင်ရွက်နိုင်ရေး စီမံဆောင်ရွက်လျက်ရှိနေသည်ဟု သတင်းတွင် ဖော်ပြထားသည်။